OMAPSALOME 11 - Ombibeli Iyapuki

Omwiitaveli te lineekele Kalunga

Epsalme laDavid, la pewa enyakwa lolwiimbo.

¹ MOmwene onda tula mo elineekelo lange; otamu ti hano ngahelipi kwaame: “Tukeni keemhunda ngaashi odila!

² Osheshi tala, ovahenakalunga tava lukile omauta, va tula oshikuti mofipa, va shiive okuumba ve li momulaulu, va yashe ava ve nomutima wa yuka.

³ Eengudi domukangha ngeenge tadi ngumaunwa po, omuyuki ta dulu sha vali mbela?”

⁴ Omwene oku li motembeli yaye iyapuki, Omwene ou, e nolukalwapangelo laye li li meulu; omesho aye taa tale, neemhafu daye tadi konenene oludalo lovanhu.

⁵ Omwene ota konakona ovayuki novahenakalunga, naau e hole owii, omwenyo waye otau mu tondo.

⁶ Ovahenakalunga ote ke va lokifila omakala omundilo nosulfuri; nomhepo ya hanya otai ka ninga oshitukulwa sheholo lavo.

⁷ Osheshi Omwene Oye omuyuki noku hole ouyuki; ovayuki notava ka tala oshipala shaye.