Псаломтӕ 99 - Осетинская Библия. Отдельные книги Ветхого Завета

¹ Стауӕн псалом. Ӕгас зӕхх, Дунедарӕджы сыстау!

² Дунедарӕгӕн цинимӕ лӕггад кӕнут, хъӕлдзӕгӕй ӕрбацӕут Йӕ размӕ!

³ Базонут: Дунедарӕг у Хуыцау. Уый нӕ рафӕлдыста, Уый стӕм — Йӕ фысты дзуг, Йӕ адӕм.

⁴ Стаугӕйӕ, бахизут Йӕ кулдуарӕй, арфӕгӕнгӕ бацӕут йӕ кӕртмӕ, скад Ын кӕнут, арфӕ ракӕнут Йӕ номӕн.

⁵ Дунедарӕг — хӕрзаудӕг, Йӕ хорзӕх — ӕнусон, Йӕ иузӕрдиондзинад — фӕлтӕрӕй фӕлтӕрмӕ.