సంఖ్యా 33 - Biblica® ఉచిత తెలుగు సమకాలీన అనువాదం

ఇశ్రాయేలు ప్రయాణ దశలు

¹ ఇశ్రాయేలీయులు మోషే అహరోనుల నాయకత్వంలో సేనలుగా ఏర్పడి ఈజిప్టు నుండి బయలుదేరి చేసిన ప్రయాణాలు.

² యెహోవా ఆజ్ఞ ప్రకారం మోషే వారి ప్రయాణాల దశలను నమోదు చేశాడు. ఇవి వారి ప్రయాణాల దశలు:

^3-4 ఇశ్రాయేలీయులు మొదటి నెల పదిహేనవ రోజు అంటే పస్కా తర్వాత రోజున, రామెసేసు నుండి ప్రయాణమయ్యారు. యెహోవా హతం చేసిన తమ జ్యేష్ఠులందరిని ఈజిప్టువారు సమాధి చేస్తూ ఉన్నప్పుడు, వారు చూస్తూ ఉండగా జయోత్సాహంతో బయలుదేరారు; ఎందుకంటే యెహోవా వారి దేవుళ్ళ మీద తీర్పు తీర్చారు.

⁵ ఇశ్రాయేలీయులు రామెసేసును వదిలి సుక్కోతు దగ్గర దిగారు.

⁶ వారు సుక్కోతును నుండి బయలుదేరి ఎడారి అంచున ఉన్న ఏతాముకు వచ్చారు.

⁷ వారు ఏతాము నుండి వెనుకకు తిరిగి బయల్-సెఫోను ఎదురుగా పీ హహీరోతు వైపుకు వెళ్లి మిగ్దోలు ఎదుట దిగారు.

⁸ పీ హహీరోతు నుండి బయలుదేరి సముద్రం గుండా దాటుతూ ఎడారిలోకి చేరారు, వారు మూడు రోజులు ఏతాము ఎడారిలో ప్రయాణం చేసి మారాలో దిగారు.

⁹ మారా నుండి బయలుదేరి ఎలీముకు వెళ్లారు, ఎలీములో పన్నెండు నీటి ఊటలు, డెబ్బయి ఈతచెట్లు ఉన్నాయి, వారక్కడ ఉన్నారు.

¹⁰ ఎలీము నుండి బయలుదేరి ఎర్ర సముద్రం దగ్గర దిగారు.

¹¹ ఎర్ర సముద్రం నుండి బయలుదేరి సీను ఎడారికి వచ్చారు.

¹² సీను ఎడారి నుండి బయలుదేరి దోపకాకు వచ్చారు.

¹³ దోపకా నుండి బయలుదేరి ఆలూషుకు వచ్చారు.

¹⁴ ఆలూషు నుండి బయలుదేరి రెఫీదీముకు వచ్చారు. అక్కడ ప్రజలకు త్రాగడానికి నీళ్లు లేవు.

¹⁵ రెఫీదీము నుండి బయలుదేరి సీనాయి ఎడారికి వచ్చారు.

¹⁶ సీనాయి ఎడారి నుండి బయలుదేరి కిబ్రోతు హత్తావాకు వచ్చారు.

¹⁷ కిబ్రోతు హత్తావా నుండి బయలుదేరి హజేరోతుకు వచ్చారు.

¹⁸ హజేరోతు నుండి బయలుదేరి రిత్మాకు వచ్చారు.

¹⁹ రిత్మా నుండి బయలుదేరి రిమ్మోను పెరెజుకు వచ్చారు.

²⁰ రిమ్మోను పెరెజు నుండి బయలుదేరి లిబ్నాకు వచ్చారు.

²¹ లిబ్నా నుండి బయలుదేరి రీసాకు వచ్చారు.

²² రీసా నుండి బయలుదేరి కేహేలాతాకు వచ్చారు.

²³ కేహేలాతా నుండి బయలుదేరి షాపెరు పర్వతముకు వచ్చారు.

²⁴ షాపెరు పర్వతము నుండి బయలుదేరి హరాదాకు వచ్చారు.

²⁵ హరాదా నుండి బయలుదేరి మకెలోతుకు వచ్చారు.

²⁶ మకెలోతు నుండి బయలుదేరి తాహతుకు వచ్చారు.

²⁷ తాహతు నుండి బయలుదేరి తారహుకు వచ్చారు.

²⁸ తారహు నుండి బయలుదేరి మిత్కాకు వచ్చారు.

²⁹ మిత్కా నుండి బయలుదేరి హష్మోనాకు వచ్చారు.

³⁰ హష్మోనా నుండి బయలుదేరి మొసేరోతుకు వచ్చారు.

³¹ మొసేరోతు నుండి బయలుదేరి బెనె యహకానుకు వచ్చారు.

³² బెనె యహకాను నుండి బయలుదేరి హోర్-హగ్గిద్గాదుకు వచ్చారు.

³³ హోర్-హగ్గిద్గాదు నుండి బయలుదేరి యొత్బాతాకు వచ్చారు.

³⁴ యొత్బాతా నుండి బయలుదేరి ఎబ్రోనాకు వచ్చారు.

³⁵ ఎబ్రోనా నుండి బయలుదేరి ఎసోన్-గెబెరుకు వచ్చారు.

³⁶ ఎసోన్-గెబెరు నుండి బయలుదేరి సీను ఎడారిలో ఉన్న కాదేషుకు వచ్చారు.

³⁷ కాదేషు నుండి బయలుదేరి ఎదోము సరిహద్దులో ఉన్న హోరు పర్వతం దగ్గర దిగారు.

³⁸ యెహోవా ఆజ్ఞ ప్రకారం యాజకుడైన అహరోను హోరు పర్వతం మీద చనిపోయాడు, ఇశ్రాయేలీయులు ఈజిప్టు నుండి వచ్చిన నలభైయవ సంవత్సరం, అయిదవ నెల, మొదటి రోజున అతడు చనిపోయాడు.

³⁹ హోరు పర్వతం మీద అహరోను చనిపోయినప్పుడు అతని వయస్సు నూట యిరవై మూడు సంవత్సరాలు.

⁴⁰ కనాను దక్షిణ దిక్కున కనానీయుడైన అరాదు పట్టణ రాజు ఇశ్రాయేలీయులు వస్తున్నారని విన్నాడు.

⁴¹ వారు హోరు పర్వతం నుండి బయలుదేరి సల్మానాకు వచ్చారు.

⁴² సల్మానా నుండి బయలుదేరి పూనొనుకు వచ్చారు.

⁴³ పూనొను నుండి బయలుదేరి ఓబోతుకు వచ్చారు.

⁴⁴ ఓబోతు నుండి బయలుదేరి మోయాబు సరిహద్దులో ఉన్న ఈయ్యె-అబారీముకు వచ్చారు.

⁴⁵ ఈయ్యె-అబారీము నుండి బయలుదేరి దీబోనుగాదుకు వచ్చారు.

⁴⁶ దీబోనుగాదు నుండి బయలుదేరి అల్మోన్-దిబ్లాతయీముకు వచ్చారు.

⁴⁷ అల్మోన్-దిబ్లాతయీము నుండి బయలుదేరి నెబో ఎదుట ఉన్న అబారీము పర్వతాల దగ్గర దిగారు.

⁴⁸ అబారీము పర్వతాల నుండి బయలుదేరి యెరికోకు దగ్గర యొర్దాను అవతలి వైపున మోయాబు సమతల మైదానాల్లో దిగారు.

⁴⁹ మోయాబు సమతల మైదానంలో బేత్-యెషిమోతు మొదలుకొని ఆబేల్-షిత్తీము వరకు యొర్దాను దగ్గర దిగారు.

⁵⁰ యెరికో దగ్గర యొర్దాను అవతలి వైపు ఉన్న మోయాబు సమతల మైదానంలో యెహోవా మోషేతో ఇలా మాట్లాడారు,

⁵¹ “ఇశ్రాయేలు ప్రజలతో మాట్లాడుతూ ఇలా చెప్పు: ‘మీరు యొర్దాను దాటి కనానుకు వెళ్లినప్పుడు,

⁵² ఆ దేశవాసులందర్నీ తరిమేయాలి. వారి రాతి విగ్రహాలను, కోట విగ్రహాలను నాశనం చేయాలి వారి క్షేత్రాలను పడగొట్టాలి.

⁵³ ఆ దేశాన్ని స్వాధీనం చేసుకుని అందులో నివసించండి ఎందుకంటే మీరు స్వాధీనపరచుకోడానికి ఆ దేశాన్ని మీకు ఇచ్చాను.

⁵⁴ చీట్లు వేసి మీ వంశాల ప్రకారం ఆ దేశాన్ని పంచుకోండి. పెద్ద గోత్రాలకు ఎక్కువ వారసత్వం చిన్న గోత్రాలకు తక్కువ వారసత్వంగా పంచుకోండి. చీట్లలో ఏది వస్తే, అది వారికి చెందుతుంది. మీ పూర్వికుల గోత్రాల ప్రకారం దానిని పంచుకోండి.

⁵⁵ “ ‘అయితే ఆ దేశవాసులను మీరు తరిమివేయకపోతే, అక్కడ ఉండడానికి అనుమతించిన వారు మీ కళ్లలో ముళ్ళుగా, మీ ప్రక్కలలో శూలాలుగా చేసినవారవుతారు. మీరు నివసించే భూమిలో వారు మిమ్మల్ని కష్ట పెడతారు.

⁵⁶ అప్పుడు నేను వారికేమి చేయాలని అనుకున్నానో, అది మీకు చేస్తాను.’ ”