1 JOHN 1 - Tohono O'odham

Jiosh alidag o ab t-mahkch g wechij doakag

^1-2 Ni-wepnag: Am ant wo i em-oꞌohani ab amjed hegai mat ia uꞌapa g Jiosh haꞌichu ahga jewed dahm k ab t-mahkch g wechij doakag. Chum ash hekid wehmaj g e-ohg Jiosh an dahm kahchim ch ed ch wabshaba ia i wuhsh jewed dahm. Kuni si neid g hejel ni-wuhpuikaj ch kahk ch ab tahtk g ni-nohnhoikaj.

³ Ahchim mach wa neid g Jiosh alidag ach am em-ahgid ab amjed mamt hekaj t-wehm ab wo ihmad g Jiosh. Jesus Christ o d Jiosh alidag.

⁴ Kuni am em-oꞌohanid ahpim mam ab s-wohochud mamt hekaj wo si s-ap e tahtkkad. Nt ahni hab waꞌap wo si s-ap ni-tahtkkad em-wehm.

Do hekia s-apꞌekam g Jiosh

⁵ Jesus o am t-ahgid mash g Jiosh d hekia tonlig.

⁶ T wo ha iattogi matp hedai hab wo chei mo s-mahch g Jiosh k eda hab wo junihid g pi apꞌekam. Id o am s-chuhugam k ed him.

⁷ Jiosh o d wohokam. Kutt wo si s-ap t-tahtkkad ab aꞌai t-wui am oidch hihimadch g wohokam. Kut heg gam hu hab wo i junihid g pi ap t-chuꞌijig nat pi heg hekaj t-wehhejed muh g alidaj. Heg o wa wepo mo g alidaj ehꞌed gam hu wakon g pi ap t-chuꞌijig.

⁸ Pi g hab wo shaꞌi chehꞌi mams pi ha chuꞌijig. Heg o d iattogi.

⁹ Tt wo mahsko wua g t-chuꞌijig. T g Jiosh gam hu hab wo i juh k wo i t-kegch. Heg at hekaj ab nako g Jiosh alidag g s-koꞌok t-namkidadag ab e shoꞌigchudk kots t ab.

¹⁰ Jiosh o am t-tashogid matt wehsijj hab juh g pi apꞌekam. Kut hedai hab wo chei mo pi ha chuꞌijig k am wo e chehgi mo pi ab hu wohochud g Jiosh.