OMAPSALOME 15 - Ombibeli Iyapuki

Olyelye ta itavelelwa okufika kOmwene?

Epsalme laDavid.

¹ Omwene, olyelye ta itavelelwa okukala monduda yoye? Olyelye ta itavelelwa okukala komhunda yoye iyapuki?

² Oye tuu ou ha yukilile nota longo ouyuki, ndele ta popi oshili momutima waye;

³ noita popyaana nelaka laye noita ningile omukwao owii, nomushiinda waye ite mu fifa ohoni.

⁴ Ye nota dini yo oonakudinwa, nota fimaneke ava hava tila Kalunga; nande a anene oshiponga shaye, eano laye ite li lundulula,

⁵ noimaliwa yaye ite i yandjele a shoshelwe ko moku i alulilwa, ye ita tambula ombubo nokati okeenyala okupa oushima ou ina ninga sha. Ou ta yukilile nawa ngaha, ye ita pundauka fiyo alushe.