OMAPSALOME 82 - Ombibeli Iyapuki

Kalunga ta tokola ovatokoli vehe fi ovayuki

Epsalome laAsaf.

¹ Kalunga oku li ofika moshiongalele shookalunga, e li mokati kookalunga ta tokola:

² “Fiyo onaini mwa hala okutokola etokolo inali yuka, ndele tamu pe ovadinikalunga ounongo? Sela

³ Yukifileni ohepele nofiye, epongo nomufyoona navo nava popilwe nawa.

⁴ Xupifeni omuxupi nomukwanaluhepo, va vakuleni momaoko ovadinikalunga.

⁵ Ndele vo ihava koneke sha, ihava shipulula; hava endaenda momilaulu, omakanghameno aeshe edu taa tengauka.

⁶ Heeno, Ame mwene onda tya: onye amushe ookalunga novana vaau wOkombadambada;

⁷ nande pe li ngaha, otamu fi, ngaashi ovanhu hava fi, ndele tamu lidenge po ominguda ngaashi oidale aishe.”

⁸ Akutu Kalunga, fikama, u tokole edu; osheshi oiwana aishe oyoye.