JESAJA 12 - Ombibeli Iyapuki

Eimbilopandulo lovaxupifwa vomuSion

¹ Ndele mefiku tuu olo ove oto ka tya: “Ohandi ku pandula Omwene, shaashi owa li wa handukila nge, ndelenee ehandu loye ola lota, Ove nowa hekeleka nge.

² Heeno, Kalunga Oye exupifo lange; ame handi mu lineekele, ndele ihandi tila sha. Osheshi Kalunga Omwene, Oye eimbilo lange neenghono dange, omuye hamu di exupifo lange.

³ Ndele nye otamu ka teka mo nehafo omeva meefifiya dexupifo.”

⁴ Ndele mefiku tuu olo otamu ka tya: “Panduleni Omwene, ifaneni edina laye, hepaululeni mokati kovanhu oilonga yaye, nye mu va udifile edina laye la tumbala.

⁵ Imbileni Omwene ehambelelo! Osheshi okwa longa oilonga iwa yoshinge, ndele ei nai shiivike kombada yedu alishe.

⁶ Akutu! Nyakukweni nokukuwilila, onye oonakukala muSion, osheshi Omuyapuki waIsrael, Oye a kula mokati keni.”