rumiya 16 - ŋuɽun ŋun ŋiya ŋun ŋikaiilo elo 1966

asa 16 ḏisalɩmia ḏe gwulo gwuŋun

¹ nyi gwajuməḏɩjo dino gwan pibi gwun gwiro mage gwun gwiro gwa gwun gwiro gaḏam geḏi kɩniso gun gijo kenikiria,

² kani nyəmɩnyi kwele gwun gwiro elo, gi ŋideleḏo gi liji lun lɩpiḏo pɽul, nanyagelejo uwə ŋuɽun ŋədi ŋun ŋulbunyi lagalo; gi gwune gwaṯɩgelejo liji uwə lutu na nyi dino.

³ salɩmil birisɩkilaŋ na akila lun lapanale ŋɩru ḏi yecu kɩrisṯo,

⁴ lun ligelo lula lagin gwan gwulo gwinyi, nileico sukran namɩni nyi gwədu gwetɩdo no, namɩni kɩniso wei dino geḏi liji lun liro ga dino.

⁵ na dino salɩmi kɩniso gun gaṯaɽuwaḏe ldu kwu dunu gwagin. salɩmil maḏəri gwun gwan ebinɩtus gwun gwəmɩnyi, gwun gwəmɩnyu kɩrisṯoŋ gwerre kamɩrɩgen yun yan asia.

⁶ salɩmil mariamŋ gwun gwapo ŋɩru ŋutu gworki gwan anaŋa.

⁷ salɩmil andɩranikusuŋ na yuniasa lun liro əriḏ yinyi, na lun lijanalle kɩrkon lun lo ləmɩnyɩnu gworki gi duwəjo, na luŋa liro lɩkɩrisṯin gwerre ganu lugwi.

⁸ salɩmil əmɩbilas gwun gwəmɩnyi kwele gwun gwiro elo.

⁹ salɩmil urubanusŋ gwun gwapanalle ŋɩru ḏi kɩrisṯo na istakia gwun gwəmɩnyi.

¹⁰ salɩmil abilisŋ gwun gwəmɩnyɩnu ḏi kɩrisṯo. salɩmil liji leḏi dunu gweḏi aristubulus.

¹¹ salɩmil ərudiyunŋ gwun gwiro əriḏ yinyi. salɩmil liji leḏi dunu gweḏi nikrisusa kwele gwun gwiro elo.

¹² salɩmil tɩripiniaŋ na tɩribusa lun laṯape ŋɩru gworki kwele gwun gwiro elo. salɩmil parsisŋ gwun gwəmɩnyɩnu gwun gwapo ŋɩru ŋɩbuḏu gworki kwele gwun gwiro elo.

¹³ salɩmil rupusŋ gwun gwuməṯɩnu kwele gwun gwiro elo, na nana gwuŋun gwun gwiro nana lugwi dino.

¹⁴ salɩmil asinkɩriṯusŋ, na piliguna, na eramasa, na batrubasa, na ərimisa, na lɩmage lun lijille.

¹⁵ salɩmil bilulugusuŋ, na julia, na neriusa, na megin gwun gwiro gwa, na ulumbasa, na liji wei lun lɩpiḏo pɽul lun lijille.

¹⁶ salɩmiḏɩl ŋɩmaga lagaloŋu ḏɩmɩɽəḏo ḏe ḏeḏi liji lun lɩpiḏo pɽul. kɩniso wei geḏi kɩrisṯo gisalɩmiaje.

¹⁷ na nyi gwuɽoṯeḏo lagalo lɩmagəri, niarno, jil muma gi liji lun laṯapa ŋuɽuna ŋun ŋɩkiḏiḏɩl ḏalɩmia ḏe ḏun ḏalɩminanyaḏe nalgele ḏɩkenyɩḏiḏia ganu na ḏobɩlkejo, kani nyədu lagin.

¹⁸ gi gwune liji lun liro dino liro lɩwainy lədu leḏi gwele gwun gwan kɩrisṯo no namɩni leḏi nare nagin, na ŋuɽun ŋe ŋun ŋiŋir na ḏuməḏo ḏe ḏun ḏiŋir laṯirdeijo dugwore ganu deḏi liji lun liro jɩɽilo.

¹⁹ na ḏəteijo nəni ḏalo ḏimaŋini gi liji wei. na dino nyi gwadile ganu lagalo, namɩni nyi bunyu nyalaro liji lun lilɩŋiḏi gwan ŋuɽun ŋun ŋiŋir, nyamɩni dile nanu gwan ŋuɽun ŋun ŋɩki.

²⁰ na elo gwe ḏouwɩɽiḏa gwar gwəduṯa seiṯanŋ galo ŋwara ganu ŋwalo cou. ḏiŋiriḏa ḏeḏi gwele gwage gwun gwan yecu kɩrisṯo ḏanyalije. gwerkwe.

²¹ ṯimuṯawus gwusalɩmiaje gwun gwapanagwe ŋɩru, na dino lukius, na yasuna, na susibatrus lun liro əriḏ yinyi.

²² na nyi gwan tiritius gwiro gwun gwuli ŋuɽuna ŋeno gwusalɩmiaje kwele gwun gwiro elo.

²³ gaius gwusalɩmiaje gwun gwiro gwiḏo gwinyi na gwaṯɩməṯo liḏa leḏi kɩniso wei. ərasṯus gwusalɩmiaje gwun gwiro gwiji gwun gwaṯɩdɩme əlgɩrucə yeḏi amɩrɩgen, na kouwɩraṯus gwun gwiro mage.

²⁴ ḏiŋiriḏa ḏeḏi gwele gwage gwun gwan yecu kɩrisṯo ḏanyalije wei. gwerkwe.

ḏorṯeḏa

²⁵ na gwunnɩno lugwun gwun gwəṯi ŋɩma gwajimaṯaje ga gwan ŋuɽun ŋinyi ŋun ŋiŋir ŋeḏi yecu kɩrisṯo, na ḏuməḏɩjo liji ḏan yecu kɩrisṯo gwan ḏəŋinio ḏeḏi ŋuɽun ŋun ŋɩlɩbo ŋun ŋɩlɩbinu jɩḏilio jola ganu.

²⁶ namɩni gwunnɩno ḏimaŋino ŋuɽun ŋun ŋɩmal nebɩŋa uli kɩḏam geḏi elo, na ŋuɽun ŋun ŋigelɩlo elo gwun gwajaḏaṯa gi gɩḏilio ŋun ŋɩmalɩŋini gi liji leḏi jɩmɩrɩgen wei kani naləṯeijo ḏɩməṯo nəni,

²⁷ i ḏoɽeḏa ḏaje ḏi elo gwetɩdo gwun gwilɩŋeḏeno ŋuɽuna wei yecu kɩrisṯo gwe gi gɩḏilio. gwerkwe.