Псаломтӕ 69 - Осетинская Библия. Отдельные книги Ветхого Завета

¹ Зарӕггӕнджыты къорды разамонӕгӕн. Давиды псалом. Зӕрдыл дарынӕн.

² О Хуыцау, фервӕзын мӕ кӕн! О Дунедарӕг, фӕтагъд мӕм кӕн ӕххуысмӕ!

³ Мӕ мӕлӕтмӕ чи бӕллы, уыдон фӕхудинаг уӕнт, фидиссаг фӕуӕнт! Ме сӕфтмӕ чи бӕллы, уыдон ӕгадӕй аздӕхӕнт фӕстӕмӕ.

⁴ Чи мыл феради, афтӕ йын хъӕуы, зӕгъгӕ, уыдон ӕгадӕй сӕхи фӕстӕмӕ айсӕнт.

⁵ Дӕумӕ чи тырны, уыдон та цинӕй райӕнт, цин кӕнӕнт Дӕуыл! Дӕу чи агуры, уыдон иудадзыг дзурӕнт: «Стыр у Хуыцау!»

⁶ Мӕгуыр ӕмӕ гӕвзыкк дӕн ӕз, о Хуыцау, фӕтагъд мӕм кӕн ӕххуысмӕ! Ды — ме ’ххуысгӕнӕг, мӕ Ирвӕзынгӕнӕг; Дунедарӕг, фӕстиат ма фӕкӕн!