OMAPSALOME 90 - Ombibeli Iyapuki

Okuhakalapo kwovanhu

Ounongoimbilo laEtan Omuesrahi.

¹ Omwene, Oove u li po ehondameno letu okudja koludalo noludalo.

² Manga ino shita eemhunda nomanga ino holola po ounyuni, Ove Kalunga kaalushe oko wa li, noto ka kala alushe fiyo alushe.

³ Ove to shunifa omunhu mondwi yedu, ndele to ti: “Alukeni, oludi lovanhu nye.”

⁴ Osheshi omido eyovi, kwoove oda fa efiku longhela, eshi la pita po, nongaashi olufo loufiku lomunangeli.

⁵ Ove to va kungulula po, ove li ngaashi eemhofi; ongula ve li ngaashi omwiidi tau twiyuka;

⁶ ou tau penduka omutalala, ndele tau tutuma, nomokutokelwa kwao tau lembalala, ndele tau kukuta ngaho.

⁷ Osheshi fye ohatu nyonaunwa po kehandu loye, nohatu vakulwa po kokuudonya kwoye.

⁸ Owii wetu u kaleka ofika koshipala shoye, noiholekwa yetweelela oto i holola ya yela koshipala shoye.

⁹ Osheshi omafiku etu aeshe otaa piti po ketikuko loye; omido detu ohatu di xulifa po ngaashi ehefo.

¹⁰ Okukala po kwetu kombada yedu oku fike pomido omilongo heyali, ngeenge okuhapu, shapu omilongo hetatu, nouwa wako: oudjuu auke netutuko; osheshi oko otaku pitilile po diva, fye ohatu vilola po.

¹¹ Ndelenee elipipo te lipulapula neenghono dehandu loye, e lipulaapule nonyengo yoye, opo a kale te ku tila?

¹² Tu longa okuvala omafiku etu, fye tu pewe omutima wa nongopala.

¹³ Omwene, aluka vali! Wa hala u kale ko fiyo onaini mbela? Ningila ovapiya voye olukeno.

¹⁴ Pita ongula, u tu palule nouwanghenda woye, fye tu shiive okukuwilila nokuhafa momafiku etu aeshe.

¹⁵ Hovela oku tu hafifa omafiku e fike pwaa we tu nyematifa, nomido di fike pwaadi twa li noudjuu.

¹⁶ Okulonga kwoye, efa ku monike kovapiya voye, noshingetumbalo shoye okoludalo lavo.

¹⁷ Efilonghenda lOmwene Kalunga ketu nali kale kombada yetu! Noilonga yomake etu i punika, heeno, oilonga yomake etu i nangeka noupuna.