1 John 1 - Pupu Oharo Āre 1963 Genese 1970 Rute 1972

Ovokake haiapo Iesu ureve hihika leive

¹ Avare koare ipopeavape la eharu, ela va iapape, ela havahu ovohae eavape, ovohae iele eavape, ela mai iele paeape, ovokake ve oharo iele.

² (Ehovea la ovokake hihika leipe. Ela overa ovohae eavape; ela va are v'ila vavavalula; ela la ovokake haiapo ero amoealula — La ovokake haiapo Oa ve leia aeape, kai elave oropa ve hihika leipe.)

³ Ela ovohae eavape kai iapape la eharu ela ero kiriro, ehovea e ela i hareho ikiveveke herehere leikive. Ela oa i hareho apealula, kai areve akore Iesu Keriso kara.

⁴ Ela ma eharu ve oharo ero paparaehaive, ehovea e kara ikiveveke eapapo leivahaeakive.

Aualari i hareho veavila haela mai heaha lei va ka

⁵ Ela va Areve ma oharo iapape, la oharo ela ero kiriro — Aualari va ovava, Areve ureve muru karia.

⁶ Elaviila maria la maeakilava, Ela are i hareho apealula kai muru hoa loa la loakilava, elaviila va opore iele, elaviilave oharo iele karia.

⁷ Elaviila ovava ureve loa la loakilava, hoveahovea Are kara ovava ureve aeavila, elaviila kai elarelare ikiveveke ila apeakilai; areve Akore Iesu Keriso ve apu elaviilave mai heaha oaria hapururukakilai.

⁸ Elaviila maria la maeaeakilava, Elave haeae karia, elaviila hehepo iele, kai o iele elaviilave iki ureve aea va ka.

⁹ Elaviila elaviilave mai heaha hihika la amoeakilava, areva iki ehoe ila, laelave are elaviilave mai heaha oaria hapururukakilai.

¹⁰ Elaviila maria lamaeaeakilava, Ela va haeae au leila, elaviila arero opore hovea leikilai; areve oharo elaviilave ureve aea va ka.