OMAPSALOME 142 - Ombibeli Iyapuki

Onghuwo mofina idjuu

Ounongoimbilo waDavid, eshi a li momakololo a hondama; eilikano.

¹ Ohandi lalekida Omwene mokule, ohandi lilile Omwene mokule.

² Eshi tashi tilifa nge, ohandi shi mu pimhile, noudjuu wange ohandi u mu mbubulile.

³ Omhepo yange, nande nai notelwe meni lange, Ove ou shii nokuli, nhumbi ndi li. Mondjila ei handi ende, ova tela nge omiyo meholeko.

⁴ Eshi handi tale kolulyo nda vandavamena mominghulo: nghi wete nande omunhu, e na naame. Nghi na apa handi ningine nande, kape na ou, ta yavele nge.

⁵ Omwene, Oove, handi lalekida, ohandi ti: Oove eningino lange, Oove onhele yange moshilongo shovanamwenyo.

⁶ Akutu, pupapupa eehelo lange, shaashi eenghono dange oda xupipala nai. Xupife nge movataataai vange, osheshi ove dule nge eenghono.

⁷ Kufe nge meti, opo ndi tange edina loye. Ovayuki va ka dingilile nge, Ove ngeenge to ningi nge nawa.