Genese 5 - Pupu Oharo Āre 1963 Genese 1970 Rute 1972

Adamu ve akoremari ve huhuve

¹ Ma va Adamu ve akoremari ve vilakao ve buka ma. Aualari haela karikipe la hoa are arero Aualari ve maea hovea karikipe.

² Vila i uva ila are erealilara karikipe; are erealilara lei momorapupe, kai erealilara karikipe la hoa are erealilara Haela rare itavape.

³ Adamu hitolo 130 hovea ovokake aeaveape la hoa, are elare maea hovea akore epape, areve oropape hovea, kai are arero rare Seta rare itavape.

⁴ Adamu Seta oropa epape kai aireaki hitolo 800 ovokake aeaveape: are kai akoremari i marita ila uku kara erape.

⁵ Laelave, Adamu ovokake aeaveape hitolo va 930; kahara, are le apape.

⁶ Seta ve hitolo 105 hovea hovea la hoa, are Enosa epape.

⁷ Seta Enosa oropa epai aireaki ovokake aeaveape hoa hitolo 807; are akoremari i marita ila uku kara erape.

⁸ Laelave, Seta ve hitolo hovea hovea leipe hitolo 912. Kahara, are le apape.

⁹ Enosa ve hitolo 90 hovea hovea la hoa are Kenana epape.

¹⁰ Enosa Kenana oropa epape, aireaki are ovokake aeaveape hitolo 815; are kai akoremari i marita ila uku kara erape.

¹¹ Laelave Enosa ve hitolo hovea hovea leipe hitolo 905. Kahara, are le apape.

¹² Kenana ve hitolo 70 hovea hovea la hoa are Mahalalela epape.

¹³ Kenana Mahalalela oropa epai aireaki ovokake aeaveape hitolo 840, kai akoremari i marita ila uku kara erape.

¹⁴ Laelave Kenana ve hitolo hovea hovea leipe hitolo 910; are le apape.

¹⁵ Mahalalela ve hitolo 65 hovea hovea la hoa are Iareda epape.

¹⁶ Mahalalela Iareda oropa epai aireaki ovokake aeaveape hitolo 830; are kai akoremari i marita ila uku kara erape.

¹⁷ Laelave, Mahalalela ve hitolo hovea hovea leipe hitolo 895; are kai le apape.

¹⁸ Iareda ve hitolo 162 leipe la hoa are Enoka epape.

¹⁹ Iareda Enoka oropa epai, aireaki are ovokake aeaveape hitolo 800; are kai akoremari i marita ila uku erape.

²⁰ Laelave, Iareda ve hitolo hovea hovea leipe hitolo 962. Are kai le apape.

²¹ Enoka ve hitolo 65 leipe la hoa are Metusela epape.

²² Enoka Metusela oropa epai, aireaki are i Aualari i hareho loa vea velaripe, hitolo 300 hovea hovea; are kai akoremari i marita ila uku kara erape.

²³ Laelave Enoka ve hitolo hovea hovea leipe hitolo 365 ila.

²⁴ Enoka Aualari i hareho loa vea velaripe, kai haela arero au eavaila, ehovea Aualari arero hareavape.

²⁵ Metusela ve hitolo 187 hovea hovea leipe la hoa, are Lameka epape.

²⁶ Metusela Lameka oropa epai aireaki ovokake aeaveape ve hitolo 782, kai akoremari i marita ila uku kara erape.

²⁷ Laelave, Metusela ve hitolo hovea hovea leipe hitolo 969; are kai le apape.

²⁸ Lameka ve hitolo 182 hovea hovea leipe la hoa are akore haroapo epape,

²⁹ are la akore rare Noa rare itavape, kai mariape; “Iehova lei heaha leipe la kekele ve, ma akore elaviilara lei makukurikilai, kai mai horova v'ila iki paparaehaki hoa aikiarakilai.”

³⁰ Lameka Noa oropa epai aireaki ovokake aeaveape va hitolo 595; are kai akoremari i marita ila uku kara erape.

³¹ Laelave, Lameka ve hitolo hovea hovea leipe hitolo 777; are kai le apape.

³² Noa va hitolo 500 leipe la hoa, are Sema, Hamu i Iapeta ila erape.