maṯa 1 - ŋuɽun ŋun ŋiya ŋun ŋikaiilo elo 1966

asa 1 lɩgwurnən leḏi yecu

¹ gɩḏam geḏi lɩgwurnən leḏi yecu kɩrisṯo, ŋaɽe ŋeḏi ḏauuḏ gwun gwiro ŋaɽe ŋeḏi ibraim.

² ibraim gwilɩŋiḏi isakŋ, na isak gwilɩŋiḏi yagubŋ, na yagub gwilɩŋiḏi yauḏaŋ na lɩmegin,

³ na yauḏa gwilɩŋiḏi parisŋ na sara kwa gwan ṯamar, na paris gwilɩŋiḏi asarunŋ, na asarun gwilɩŋiḏi aramŋ,

⁴ na aram gwilɩŋiḏi aminaḏabŋ, na aminaḏab gwilɩŋiḏi nasunŋ, na nasun gwilɩŋiḏi salɩmunŋ,

⁵ na salɩmun gwilɩŋiḏi buasɩŋ kwa gwan raʼab, na buas gwilɩŋiḏi ubiḏŋ kwa gwan raʼuṯ na ubiḏ gwilɩŋiḏi yesaŋ,

⁶ na yesa gwilɩŋiḏi ḏauuḏŋ kwe gwiro gwele, na ḏauuḏ gwilɩŋiḏi sulɩmanŋ kwa gweḏi auriya.

⁷ na sulɩman gwilɩŋiḏi raʼabamŋ, na raʼabam gwilɩŋiḏi abiaŋ, na abia gwilɩŋiḏi asaŋ,

⁸ na asa gwilɩŋiḏi yausabaṯŋ, na yausabaṯ gwilɩŋiḏi yuramŋ, na yuram gwilɩŋiḏi yusaiaŋ,

⁹ na yusaia gwilɩŋiḏi yuṯamŋ, na yuṯam gwilɩŋiḏi ajaŋ, na aja gwilɩŋiḏi isɩgiyaŋ,

¹⁰ na isɩgiya gwilɩŋiḏi manasaŋ, na manasa gwilɩŋiḏi amunaŋ na amuna gwilɩŋiḏi yucaiaŋ,

¹¹ na yucaia gwilɩŋiḏi yakuniaŋ na lɩmegin kaja gun gugwuluḏɩlge ḏi babil.

¹² na kaja gun gugwuluḏɩlge ḏi babil yakunia gwilɩŋiḏi salaṯailŋ, na salaṯail gwilɩŋiḏi sarubabilŋ,

¹³ na sarubabil gwilɩŋiḏi abiʼuḏŋ, na abiʼuḏa gwilɩŋiḏi aliyakamŋ, na aliyakam gwilɩŋiḏi asurŋ,

¹⁴ na asur gwilɩŋiḏi sadugŋ, na sadug gwilɩŋiḏi akimaŋ, na akima gwilɩŋiḏi aliyaḏŋ,

¹⁵ na aliyaḏa gwilɩŋiḏi liasarŋ, na liasar gwilɩŋiḏi maṯanŋ, na maṯan gwilɩŋiḏi yagubŋ,

¹⁶ na yagub gwilɩŋiḏi yusibŋ gwun gwiro gwəmɩnyo gweḏi mariam gwun gwilɩŋiḏi yecuŋ, gwun gwan kɩrisṯo.

¹⁷ na ŋiro dino uro ḏi ibraim kəbe ḏauuḏ liro babaŋaije ganu di na kwoɽo, na uro kaja ge ḏauuḏ kəbe uro kaja gun gugwuluḏɩlge babil liro babaŋaije ganu di na kwoɽo, na uro kaja gun gugwuludɩlge babil kəbe kɩrisṯo liro babaŋaije ganu di na kwoɽo.

ḏilɩŋino ḏeḏi yecu

¹⁸ na ḏilɩŋino ḏeḏi yecu kɩrisṯo ḏiro dino, gwune na mariam gwun gwiro nana gwuŋun gwəginu ḏi yusib, gwerre late limawiḏaṯe no nugwuli gwuɽɩwə gwe gwun gwɩpiḏo pɽul.

¹⁹ na yusib, gwun gwiro gwəmɩnyo gwuŋun gwiŋir, nate nuəmɩnyi gwaduji ḏare gi jei ganu jeḏi liji no, nuarno gwude nyɩkwom.

²⁰ na gwune ju gi ḏuməḏɩno ganu gwan ŋuɽun ŋeno, na gwiji gweḏi kanyin gweḏi gwele aŋinijo ŋwumɩnyo, nueicɩno, yusib, ŋaɽe ŋeḏi ḏauuḏ, ŋaḏonyɩḏa no ḏa ŋamar gwaɽe mariamg gwun gwiro gwa gwuŋa, gi gwune ŋun mugwuli ŋu ŋeḏi gwuɽɩwə gwun gwɩpiḏo pɽul,

²¹ na gwalɩŋe ŋaɽe ŋun ŋiro gwəmɩnyo, naŋaḏəḏə jiri jan yecu, gi gwune ŋu gwəkədə liji luŋun galo ŋuɽun ŋagin ŋun ŋɩki.

²² na ŋeno wei ŋiro kani nalṯɩmi ŋuɽuna ŋun ŋarɩŋe elo ḏi nebi ŋun ŋuməḏulo, nuarno,

²³ ŋera ŋun ŋate ŋɩmɩɽiḏi ganu no ŋagwuli na ŋalɩŋe ŋaɽe ŋun ŋiro gwəmɩnyo, na ŋalḏəḏə jiri jan imanuil, na jiri ceno jarno, elo gwijille.

²⁴ na yusib diɽo ŋwar nuarre ŋuɽuna ŋun ŋuməḏijɩlo gwiji gweḏi kanyin gweḏi gwele, nuape gwa gwuŋun,

²⁵ ate nanigwiḏɩre no kəbe nulɩŋe ŋaɽe ŋun ŋiro lɽa ŋun ŋiro gwəmɩnyo; nuḏəḏə jiri jan yecu.