1 Timothy 2 - Pupu Oharo Āre 1963 Genese 1970 Rute 1972

Veuveu okiharo veveke

¹ Arave oropa ahilaki oharo ma: E va ivaiva kai veuveu kai apevelavela kai thank you oharo haela oaria v'ila arive:

² Amua i gavana haela oaria v'ila ivaiva leivahaeaki, ehovea elaviila hahari hahari i hehe mai ila auhohi apeakive.

³ Ma va elaviilave lei ovokake leiki Aualari ma mai veveke ikivere leive.

⁴ Are ikivere haela oaria ovokake leivahaeai o iele ore leivahaeakive.

⁵ Ehovea Aualari va haroapo hiki aeavila, aeva Aualari i haela ila ve aru hihi ve Amua haroapo hiki, Iesu Keriso, aeavila; Are kara haela.

⁶ Are elare ovokake avarape ehovea haela oaria lei makukurikive; Ma va iele areve ikivere hoa hihika leipe.

⁷ Ara kara la horova avape, ara va kilea haela i aposetolo haela ila (arave oharo iele, opore ka); ara va ita lahua haela ikikekela i o iele ila mai ve kileaki haela.

⁸ Laelave ara va ikivere haela oaria ita lahua oaria ivaiva leikive: ere elare mai urapaki, hihiri i hahari mai v'arekaea.

⁹ Hovea hovea, uavila elare maea ve maupa oaria kalaivahaelue; maeoka i mai ehoe ila, ere elare haro koro maupa lahua lahua oaria kalaivahaelue, aeva auro i ario ve maupa oaria v'arekaea.

¹⁰ Aka (Aualari ve mai ikivere uavila hovea) horova mekaka oaria leivahaeaki va heroe.

¹¹ Uavila harita harita apeaki mai ore leivahaeaki, kai oharo iapa mai veveke hiki.

¹² Arave ikikekela uavila kilea horova oaria leivahaea v'arekaea; ere kai haela ve akea ve kalaivahaealue, aka hahari hahari ila apeakive, heroe.

¹³ Ehovea Aualari Adam oropa karikipe, Eve va aireaki.

¹⁴ Ekaroa kara Adam au kurupaeaila, are uamari oropa amuraeape, laelave are mai heaha leipe.

¹⁵ Aka akore epakive la horova arero lei ovokake leikilai; ere va ikikekela i ikiheroe i hehe mai ila hahari hahari apeakive heroe.