OMAPSALOME 3 - Ombibeli Iyapuki

Exupifo oli li mOmwene

Epsalme laDavid, eshi a ya onhapo omona waye Absalom.

¹ Omwene, ongahelipi ovatondi vange va hapupala! Vahapu va fikamena nge!

² Vahapu otava popi nge tava ti: “Ke na ekwafo puKalunga!” Sela

³ Ndelenee Omwene, Oove oshikelelifo shange netumbalo lange, Ove noto yelula omutwe wange.

⁴ Onda lalekida Omwene mokule, Ye nokwa uda eingido lange komhunda yaye iyapuki. Sela

⁵ Onda li nda nangala, nda kofa nawa, opo nee nda penduka; osheshi Kalunga oha amene nge.

⁶ Ame ihandi tila ovanhu omayovi omulongo tava dingilile nge keembinga adishe.

⁷ Omwene, yambuka, xupife nge Kalunga kange! Osheshi Ove wa teyaula oluhamama lovatondi vange; nomayoo ovalunde we a tataula.

⁸ Exupifo oli li mOmwene. Enangeko noupuna loye nali kale kombada yoshiwana shoye. Sela