2 Peter 2 - Luaniua New Testament

Nakama aoaꞌo kela enuku laoi

¹ Imua, komaꞌi nakama keonohenua Israel ehaiꞌahi pela lakou ihakae nakakala Keakua, ia nakama la enuku laoi oia. Ia alakama okou ehaiꞌahi pela lakou elavaa keaoaꞌo, ia nakama la enuku laoi hoi. Nakama la eulu aku semuu, pela ipolopolo aku naaoaꞌo enuku laoi kela meseu nahakina okou. Ia niaina ma Kealiꞌi emake nokonaꞌi nakama la, nakama la ehuli aꞌe namuliuku lakou i kama la oia. Ia kena Keakua mevave keseu naola nakama la.

² Ia nakama la ehai huli hoi. Ia komaꞌi kekama keloku amekaukali nakipukipu saꞌino lakou la, imea keonohenua la iꞌamaka nokamoa haeꞌo keala hamaoni.

³ Nakama saꞌino la emanaꞌo namoni oia. Ia kena nakama la eaoaꞌo aku nakakala nuku laoi lakou la, pela ialeko aꞌe namoni okou. Ia Keakua ehakaꞌoko imua lo kehakonukonu nakama la. Ia kama la mesenase. Kama la mesehanuu keaho aia meseu naola lakou.

⁴ Keakua sehaialoha na{enselo} kela epena namea esala imua la. Kama la elakua nakama la i keꞌina pouli kakano la nohalono lihu. Ia nakama la mepono kia iloko keꞌina la hanokae keaho kela Keakua meihakonukonu lakou.

⁵ Ia Keakua sehaialoha keonohenua imua la hoi. Keualoko la, Noah ekaukaꞌu aꞌe nakama la i nakipukipu ekonu. Ia nakama la hihai inoho pouli oia. Kena iko Keakua imea kelokai nolohia kemaalama nei hakoa, kena naonohenua la umake. Ia Keakua elolosi laoi Noah ma koahiku nakama iloko haimakua aia la nosao.

⁶ Keakua ekuni siaoa namakaꞌina emale ma Sodom laua ma Gomorrah novela hakoa, pela ihamakaꞌu aꞌe nakama kela ehihai inoho pouli.

⁷ Keakua ehasao Lot, maikinimea Lot ekonu kahi. Ia Lot ukipuaina i naola saꞌino kela nakama hakapanaka la.

⁸ Niaina ma keola Lot ekonu kahi, kama la enoho ma keonohenua saꞌino la. Keaho ma keaho, kama la ekipuaina haeꞌo, keualoko aia niꞌike ia nilono namea saꞌino nakama la epena la.

⁹ Keakua ekonaꞌi nakama la. Keualoko nakama kela ekaukali nakipukipu Keakua la amekaoleole hia, Keakua emakino laoi kekonaꞌi nakama la. Ia Keakua amepono nakama saꞌino iloko keꞌina halono lihu, nokae keaho aia meihakonukonu nakama hakoa.

¹⁰ Kaohi mua nakama kela epena kahi namea kela sekau ma nakinokama lakou. Ia ma nakama kela eliloko nakama hamakua hakoa. Nakama aoaꞌo nuku laoi la ehakapanaka. Kela hea nakama la semakaꞌu kesalu haeꞌo na{enselo} i kevaelani la.

¹¹ Ia niaina na{enselo} la eivi haimahi lo, nakama la sehai aꞌe i nakama hakapanaka la imua namaisu Kealiꞌi.

¹² Nakama hakapanaka la esalu haeꞌo i namea lakou semakino la. Ia nakama la ehau poi nimanu leikama kela seisi nahakaꞌoko lakou. Namanu la ehanau mai ikaiꞌi lia nomake oia. Ia nakama la memake poi nimanu leikama la hoi.

¹³ Nakama hakapanaka la meihalono lihu, ikau ma namea esala lakou epena la. Nakama la ehihai ihai huli i keao kuu. Ia keualoko nakama la meiꞌai maꞌokou, kena okou meinapa haeꞌo. Maikinimea nakama la ekausua kahi i nakipukipu saꞌino lakou la.

¹⁴ Nakama la epena kahi namesala. Nakama la eꞌalemaka ailalao, ia ekaoleole nakama kela sehakina mahi. Nakama la emanaꞌo kahi namea hakoa. Kena naola lakou meisaꞌino lo.

¹⁵ Nakama hakapanaka la uo ikaha ma keala ekonu la, nokaukali nakipukipu Balaam, kekama Beor*f1*. Balaam emanaꞌo haeꞌo namoni, kena ipena namea kela sekonu.

¹⁶ Niaina ma ke{donki} aia la seailoa kekakala, kemanu la ekakala aꞌe Balaam poi hekama, ihai aꞌe kama la hea aia esala. Pela ipui kama la isepena nakipukipu evale la.

¹⁷ Nakama ehakapanaka la ehau poi hemakaa vai epaupaꞌu. Ia nakama la hoi ehau poi nipuleulehu kela eania lia kemakani. Keakua nakanakana mai avale keꞌina pouli kakano inoho nakama la.

¹⁸ Nakama la eahu haeꞌo i nakakala vale lakou la, kena ikaoleole alakama ikaukali nakipukipu saꞌino lakou ehihai la. Pela ialeko muli aꞌe nakama kela eꞌamaka nohulo ikaha ma nakipukipu esala la.

¹⁹ Nakama hakapanaka la eme aꞌe keonohenua la pela nakama la ekana kehai nia lakou ehakaꞌoko la. Ia nakama hakapanaka la solakou sekana. Nakama la emanani kahi nakipukipu saꞌino la oia. Poi hekama emanani kahi i nakipukipu la, kena kama na mekaohia i namea la.

²⁰ Ia poi keonohenua la emakino laoi Kealiꞌi Jesus Christ, kama kela ekonaꞌi lakou, kena nakama la meisao ikaha ma nakipukipu saꞌino kemaalama nei la. Ia poi nakama la evaꞌai muli nokaukali nakipukipu saꞌino la, kena nakipukipu la mekaohi mau naola lakou. Ia kena naola lakou la mesaꞌino, elaꞌa ma imua.

²¹ Poi nakama la emakino keala ekonu la, kena ihulo ikaha ma keaoaꞌo ekapu kela Keakua nihuli aꞌe lakou la. Kena naola lakou mesaꞌino haeꞌo, elaꞌa iluna ma naola nakama kela seilono nakipukipu keala la.

²² Nakama kela evaꞌai keola saꞌino la ehau poi kakala hulihuli nei, “Kepoi la elua iaoki, kena ivaꞌai aꞌe noꞌai nalua aia la.” Ia kela kakala emea ma, “Niaina kakou elaku ke{piki} la nohaauꞌau, ke{piki} la meivaꞌai nohulu kinokama aia iloko napela.”