Revelation 15 - Luaniua New Testament

¹ Kena anau eꞌike kelaa haꞌaku hananiu i kevaelani. Kauhiku na{enselo} uo mai ma kauhiku naluꞌuna haoki. Ia keualoko naluꞌuna la meoki, kena keloko Keakua meoki hoi.

² Kena anau eꞌila noꞌike kemoana emalino. Ia kemoana la eꞌivaꞌiva poi nipapalani kela ehilo ma keahi. Ia keonohenua la ekuu i kaunakai. Ala nikama kela ekaꞌa napohoulu kemanu leikama la, ia ma kamaaiku la, ia elaꞌa iluna keꞌoina kemale kemanu la. Kena Keakua eau aꞌe nakama la na{kita} lakou.

³ Ia kena nakama la ehuhua kehua Moses,*f17* kama heheaꞌu Keakua. Ia kehua la, hehua Punua Keakua hoi. Nakama la ehuhua penei, “Keakua Kealiꞌi hananiu, Kekuꞌu naonohenua hakoa, Aꞌoe ehuli aꞌe namahi kaualeꞌa. Nakipukipu aꞌoe la ekonu hamaoni.

⁴ Kealiꞌi, nakama hakoa ehamaha i aꞌoe Kena ehamalumalu kemale aꞌoe Maikinimea aꞌoe soꞌoe ekapu. Naonohenua hakoa meo mai Nohamalumalu i aꞌoe, Maikinimea aꞌoe ehuli aꞌe, Nakipukipu aꞌoe ekonu kahi.”

⁵ Ia kena anau eꞌike hale kapu i kevaelani ukalaꞌi. Kama hale kapolo ekuu ilaa, ia nakakala hamaoni Keakua kela emau iluna nahakupaa la emoe iloko hale kapolo la.

⁶ Ia kauhiku na{enselo} eo iho ikaha ma kehale kapu la. Nakama la ehahao naauꞌahu makahua emasina lo. Ia napamalo eꞌivaꞌiva ehakiꞌe nahakahaka lakou la, kela epena lia napahaku emea. Ia kauhiku na{enselo} la eisi kauhiku naluꞌuna la, imea naonohenua ihalono lihu.

⁷ Ia kela kama i koahaa namanu eola kahi la eau aꞌe kauhiku na{enselo} la kauhiku napaumeke, kela epena lia i napahaku emea. Ia napaumeke la epii ma keloko Keakua, kekama kela eola naualoko hamau.

⁸ Ia kena keꞌohu ekoha valoko hale kapu la, keꞌina Keakua enoho i namahi hananiu aia la. Ia sehikama elavaa keulu iloko hale kapu la, ikae keualoko kauhiku naluꞌuna na{enselo} la meoki.