Biblia Todo Logo
Bìoball air-loidhne

- Sanasan -

1 ṯimuṯawus 5 - ŋuɽun ŋun ŋiya ŋun ŋikaiilo elo 1966


asa 5

1 ŋagɩreṯɩnyeḏa gwiji gwun gwiro gwele gweḏi kɩniso no, almɩni ro dino aŋijo ŋuɽuna gwiro gi gwune ŋanuməḏɩjo babaŋ, na lun liro jamal jun juɽun ŋaluməḏɩjo gi lɩmagalo,

2 na nɩmon gi nanaŋa lun liro la lun luɽun, na lun liro lɩmaɽɩḏen ŋaluməḏɩjo gi lɩmagalo ḏɩpiḏa ḏe pɽul wei.


la lun liro linino kɩniso na luŋa lillarra

3 gelejo la uwə lun late ləṯi nyaɽe no lun liro linino gwerkwe.

4 namɩni ḏa gwinino gwete gwumanəṯi nyaɽe i lɩrgwurnən ŋalalɩmi gwerre aṯɩlərrɩjo liji leḏi dunu gwagin ŋɩru ŋun ŋiŋir; gi gwune ŋuɽun ŋeno ŋiŋir na ŋəmɩnyɩnu gi jei ganu jeḏi elo.

5 namɩni gwa kweno gwerkwe gwun gwate gwəṯi gwiji gwaṯɩgelejo uwə no, gwumagele ḏiḏuḏɩnɩjo ḏuŋun ḏi elo, na ŋu gwaṯɩgele gei dɩm gi ḏuməḏɩjo eloŋu na ḏiɽoṯeḏa gilio na anyine;

6 namɩni gwa gwun gwiŋir ḏugwore gwaṯɩdime ŋɩdio ŋuŋun, ŋu gwɩmai namɩni gwo galo gwumiḏo.

7 aŋiḏi ŋuɽuna ŋeno kani ate an ḏare ja lagin no.

8 namɩni ḏa gwiji gwete gwate gwɩmadɩme liji luŋun no na liji leḏi dunu gwuŋun, ŋu gwimadonye ḏɩməṯo, na gwɩkieno kwiji gwun gwate gwəmɩnyu eloŋu no.

9 ŋulio gwa gwun gwɩtieno jɩḏilio kworo gwun gwiro ḏuɽi nyəɽɩl no kalo geḏi geleja uwə, gwa gweḏi gwiji gwetɩdo,

10 na liji laṯarno ŋu gwaṯape ŋɩru ŋiŋir, ŋuro gwun gwaṯɩdaga nyaɽe nyuŋun ga, nugelejo liji lun liro liḏo uwə, ŋuro gwun gwimawei liji lun lɩpiḏo pɽul ŋwara, nugelejo liji uwə lun liḏɩmiḏɩnu, nuape ŋɩru wei ŋun ŋiŋir.

11 ŋamɩni donye linino lun logeno, gi gwune luŋa ḏa lɩmara lɩmani ŋuɽun ḏamani ganu geḏi jiŋino naliwəɽio ḏi kɩrisṯo nalbunyi nalarno lagini.

12 na luŋa ləṯi ḏakɩmino gi gwune lɩmadonye ḏɩməṯo ḏagin ḏun ḏiro lɽa.

13 na luŋa dino, gwune naṯɩlwewele gi lɩdunu naṯɩlalɩmini nalro lɩḏuna, namɩni late liro lɩḏuna kuwei no nalmɩni umə lijiŋale ga jai nalro limuɽul, laṯumə ŋuɽuna ŋun ŋate ŋar ŋalumə no.

14 na dino nyi gwubunyu la lun lore loga alagini allɩŋe nyaɽe aldɩme lɩduno lagin, ate aṯɩniouwɩrico gwiji lamon letɩdo gwun gwɩkiḏiḏɩle gwanluḏe no;

15 gi gwune kworo lɩmagwujane seiṯanŋ gɩdo.

16 na ḏa gwɩmaje gwete gwun gwəmɩnyu eloŋu gwun gwiro gwəmɩnyo i gwun gwiro gwa, gwun gwəṯi liji lun late ləṯi liji lun lɩgelejɩlo uwə no, arram nulgelejo uwə; na ŋɩru geḏi kɩniso ate alni no, kani al kɩniso gelejo uwə lun late ləṯi gwiji gweḏi geleja uwə no.


lele leḏi kɩniso

17 namɩni lele leḏi kɩniso lun liŋir ledeleḏe ḏinəjio ḏe ḏutu, na lun laṯape ŋɩru ŋɩbuḏu gi ḏuməḏɩjo liji ŋuɽuna ŋeḏi yecu kɩrisṯo na ḏalɩmia.

18 gi gwune gɩḏam geḏi elo garno, ŋagakia ŋiḏrio linyu ŋun ŋuuɽo ŋwona no, na, gwun gwapo ŋɩru gwɩdeleḏo gwape ŋɩdio ŋuŋun.

19 ŋadiŋɩna ŋuɽuna ŋeḏi ŋwiji gwete gwun gwar gwicɩgi gwelɩnya kɩniso no kəbe ḏa liji limaro lɩttən i ṯəɽɩl lun laŋiḏi.

20 ŋagɩreṯɩnyiḏɩlo lun lapo ŋuɽuna ŋun ŋɩki gi jei ganu jeḏi liji wei kani a lun lɩṯanu ḏonye.

21 nyi gwiḏəḏaŋa ŋuɽuna ŋɩbɩɽe gi jei ganu jeḏi elo na jeḏi yecu kɩrisṯo na liji luŋun leḏi kanyin lun lɩməṯɩnu, ŋadɩme ŋuɽuna ŋeno ŋanəmɩnyeno gwiji gwete no ŋanapa ŋɩru ŋan ḏiḏɩra gwiji nanu no.

22 ŋagela di kwiji elo cou no, nyankaiia ŋuɽuna lijiŋale ŋun ŋɩki lun liro kaja no. dɩmiḏi gwula gwuŋa dɩm gwɩpiḏo.

23 na gwunne ŋəduḏa gi gwiji gwun gwaṯɩyu ŋau kuwei no, namɩni yu ŋau ŋɩti ŋeḏi jaɽe jun jiro gi ḏuɽuṯ ŋan gare guŋa gun gaṯaŋaʼe ganu, na ŋɩɽainy ŋuŋa ŋun ŋutu.

24 ŋuɽin ŋun ŋɩki ŋeḏi liji kworo ŋaŋinu galo muma ŋar ŋawele kɩɽelo gi ḏalɩmiḏa; namɩni ŋuɽun ŋun ŋɩki ŋeḏi liji kworo ŋalɩgwujane.

25 na dino ŋɩru ŋun ŋiŋir ŋaŋinu, namɩni ḏa ŋun ŋate ŋaŋinu no ŋate gaje ŋalɩbiḏɩni no.

Nuba, Otoro New Testament

© British and Foreign Bible Society, 1966.

British & Foreign Bible Society
Lean sinn:



Sanasan