ᔂᓬᐊᒪᓐ ᐅᓂᑲᒧᓇᓐ 2 - ᐅᒋᐺ ᑭᒋᒪᓯᓇᐃᑲᓐ1 ᓃᓐ ᐅᔕ ᐙᐱᑾᓐ ᑳᓂᑖᐎᑭᕽ ᐸᔥᑾᑲᒥᑲᕽ ᔐᕒᐊᓐ Sharon ᑳᐃᒋᑳᑌᒃ᙮ ᑳᒥᔅᑯᓈᑾᒃ ᐙᐱᑾᓐ ᐁᔮᒃ ᑳᔑ ᐸᓴᑎᓈᒃ᙮ ᐃᓂᓂ ᐁᑭᑐᒡ 2 ᑖᐱᔥᑰ ᓴ ᐙᐱᑾᓐ ᐁᔮᒃ ᒣᑴ ᑳᔑᓰᑳᕽ, ᒦ ᓴ ᐃ ᐁᔑᓈᑯᓯᒡ ᑳᒥᓉᓂᒪᒃ ᒣᑴ ᐃᑴᑳᕽ᙮ ᐃᑴ ᐁᑭᑐᒡ 3 ᐊᐊ ᓴ ᐃᓂᓂ ᑳᒥᓉᓂᒪᒃ ᒦ ᐃ ᐁᓀᑖᑯᓯᒡ ᑖᐱᔥᑰ ᐱᔒᒥᓈᑎᒃ ᑳᐸᑕᑭᓱᒡ ᓅᐱᒦᕽ ᒣᑴ ᒥᑎᑯᑳᕽ᙮ ᑳᐐᓐ ᐃᐃ ᑯᑕᒃ ᐃᓂᓂᐗᒃ ᐃᓀᑖᑯᓯᓰᐗᒃ᙮ ᐐᑫ ᓂᒥᓉᑖᓐ ᐃᐃ ᐁᓇᓇᒪᑕᐱᔮᓐ ᐁᔑ ᐊᑲᐙᑌᑭᓱᒡ ᐊᐊ ᒥᑎᒃ, ᑳᓂᑖᐎᑭᑑᒡ ᐐᑫ ᑳᔒᐎᒥᓄᐱᑕᒧᐗᒃ᙮ 4 ᓂᑮ ᐲᓂᒃ ᐃᓴ ᑳᔑ ᑭᒋ ᐐᓯᓂᓈᓂᐗᓂᓂᒃ, ᐁᓂᑴᐱᐗᒃ ᐁᑮ ᑕᔗᑭᐱᑑᒡ ᑭᒋ ᐅᔑᐲᐃᑲᓐ ᐁᔑᐲᐃᑳᑌᓂᒃ ᐁᒥᓉᓂᒥᒡ᙮ 5 ᑕᑲ ᓴ ᑕᔥ ᔔᒥᓇᒃ ᐊᔕᒥᔑᓐ ᒋᒪᔥᑲᐎ ᒪᒋᐅᔮᓐ, ᐊᔕᒥᔑᓐ ᐱᔒᒥᓇᒃ ᒋᒥᓄᒪᒋᐅᔮᓐ᙮ ᑳᐐᓐ ᐅᔕ ᓂᓵᐱ ᐊᔮᓰ ᐗᐊᐲᒋ ᒥᓉᓂᑫᔮᓐ᙮ 6 ᐅᓇᒪᑎᓂᒃ ᓴ ᐅᑖᐸᒋᑑᓐ ᒋᐊᐱᑴᔑᒧᐗᒃ᙮ ᐅᑭᒋᓂᒃ ᐃᑕᔥ ᐅᑖᐸᒋᑑᓐ ᐁᒥᒋᒥᓂᒡ᙮ 7 ᐃᑴᐗᒃ ᒉᕒᐆᓴᓬᐊᒥᕽ ᐁᔮᔦᒃ, ᑭᐐᑕᒪᐎᓂᓂᒻ ᒋᐊᐱᒧᔦᒃ ᒪᔭᑭ ᐙᐙᔥᑫᔑᐗᒃ, ᐃᑭ ᑲᔦ ᓅᔐ ᐙᐙᔥᑫᔑᐗᒃ ᑳᐸᐹᒥᐸᐃᑎᐙᒡ ᒥᔕᐗᑲᒥᒃ; ᑫᑯ ᐗᓇᔥᑴᐃᔑᓈᑳᕽ ᐅᐅ ᑳᒥᓉᓂᑎᔮᕽ, ᐹᓂᒫ ᑮᑌᒥᓉᓂᑎᔮᕽ᙮ ᒦ ᐅᐌ ᓃᔑᕽ ᐁᓂᑲᒧᓈᓂᐗᕽ ᐃᑴ ᐁᑲᑭᑐᒡ 8 ᓂᓅᑕᐙ ᓴ ᑳᒥᓉᓂᒪᒃ ᐁᐲᑗᐎᑕᕽ᙮ ᐃᓇᐞ ᐊᐌ ᑳᐲᒋᐸᑑᒡ ᑳᐱ ᐋᔮᒋ ᒀᔥᑯᓄᑕᕽ ᑭᒋ ᐗᒌᓐ᙮ 9 ᑳᒥᓉᓂᒪᒃ ᓴ ᒪᔭᑭ ᐙᐙᔥᑫᔒᕽ ᐃᓀᑖᑯᓯ, ᑖᐱᔥᑰ ᐅᔥᑭ ᐊᔮᐯ ᐙᐙᔥᑫᔒᕽ᙮ ᐃᓇᔥᑫ, ᐊᐗᓯᓇᑫᓴᒃ ᓴ ᐃᔑ ᓃᐸᐎ, ᐁᐸᐹᐱᒡ ᐙᓭᒋᑲᓂᕽ᙮ ᑳᔑ ᑖᔥᑭᓴᑳᓂᒃ ᐁᐅᓵᐱᒡ᙮ 10 ᒦᑕᔥ ᐅᐅ ᐁᔑᒡ ᐊᐊ ᐃᓂᓂ ᑳᒥᓉᓂᒪᒃ᙮ ᐊᐤ, ᐊᐯ ᒪᔮᐎᑳᐸᐎᓐ ᑳᒥᓉᓂᒥᓈᓐ, ᑳᐅᓂᔑᔑᔭᓐ, ᑕᑲ ᒫᒌ ᐐᒌᐎᔑᓐ᙮ ᐃᓂᓂ ᐁᑭᑐᒡ 11 ᐋᔕ ᐅᔕ ᐃᔥᒀᐱᐴᓐ, ᐋᔕ ᑲᔦ ᑮᐃᔥᒀ ᑭᒥᐗᓐ᙮ 12 ᐋᔕ ᐅᔕ ᐙᐱᑾᓃᓐ ᑮᔑ ᓂᑖᐎᑭᓅᓐ ᐌᑎ ᒥᔕᐗᑲᒥᒃ᙮ ᒦ ᐅᔕ ᐃ ᐋᔕ ᐁᐅᒋᒋᓭᒃ ᒦᓇᐙ ᒋᓂᑲᒧᓈᓂᐗᕽ᙮ ᐃᓇᔥᑫ ᐅᒦᒦᒃ ᐄᑐᒃ ᓅᑕᐙᐗᒃ ᐁᓂᑲᒧᐙᒡ ᒥᔕᐗᑲᒥᒃ᙮ 13 ᐋᔕ ᐄᑐᒃ ᐱᒃ ᑎᓄᐙᑎᑰᒃ ᑮᔖᑸᐗᒃ, ᒥᓄᒫᑯᓯᐗᒃ ᑲᔦ ᔔᒥᓈᑎᑰᒃ ᐋᔕ ᐁᑮᔖᑸᐙᒡ᙮ ᐊᐯ ᑕᔥ ᑳᒥᓉᓂᒥᓈᓐ, ᑳᐅᓂᔑᔑᔭᓐ, ᑕᑲ ᐐᒌᐎᔑᓐ᙮ 14 ᒦ ᓴ ᐃ ᐁᓀᑖᑯᓯᔭᓐ ᑖᐱᔥᑰ ᐅᒦᒦ ᑳᑳᓱᒡ ᑳᔑ ᑖᔥᑳᐱᑳᓂᒃ᙮ ᑕᑲ ᐙᐸᑕᐃᔑᓐ ᑳᒥᓄᓈᑾᒃ ᑭᐐᒀᓐ᙮ ᐁᑕᑕᐌ ᐅᔕ ᑭᒥᓄᑖᑯᔅ ᑮᑮᑭᑐᔭᓐ᙮ ᐐᑫ ᓴ ᑯ ᑭᑌ ᒥᓄᓈᑯᔅ᙮ 15 ᑳᒋᑎᓐ ᐃᑭ ᐙᑯᔐᓴᒃ ᑳᓂᔑᐗᓈᒋᑑᐙᒡ ᑳᔑ ᑭᑎᑳᓂᒪᕽ ᔔᒥᓇᐞ, ᐃᓂᐌᓂᐗᓐ ᐋᔕ ᑳᑮᔑᑭᓂᓂᑭᓐ᙮ ᐃᑴ ᐁᑭᑐᒡ 16 ᐊᐊ ᓴ ᑳᒥᓉᓂᒪᒃ ᐃᓂᓂ ᓂᑎᐱᓇᐌᐎᔅ, ᐐᓐ ᑲᔦ ᓂᑎᐯᓂᒥᒃ᙮ ᐁᐹ ᐊᔕᒫᒡ ᐅᒫᓇᒑᓂᔑᒪᐞ ᐁᔑ ᐗᐙᐱᑾᓂᑳᓂᒃ᙮ 17 ᒦ ᓴ ᐌᑎ ᐁᔮᒡ ᐲᓂᔥ ᑮᐲᑖᐸᓂᓂᒃ, ᑮᓂ ᐊᑯᓈᑾᓂᓂᒃ ᑳᑎᐱᑲᓂᓂᒃ᙮ ᑳᒥᓉᓂᒥᓈᓐ ᑕᑲ ᐱᑮᐌᓄᑕᐎᔑᓐ, ᐱᑮᐌᐸᑑᓐ ᑖᐱᔥᑰ ᒪᔭᑭ ᐙᐙᔥᑫᔑ ᑖᐱᔥᑰ ᑲᔦ ᐅᔥᑭ ᐊᔮᐯ ᐙᐙᔥᑫᔑ ᑳᔑ ᑭᔒᐸᑑᒡ ᑳᔑ ᐸᐲᑾᑎᓈᓂᒃ ᐲᑕᕒ Bether ᑳᐃᒋᑳᑌᓂᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society