OMAPSALOME 87 - Ombibeli Iyapuki

Jerusalem, ina yovaitaveli aveshe

Epsalome lOvakora, eimbilo.

¹ Okudikwa kwasho, osha dikilwa kombada yeemhunda diyapuki.

² Oivelo yaSion Omwene e i hole komesho yeenhele adishe daJakob.

³ Oshilando shaKalunga ove, oto tumbulwa wa tumbala. Sela

⁴ Rahab naBabilon, hai tongo ovashiivi vange, heeno, naFilistia naTirus pamwe naEtiopia: naavo yo va dalelwa ko.

⁵ Ndelenee okutonga Sion otaku tiwa: “Shamha omunhu, omo a dalelwa musho, naau wOkombadambada Ye mwene ote shi pameke.”

⁶ Omwene mokuvalula kwaye oiwana yoilongo ota shangele mo: “Naau okwa dalelwa ko.” Sela

⁷ Mokwiimba nokutanha tava ti: “Eefifiya adishe dange di li mwoove.”