1 Corinthians 5 - Luaniua New Testament

Haluu ikaha ma kipukipu saꞌino

¹ Ia anau elono pela hekama okou epena kemesala elahi haeꞌo. Kama la ehaihina ma keꞌavana kamana aia la. Niaina nakama enoho pouli la enapa kepena nahaisala penei hoi.

² Kena okou ikau kenapa hoi, nohakuu kama na ikaha ma keukulana okou na. Ia anau emasalo haeꞌo pela okou ehakapanaka oia.

³ Niaina anau enoho emao ikaha ma okou, ia anau esuꞌui ma okou i namahi Keanana Kapu. Kena anau ehau poi hekama enoho ma okou. Ia kena anau nahakonukonu avale kekama kela epena kemesala la.

⁴ Okou iꞌuku hakoa i kemale Kealiꞌi Jesus. Kena kakou mesuꞌui hakoa i namahi Jesus, Kealiꞌi kakou la.

⁵ Kena kiaꞌi kekama kela ehaihina la, pela Satan memea keola kama la nosaꞌino. Niaina ma Satan ameseu kinokama kama la, Kealiꞌi kakou la melolosi hakaualeꞌa keanana kama la i keaho kela aia mehakonukonu naonohenua hakoa.

⁶ Amea sekonu pela okou iahu. Okou namakino avale kekakala eme ma, “Ke{iist} soliliꞌi elavaa kemea halaoa elahi nohuka.”*f3*

⁷ Kena okou ikiaꞌi nakipukipu saꞌino okou imua la. Kena okou mehau poi nihalaoa vahonei kela sehilo ma ke{iist} la. Christ ehoꞌi mai soia nomake iluna {kolosi} la, ehau poi punua {sipisipi} emake i keꞌai kePasova.

⁸ Kena keualoko kakou eꞌuku hakoa noꞌai keꞌai la, kakou isenonoho haeꞌo i nakipukipu saꞌino imua la.*f4* Kakou ikiaꞌi namela, kena ihuli aꞌe nakipukipu kaualeꞌa hamaoni la.

⁹ Keualoko anau nikakaa aku kelauniu imua la, anau eme aku okou isesuꞌui ma nakama haisala kela ehai huli la.

¹⁰ Ia anau sehakaꞌoko ma ipui okou isenoho ma nakama enoho pouli la. Nakama la esala kehai huli. Nakama la emanaꞌo naheheaꞌu alakama, kena ehailavaꞌa namela. Ia nakama la ehamalumalu nahakipua hoi. Ia poi okou hihai ihavaꞌee ikaha ma nakama la, kena okou mesehiꞌina elave kenoho iloko kemaalama nei.

¹¹ Ia alakama emea ma lakou nikama keloku, ia nakama la esala kehai huli. Nakama la emanaꞌo naheheaꞌu alakama, kena ihamalumalu nahakipua. Nakama la ekakala saꞌino alakama, hiunu mevale, ia ehailavaꞌa alakama. Ia anau ekakaa aku nakakala nei ipui okou isesuꞌui ma nakama la, ia senoho ma nakama la noꞌai hoi.

^12-13 Anau sekau kehakonukonu nakama enoho pouli kela sehakina keloku la. Keakua soia mehakonukonu nakama la. Ia okou nahakina ana ekau kehakonukonu nakama iloko keukulana okou na. Maikinimea nikakaa iho iloko kelauniu kapu ma, “Haise kama saꞌino la ikaha ma keukulana okou na.”