Matthew 1 - Pupu Oharo Āre 1963 Genese 1970 Rute 1972

Iesu ve vilakao

¹ Iesu Keriso, David ve akore, Abraham ve akore ve houva haela ve vilakao oaria ma:

² Abraham Isaac epape: Isaac Jacob epape, Jacob Judas i malaita ila epape.

³ Judas, areve uva Tamar, erealila Phares Zara ila erape: Phares Esrom epape: Esrom Aram epape.

⁴ Aram Aminadab epape: Aminadab Naasson epape: Naason Salmon epape.

⁵ Salmon, areve uva Rahab, erealila Booz epape: Booz areve uva Ruth ila Obed epape: Obed Jesse epape:

⁶ Jesse David Amua haela la epape: amua Haela David Urias ve uva laeai akore le epape, Solomon.

⁷ Solomon Roboam epape: Roboam Abia epape: Abia Asa epape;

⁸ Asa Josaphat epape Josaphat Joram epape: Joram Ozias epape:

⁹ Ozias Joatham epape: Joatham Achaz epape: Achaz Ezekias epape;

¹⁰ Ezekias Manasses epape: Manasses Amon epape: Amon Josias epape.

¹¹ Josias Jechonias i malaita ila erape, Babylon kari aupe la hoa ve.

¹² Erero Babylon kari ekepe, aireaki Jechonias Salathiel epape: Salathiel Zorobabel epape:

¹³ Zorobabel Abiud epape: Abiud Eliakim epape: Eliakim Azor epape:

¹⁴ Azor Sadoc epape: Sadoc Achim epape: Achim Eliud epape.

¹⁵ Eliud Eliazar epape: Eleazar Matthan epape: Matthan Jacob epape.

¹⁶ Jacob Joseph Mary ve vila epape: la uamari Iesu epape, Areve rare va Keriso.

¹⁷ Laelave vilakao oaria hoa Abraham aiai David ve hoa 14 hovea leipe: David ve hoa aiai Babylon kari aupe la hoa vilakao 14, Babylon kariaupe la hoa aiai Keriso ve hoa vilakao 14 leipe.

Iesu epape hari

¹⁸ Iesu Keriso ve epape maea hovea ma: Areve lou Mary Joseph maepape la hoa (Joseph are ila au availa) arero Ove Veveke koarai eroila leipe.

¹⁹ Areve vila Joseph, ehovea are mai ehoe haela, la eharu hihika leiki ikivere au leila, ehoveala areve ikikekela arero muruhari paraeakive.

²⁰ Kahara, are laria kekela ve ape la hoa are Amua ve aneru ivahi eavape, areve oharo mari iapape, Joseph, David ve akore, ave uva Mary a laeaki oaoka kalailue, ehovea are leipe la maea Ove Veveke ve horova.

²¹ Are akore la epakilava, areve rare Iesu itavaki, ehovea are areve haela oaria ereve mai heahaha ve lei makukurikilai.

²² Ma horova oaria ehovea peroveta haela Amua ve kileape la oharo iele le horerakilai: areve oharo maria:

²³ Iapaki — mariheari maea popou are eroila leikilai, akore hekai epakilai, Ere areve rare Emanuel itavakilai; la rare ve iele, Aualari ela i hareho aeavila.

²⁴ Joseph avuku ve la urai aneru arero maeape la oharo hovea le leipe, ae areve le lai ekepe.

²⁵ Are arero au koaraila ikiki akore le epape, are akore rare Iesu rare itavape.