Павелонь васенце сёрмац Коринфу 5 - Од Соткс Новый Завет на мордовском-мокша языке 2016

Павел судендасы усксевомань тевть

¹ Пилезон прасть афкуксонь корхнемат: тинь ётксонт тиендевихть усксевомань тефт, мянь стама усксевомат, кодапт ашесть кулендев нльне Шкаень аф содайхнень ётксовок. Фкясь тинь эздонт эряй-утци алянц од рьванц мархта.

² И тинь нинге авардемать вастс шнатада пря, и ашесть пане ёткстонт ся ломанть, кона тись тяфта.

³ Мон хуш ашан ётксонт ронгса, но ваймопожфса мон ётксонтан и, улемок ётксонт ваймопожфса, мон арьсине, кода тейнть тиема ся ломанть мархта, кона тись тяфтама нильготькс тев.

⁴ Мзярда тинь пуроптада Иисус Христос Азороньконь лемса и мон ваймопожфсон улян ётксонт, и Иисус Христос Азороньконь виецка ули мархтонк,

⁵ эста тя ломанць максома Сатанать кядьс. Катк юмай сонь ронгоц: ваймопожфоц улеза идеф Иисус Христос Азороньконь сама шистонза.

⁶ Тейнть аш мезьса шнамс пря. Кали аф содасасть, конашкава кржа эряви шапафтомада марнек шапаксть срхкафтомс?

⁷ Лацкас кыргасть лангстонт ташта шапафтомать, эста тинь ульхтяда од шапаксокс, кона аф шапафтф. Тинь ни тяфтамкс араде, вдь минь Очижинь Верозоньке – Христос – максф инксонк озксказнекс.

⁸ Сяс Очижинь илать ётафтсаськ аф ташта шапафтома мархта – пежеть и кяжть, но аф шапама кши мархта – ару седиса и видешиса.

⁹ Ётай сёрмасон мон сёрмадонь тейнть: тяда латце соткст усксеви ломаттнень мархта.

¹⁰ Но тяфта сёрмадомста мон ашень корхта сембе усксевихнень колга, конат улихть тя масторлангса, али топафксонь аф содайхнень, али нельгихнень-салайхнень, али аф афкуксонь шкайхненди сюконяйхнень колга. Афток тейнть саволь прокс тумс тя масторлангста.

¹¹ Но вага мезень колга мон корхтань тейнть сёрмасон: афоледе латце соткс сянь мархта, кинь лемнесазь кемай ялгакс, а сон усксеви, топафкста аф содай, аф афкуксонь шкайхненди сюконяй, сюци-сялды, симила али нельги-салай. Тяфтамть мархта нльне тяда озсе фкя шра ваксска.

^12-13 Кали монне тевсь судендамс сятнень, кит аф кемаень пуромкссот? Синь судендасыне Шкайсь. Но мес тинь аф судендасасть сятнень, кит тинь кемаень пуромкссонт? Сёрматфксса азф: «Панесть ёткстонт аф ару ломанть!»