OMAPSALOME 54 - Ombibeli Iyapuki

Eilikano mefininiko

Ounongoimbilo waDavid; wa pewa enyakwa lolwiimbo, oku u shika mouxumbafeta pefimbo olo eshi Ovasifi ve uya kuSaul noku mu lombwela tava ti: ‘David okwa hondama pufye’.

¹ Kalunga, xupife nge molwedina loye, Ove yukifile nge molweenghono doye.

² Kalunga, uda eindilo lange, Ove pwilikina eendjovo dokanya kange.

³ Osheshi ovanailongo ova shivila nge olwoodi, ovakolokoshi otava nangele omwenyo wange; Kalunga ihave mu tula moipafi yavo. Sela

⁴ Ondi shi shii, Kalunga Oye omukwafi wange, Omwene Oye eyambidido lomwenyo wange.

⁵ Owii otau ka shunifilwa ovatondi vange; va hanauna po molwoudiinini woye.

⁶ Okehalo liwa nda hala oku ku yambela eyambo, nokuhambelela edina loye, Omwene, shaashi oliwa.

⁷ Osheshi olo la xupifa nge momaudjuu aeshe, nomesho ange otaa hafele okutala ovatondi vange.