Райдиан 5 - Осетинская Библия. Отдельные книги Ветхого Завета

¹ Мӕнӕ Адам ӕмӕ йӕ байзӕддаджы царды хабӕрттӕ. Хуыцау адӕймаджы куы сфӕлдыста, уӕд ӕй скодта Йӕхи ӕнгӕс,

² сфӕлдыста нӕлгоймаг ӕмӕ сылгоймаджы. Раарфӕ сын кодта ӕмӕ сӕ се сфӕлдисӕн бон рахуыдта «адӕймӕгтӕ».

³ Адамыл дӕс ӕмӕ ӕхсӕзыссӕдз азы куы цыд, уӕд ын райгуырди фырт, ӕмӕ йыл сӕвӕрдта ном Шет. Шет уыд йӕ фыды халдих, цӕрмыстыгъд ӕй бакодта.

⁴ Шеты райгуырды фӕстӕ ма Адам фӕцард астсӕдӕ азы, ӕмӕ ма йын рацыди фырттӕ ӕмӕ чызджытӕ.

⁵ Ӕдӕппӕтӕй та Адам фӕцарди фарастсӕдӕ ӕртын азы.

⁶ Шетыл сӕдӕ фондз азы куы цыд, уӕд ын райгуырд Енош.

⁷ Еношы райгуырды фӕстӕ ма Шет фӕцард астсӕдӕ авд азы, ӕмӕ ма йын рацыди фырттӕ ӕмӕ чызджытӕ.

⁸ Ӕдӕппӕтӕй та Шет фӕцарди фарастсӕдӕ дыууадӕс азы.

⁹ Еношыл дӕс ӕмӕ цыппарыссӕдз азы куы цыд, уӕд ын райгуырди Кеинан.

¹⁰ Кеинаны райгуырды фӕстӕ ма Енош фӕцард астсӕдӕ фынддӕс азы, ӕмӕ ма йын рацыди фырттӕ ӕмӕ чызджытӕ.

¹¹ Ӕдӕппӕтӕй та Енош фӕцарди фарастсӕдӕ фондз азы.

¹² Кеинаныл дӕс ӕмӕ ӕртиссӕдз азы куы цыд, уӕд ын райгуырди Махалаел.

¹³ Махалаелы райгуырды фӕстӕ ма Кеинан фӕцард астсӕдӕ цыппор азы, ӕмӕ ма йын рацыди фырттӕ ӕмӕ чызджытӕ.

¹⁴ Ӕдӕппӕтӕй та Кеинан фӕцарди фарастсӕдӕ дӕс азы.

¹⁵ Махалаелыл фондз ӕмӕ ӕртиссӕдз азы куы цыд, уӕд ын райгуырд Йаред.

¹⁶ Йареды райгуырды фӕстӕ ма Махалаел фӕцард астсӕдӕ ӕртын азы, ӕмӕ ма йын рацыди фырттӕ ӕмӕ чызджытӕ.

¹⁷ Ӕдӕппӕтӕй та Махалаел фӕцард астсӕдӕ нӕуӕдз фондз азы.

¹⁸ Йаредыл сӕдӕ ӕхсай дыууӕ азы куы цыд, уӕд ын райгуырд Енох.

¹⁹ Енохы райгуырды фӕстӕ ма Йаред фӕцард астсӕдӕ азы, ӕмӕ ма йын рацыди фырттӕ ӕмӕ чызджытӕ.

²⁰ Ӕдӕппӕтӕй та Йаред фӕцарди фарастсӕдӕ ӕхсай дыууӕ азы.

²¹ Енохыл фондз ӕмӕ ӕртиссӕдз азы куы цыд, уӕд ын райгуырди Мефушал.

²² Мефушалы райгуырды фӕстӕ ма Енох фӕцард ӕртӕсӕдӕ азы, Хуыцауӕн коммӕгӕсӕй, ӕмӕ ма йын рацыди фырттӕ ӕмӕ чызджытӕ.

²³ Енох ӕдӕппӕтӕй фӕцард ӕртӕсӕдӕ ӕхсай фондз азы.

²⁴ Фӕцарди Хуыцауӕн коммӕгӕсӕй, стӕй зӕххыл нал уыди — Хуыцау Йӕхимӕ айста Енохы.

²⁵ Мефушалыл сӕдӕ ӕстай авд азы куы цыд, уӕд ын райгуырди Ламех.

²⁶ Ламехы райгуырды фӕстӕ ма Мефушал фӕцард авдсӕдӕ ӕстай дыууӕ азы, ӕмӕ ма йын рацыди фырттӕ ӕмӕ чызджытӕ.

²⁷ Ӕдӕппӕтӕй та Мефушал фӕцарди фарастсӕдӕ ӕхсай фараст азы.

²⁸ Ламехыл сӕдӕ ӕстай дыууӕ азы куы цыд, уӕд ын райгуырди фырт,

²⁹ ӕмӕ йыл сӕвӕрдта ном Ной. Афтӕ загъта: «Уый мах барӕвдаудзӕни нӕ удхайраг куысты, Дунедарӕг кӕй ралгъыста, уыцы зӕххы бӕркадӕй».

³⁰ Нойы райгуырды фӕстӕ ма Ламех фӕцарди фондзсӕдӕ нӕуӕдз фондз азы, ӕмӕ ма йын рацыди фырттӕ ӕмӕ чызджытӕ.

³¹ Ӕдӕппӕтӕй та Ламех фӕцард авдсӕдӕ ӕвдай авд азы.

³² Нойыл фондзсӕдӕ азы куы цыд, уӕд ын райгуырд ӕртӕ фырты: Сим, Хам ӕмӕ Йафет.