Псаломтӕ 111 - Осетинская Библия. Отдельные книги Ветхого Завета

¹ Алелуйа! Тӕхудиаг у, Дунедарӕгӕн аргъуц чи кӕны, Йӕ фӕдзӕхстытӕ ӕхцон кӕмӕн сты.

² Тыхджын уыдзӕни уымӕн зӕххыл йӕ хъӕстӕ, рӕстудты мыггаг арфӕгонд уыдзӕни.

³ Мыды къусау — йӕ нӕргӕ хӕдзар, йӕ рӕстад уыдзӕни ӕнусон.

⁴ Рӕстгӕнджытӕн сӕудары дӕр рухс скӕсы, уымӕн ӕмӕ Дунедарӕг хатыргӕнаг, рӕдау ӕмӕ рӕстаг у.

⁵ Фӕрнджын у фӕлмӕнзӕрдӕ адӕймаг, рӕдауӕй ӕфстау чи дӕтты ӕмӕ йӕ хъуыддӕгтӕ рӕстӕй чи аразы, уый.

⁶ Мыггагмӕ дӕр нӕ фӕцуддзӕн, рӕстгӕнӕг мыггагмӕ дӕр рох нӕ уыдзӕн.

⁷ Нӕ фӕтӕрсдзӕни уый фыд уацӕй, фидарӕй йӕ зӕрдӕ дары Дунедарӕгыл.

⁸ Сабыр у йӕ зӕрдӕ, нӕ фӕтӕрсдзӕни, йе знӕгтӕм кӕсгӕйӕ.

⁹ Цы йӕм уыд, уый рӕдауӕй байуӕрста мӕгуыртӕн; йӕ рӕстад уыдзӕни ӕнусон, йӕ кад уыдзӕни бӕрзонд.

¹⁰ Ӕнӕхуыцау ӕм хӕлӕгӕй мӕлдзӕн, йӕ дӕндӕгты къӕс-къӕс цӕудзӕн ӕмӕ баруайдзӕн. Ӕнаккӕгты фӕндиӕгтӕ нӕ сӕххӕст уыдзысты!