Псаломтӕ 124 - Осетинская Библия. Отдельные книги Ветхого Завета

¹ Уӕлвонг Кувӕндонмӕ цӕуджыты зарӕг. Дунедарӕгыл йӕ ныфс кӕмӕн у, уый Сионы хохау нӕ фенкъуысдзӕни мыггагмӕ.

² Йерусалимы алыварс хӕхтӕ куыд лӕууынц, афтӕ Дунедарӕг дӕр Йӕ адӕмыл ӕртыхсти — ныр дӕр ӕмӕ мыггагмӕ дӕр.

³ Ӕнӕхуыцӕуттӕ нӕ бацахсдзысты рӕстгӕнджыты бӕстӕ, цӕмӕй рӕстудтӕн дӕр сӕ къух ма фӕтаса фыдмимӕ.

⁴ О Дунедарӕг, ахъаз бакӕн хӕларзӕрдӕтӕн ӕмӕ рӕстудтӕн!

⁵ Галиу фӕндӕгтыл чи ныллӕууыд, уыдоны та фыдгӕнджытимӕ бафхӕр! Фӕрнӕйдзаг уӕд Израил!