Colossae 4 - Pupu Oharo Āre 1963 Genese 1970 Rute 1972

¹ Horova amua eve horova haela kavale hovea hovea lei avaraki. E v'ore eve Amua kara kaia ve le aeave.

² Ivaiva hare oaria kiva auhohi leivahaeaki. Aualari ve thank you oharo avahaeaki.

³ Eve ivaiva hoa elaro kara iki kelavaki. E Aualari velavela maria leivahaeaki — are Oharo ve okiape ela v'ila hapakilai, ehovea ela Keriso ve aiarapape la oharo hihika kileavahaeakilai. Araro au hahape iele, ehovea la oharo.

⁴ Ehovea ara va la oharo hihika kileakilai, araro avikiarape la oharo hovea hovea.

⁵ Mahokaea ve haela oropa ve Keriso ve ikiore mai leivahaeaki, hare oaria naoae kalaivahaelue.

⁶ Eve oharo mea oaria ikiheroe meru ila arive, hoveahovea, kaikara paraeape la eapai. Laelave e ve elarelare oharo hukavaki mai hoveahovea leikive.

Ikiheroe oharo uku: Kokaukaki oharo

⁷ Tychicus, ela iki havahu apoheari i Amua ve horova leiki kake ila, kai oharo haela, arave maea hovea ero kileavahaeakilai.

⁸ Ara va arero paraeape ehovea la, ehovea e elave maea hovea ore leivahaeakive, ero kai hakakaeakive.

⁹ Onesimus, ikikekela aheke i ela iki havahu apoheari ila, arero koarai auve; are eve haela ae va la. Erealila maia ve horova oaria ero kileavahaeakilai.

¹⁰ Ara i hareho uvi muru aeavila haela, Aristarchus, ero ikiheroe oharo paraeaive. Mark, Barnabas ve akoreheari kara (e va are v'ila oharo overa iapape — are eve leia la pekakilava, e va arero auhohi leivahaeaki).

¹¹ Iesu, rare aea Justus, ero oharo paraeaive — ma va Judea haela leivahaeape haela. Ere va ara i hareho Aualari ve basileia ve horova leilula haela. Ere va araro mea oaria ikiveveke leipe.

¹² Eve haela aea, Epaphras, Iesu Keriso ve horova haela, ero ikiheroe leive — are mea oaria areve ivaiva hoa ero iki kekelavila, E va aheke i mekakure ila Aualari ve ikivere horova oaria kiva leivahaeakive.

¹³ Ara are v'ila maria vavakilai, are mea oaria ero kekelavila, Laodicea haela i Hierapolis apealula haela oaria kara.

¹⁴ Luke, ela iki havahu doctor haela, kai Demas ila, ero oharo paparaehairo.

¹⁵ Laodicea i Nymphas ila apealula la apavara ikiheroe hela avaraki, ereve uvi ve korukaiavahaelula la ekalesia haela kara.

¹⁶ Ma hohoa eve leia oropa mureaki. Aireaki Laodicea haela ve ekalesia leia kara mureaki. Ara Laodicea paraeaki la hohoa kara e va mureakive, heroe.

¹⁷ Archippus maria maeaki, Amua aro avarape la iroro horova kiva lei mekari leikive, heroe.

¹⁸ Ma hita oharo ara Paul elare mai haearo. Araro au hahape la horou iki kelavaki. E va ikiheroe meru avaki.