Galatians 5 - Luaniua New Testament

Okou iselepokia nakuaa

¹ Christ ehakana kakou ikaha ma nakuaa la. Kena lolosi hamakonu. Okou ikuu mau, ia sevaꞌai muli ilepokia okou nakuaa la.

² Anau Paul eme aku okou. Ame okou ehamakino nakinokama okou, imea okou ikonu i namaisu Keakua, kena Christ selavaa kekonaꞌi okou.

³ Lolosi hamakonu. Ame okou ehamakino nakinokama okou, okou ekau kekaukali nakuaa hakoa.

⁴ Apoi okou ekaukali nakuaa la imea okou ikonu i namaisu Keakua, okou evae soꞌokou ikaha ma Christ. Kena okou sehihai Keakua ilolosi okou.

⁵ Ia kakou ehakina Christ, ia kena Keanana kapu ekonaꞌi kakou ihakina pela Keakua meimea kakou ikonu i namaisu aia.

⁶ Kakou isuꞌui ma Christ, ia kena Keakua sehakekele pela kakou amehamakino nakinokama kakou. Emeia kama la ehihai kakou ihakina Jesus Christ soia, kena ulaoi alakama.

⁷ Imua, kehulo okou haiva nei ekaualeꞌa lo. Saika la, okou ekaukali kehamaoni. Ia vahonei, oai kekama epui okou isekaukali kehamaoni na?

⁸ Keakua sehaunalia nikama ikaoleole okou ikaukali nakuaa la.

⁹ Nakakala nakama la ehau poi “ke{iist} soliliꞌi kela emea nahalaoa komaꞌi nohuka.”*f7*

¹⁰ Ia anau ehakina pela Keakua mekonaꞌi okou ikaukali kehakaꞌoko anau, ia sekaukali nahakaꞌoko nakama la. Niaina nakama la nikama pehe, Keakua memea nakama la nohalono lihu, maikinimea nakama la emea nahakaꞌoko okou la nopouli.

¹¹ Aukaina, anau seaoaꞌo aku okou ihamakino nakinokama okou. Emeia anau ekauhano kekaukaꞌu aku nakipukipu kemake Jesus iluna {kolosi}. Kela hea na{Jiu} la sehihai nakakala anau la, kena imeme haeꞌo kia anau.

¹² Nakama la kaoleole okou ihamakino kapukapu okou, ia kena nakama la ekau kehahiki solakou oia.

¹³ Aukaina, Keakua ekini kakou ikaukali aia, ihakana kakou ikaha ma nakuaa la. Ia okou isehakaꞌoko pela okou elavaa kepena namea saꞌino kela okou ehihai ipena la. Emeia kakou ilaoi alakama, kena ikonaꞌi nakama la.

¹⁴ Kehakaꞌoko nakuaa la hakoa eme penei, “Laoi alakama ihau poi aꞌoe elaoi soꞌoe.”

¹⁵ Ia pena okou ekakala somei soꞌokou, lolosi hamakonu aoki okou amenonoho haeꞌo.

Keanana ia ma kinokama

¹⁶ Anau me aku okou ikaukali nakipukipu Keanana kapu. Ia kena okou mesekaukali nakipukipu saꞌino kela okou ehihai la.

¹⁷ Maikinimea nakipukipu saꞌino kela okou hihai, Keanana kapu sehihai. Ia hea Keanana kapu hihai, okou sehihai. Sakoꞌolua nei liloko solaua. Ia kena okou ehainakaa kepena namea kaualeꞌa okou hihai.

¹⁸ Ame Keanana kapu ehakaꞌi okou, kena nakuaa la mesehananiu iluna okou.

¹⁹ Ia ame kakou ekaukali nakipukipu saꞌino kakou, kena kakou mepaa huli, mesehakea naola kakou, ia mehai huli.

²⁰ Kakou mehamalumalu nakipua, mepaꞌava alakama, meliloko, mepuhakaukau, memanava sano, meloko haimahi, meahu, ia meusuusu alakama.

²¹ Kakou memanaꞌo, mehiunu mevale, kena uhai navale kakou, ia ma alamea hoi. Lolosi hamakonu. Nakama kela epena kahi namela mesekae kenoholana Keakua.

²² Ia amea kakou ekaukali nakipukipu kaualeꞌa Keanana Kapu, kena kakou melaoi alakama, mehihia kahi, menoho laoi, mevalekoa, mealoha alakama, mekaualeꞌa, ia mehakina hamaoni.

²³ Kakou mepasemuu, ia mekuꞌu konu naola kakou. Selavaa hekuaa kepui kakou isekaukali nakipukipu la.

²⁴ Nakama ekaukali Jesus Christ ukiaꞌi namea saꞌino lakou hihai.

²⁵ Keanana kapu eau mai keola hamaoni, ia kena kakou ikaukali nakipukipu aia.

²⁶ Ia kakou iseahu. Kakou isehakanaka iluna alakama, ia sesano alakama.