Apokalupto 13 - Pupu Oharo Āre 1963 Genese 1970 Rute 1972

Animala merava ve ivahi

¹ Ara ahea ma poe ve la miri pavape. Ara ahea ma ve kivikaki eharu eavape: are va haro 7 ila, haro karahe 10 ila; areve la karahe akea ve korona 10 ila korape: areve haro va O heaha rare hape.

² Ara eavape la eharu eapapo va leopard hovea, areve loa va bear ve loa hovea: areve ape va lion ve ape hovea. Hevehe eapapo va arero aheke kai haiavaki ita kai o aheke ila aiarape.

³ Ara areve haro aeva eavape; are va hohara eapapo ila, apaki maeamaea. Areve la hohara heaha lei veveke leipe. Meahaiapo haela oaria la eharu eapapo v'ila ikihorahora leivahaeape.

⁴ Ere va eharu eapapo aheke avarape la Hevehe eapapo momorapupe, kai mariape, Eharu eapapo hoveahovea leitura ha? Arero mare arilai leita haela ha?

⁵ Arero avarape maria: O heaha i pelaea oharo oaria ila ve ape. Ere kai aheke avarape ehovea papare 42 laria mai leikive.

⁶ Are ape ha Aualari v'ila o heaha eapapo ape. Are va Aualari i Areve uvi ila kai kaia ve apealula la haela oaria ila ve rare ve o heaha ape.

⁷ Ere arero avarape aheke ehovea hehe haela oaria mare arive, erero heaorapakive kara. Are va aheke avape, haela oaria, uri oaria, vilaipipi oaria akea ve.

⁸ Meahaiapo apealula haela oaria arero morapaeakilai; meahaiapo avare koare hoa ve hape la Mamoe Akore ve ovokake buka ureve rare au haeaila la haela.

⁹ Avako ila la haela oharo iapaila.

¹⁰ Haela au hahai kari auki la haela, Arero kara hahai lai aukilai. Haela lelao mare haeavila la haela, Arero kara lelao mare harilai Hehe haela, maria auhohi leivahaeai ikikekela aheke leivahaeaki hoa ma.

¹¹ Ara meahaiapo ve kivikavila aeha eharu eavape; are va mamoe karahe orahokaila hovea, are kai hevehe eapapo hovea oharo ape.

¹² Areve aheke oropa la aeha eharu hoveahovea; ehovea areve oharo meahaiapo i areve apealula haela oaria oropa la aeha eharu momorapulula, areve hohara veveke leipe la eharu.

¹³ Areve horova ehoaha oaria leivila: are haela oaria oropa ve kaia ve a eapapo kihoaukive leive.

¹⁴ Ehovea are aeha eharu oropa ve horova ehoaha leivahaeape, are meahaiapo apealula haela oaria amuraeape. Meahaiapo apealula la haela are maria kileavila — la aeha eharu oropa ve harihu karikikive, lelao mare kakare leipe kai ovokake leipe la aeha eharu.

¹⁵ Areve aheke kara aeka maria: La aeha eharu ve harihu lei ovokake leikive, laelave aeha eharu ve harihu oharo hukavape, kai aeha eharu ve harihu morapaeaki aue haela oaria au haeakive leipe.

¹⁶ Are haela oaria kara, titaeka i ehoaha ila, erohoho haela i merava haela ila, au hahape haela i naoae loalula haela, ereve mai ore ukai ve aka hevere ve, ihova avakive leive.

¹⁷ Aeka maria, ihova ila aka aeha eharu va rare ila, aka areve rare ve numera ila, karia la haela, ilaea leiki horova kai kakavae horova leivahaea va ka.

¹⁸ Haela ve ikiore okiharo ma — Ikiore hoveahovea la haela aeha eharu ve numera kaoakive heroe, are va haela ae ve numera; la numera va 666.