IBRANI 1 - BOWOT BOHUA

Pohotala bopander nguha Anak-Oh

¹ Aang jaman lomoi aro tikat Pohotala hopander umba tahtu ajuh ihto nguha nabi-nabi tutang hapa mahca-mahcam cara.

² Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.

³ Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

Kohajon Anak Pohotala

⁴ Anak rih ngondahpot ponuot, ijo mahcu labih diang umba molehkat-molehkat, tutang aran ijo tononga Pohotala ahkai-Oh ka'a mahcu labih horomat tahkanumba aran ijo tononga ahkan molehkat.

⁵ Eam pu'u Pohotala nuhtui koloutuh, ahkan ihcobehti molehkat ka, ‘‘Ihkorih Anak-Ku; aang ondou tuh Ahku monjadi Amai'mu.’’ Eam pu'u hino Pohotala nuhtui koloutuh, tohou molehkat ijo amohka, ka'a, ‘‘Ahku ahkan monjadi Amaioh tutang Io ahkan monjadi Anak-Ku.’’

⁶ Tahpi ang uhun Pohotala monyuhu Anak-Oh ijo pongoko nokuh kolunon tuh, Pohotala nuhtui koloutuh, ‘‘Paring molehkat Pohotala, pahtut nyembah Anak rih.’’

⁷ Tohou molehkat-molehkat, Pohotala nuhtui tumun tuh, ‘‘Pohotala napa molehkat-molehkat-Oh monjadi bahiu, tutang pohalu-pohalu-Oh monjari jelak baho.’’

⁸ Tahpi ahkan Anak rih Pohotala nuhtui, ‘‘Pododusan-Mu yo Pohotala ahkan kototahiu turus-jahamoh! Pomoretah-Mu anairih pomoretah ijo Adil.

⁹ Ihko jolik ahkan koadilan, tutang bosingi umba ijocurang. Orihrih kotuluioh Pohotala, Pohotalan-Mu, ngopili Ihko tutang nonga ahkan-Mu kohoromatan ijo mopolombut jorihjirah molowi injah-injah-Mu.’’

¹⁰ Pohotala nuhtui ka'a, ‘‘Ihko, Tuhan, aang pahtukoh naoi tana, tutang Ihko bongom napa langit.

¹¹ Paringoh rih ahkan dilap, tutang monjadi ruhtus kolou pokahjan; tahpi Ihko eam ahkan boubah.

¹² Angpindalangit tuh ahkan Ihkomolipet kolou pokahjan, tutang ahkan Ihkonakiri umba ijo bohkon. Tahpi Ihko eam pu'u ahkan boubah, tutang pombolum-Mu eam ahkan bolaiu.’’

¹³ Pohotala eam pu'u nuhtui koloutuh ahkan ihcobehti molehkat ka, ‘‘Tuotrih angsila kotouk-Ku nyiring musuh-musuh'mu Ahku ngominda umba ihko.’’

¹⁴ Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.