Sehkaraaya 3 - ᐅᒋᐺ ᑭᒋᒪᓯᓇᐃᑲᓐᓭᑲᕒᐋᔭ ᑮᐸᐙᓈᒡ ᑭᒋᐊᓇᒥᐁᐎᑭᒫᓐ 1 ᒦᓇᐙᔥ ᓂᑮ ᐙᐸᑕᐃᒃ ᒑᔓᐙᓐ Joshua ᑮᑭᒋ ᐊᓇᒥᐁᐎᑭᒫᐎᓂᒡ ᐁᓃᐸᐎᓂᒡ ᐁᓈᓴᒦᓂᒡ ᐅᑌᒐᓬᐃᒪᓐ angels ᑳᑎᐯᒋᑫᒡ᙮ ᒑᔓᐙ ᑕᔥ ᐅᑭᒋᓂᑮᕽ ᐃᓇᑫ ᑮᐃᔑ ᓃᐸᐎᐗᓐ ᓭᑕᓇᓐ ᐅᓇᓇᑳᓂᐌᓐ ᐁᐐ ᐊᔓ ᐊᓈᒥᒥᑯᒡ᙮ 2 ᒦᑕᔥ ᐃᐃ ᐁᒐᓬ ᑳᐃᓈᒡ ᐃᓂ ᐅᓇᓇᑳᓂᐌᓐ, ᑳᑎᐯᒋᑫᒡ, ᑭᑑᒋᐃᒃ ᑮᓐ ᑳᓇᓇᑳᓂᐌᔭᓐ! ᑳᑎᐯᒋᑫᒡ ᑳᑮ ᐅᓈᐸᑕᕽ ᑭᒋ ᐆᑌᓈᓂ ᒉᕒᐆᓴᓬᐊᒻ Jerusalem ᓴ ᑭᑑᒋᐃᒃ! ᒦ ᐄᑐᒃ ᐗᐊ ᐃᓂᓂ ᐃᔥᑯᑌᕽ ᑳᑮ ᐅᒋ ᒪᓂᐱᒋᑲᓂᐎᒡ ᑖᐱᔥᑰ ᒥᑎᒃ, ᐅᑮᐃᓈᓐ᙮ 3 ᒑᔓᐙ ᐐᑫ ᐄᓴᓐ ᑮᐐᓂᑯᓇᔦ ᐁᓃᐸᐎᒡ ᐁᓈᓴᒦᓂᒡ ᐃᓂ ᐁᒐᓬᐊᓐ᙮ 4 ᒦᑕᔥ ᐅᐅ ᐁᒐᓬ ᑳᐃᓈᒡ ᑯᑕᒃ ᐁᒐᓬᐊᓐ ᐃᐃᒫ ᑳᑮ ᓃᐸᐎᓂᒡ ᐁᓈᓴᒦᒡ, ᑮᒋᑯᔥᑲᒨᐃᒃ ᐃᓂ ᐐᓂᑭᑭᔥᑭᑲᓇᓐ ᑳᑭᑭᔥᑲᕽ᙮ ᒦᑕᔥ ᐅᐅ ᐁᒐᓬ ᑳᐃᓈᒡ ᒑᔓᐙᓐ, ᐃᓇᔥᑫ, ᒦ ᓴ ᐃ ᐁᐌᐱᓇᒫᓐ ᐃᓂ ᑭᒪᒋᑑᑕᒧᐎᓇᓐ, ᑭᑲ ᒦᓂᓐ ᑕᔥ ᐅᔥᑭ ᑭᑭᔥᑭᑲᓇᓐ ᑫᑭᑭᔥᑲᒪᓐ, ᐅᑮᐃᓈᓐ᙮ 5 ᒦᑕᔥ ᐅᐅ ᑳᐊᓂ ᐃᑭᑐᒡ, ᐱᓯᑲᒧᐃᒃ ᑳᐯᑲᓂᓂᒃ ᑲᔥᑮᑮᐙᓄᒀᓂᓂ ᐅᑎᒀᓂᕽ᙮ ᒦᑕᔥ ᑳᐃᔑ ᐱᓯᑲᒧᐋᐙᒡ ᐃᐃ ᑳᑮ ᐯᑲᓂᓂᒃ ᑲᔥᑮᑮᐙᓄᒀᓂᓂ ᐅᑎᒀᓂᓃᕽ, ᐅᑮ ᐱᒋᑯᓇᔦᐋᐙᓐ ᑲᔦ ᐁᑮ ᓃᐸᐎᓂᒡ ᐯᔓ ᐃᐃᒫ ᑳᑎᐯᒋᑫᒡ ᐅᑌᒐᓬᐃᒪᓐ᙮ 6 ᒦᔥ ᐅᐅ ᒑᔓᐙ ᑳᐃᑯᒡ ᐃᓂ ᑳᑎᐯᒋᑫᒡ ᐅᑌᒐᓬᐃᒪᓐ, 7 ᒦ ᐅᔕ ᐅ ᐁᑭᑐᒡ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᑮᔥᐱᓐ ᐃᔑ ᐱᒧᓭᔭᓐ ᓂᑎᔑᑣᐎᓂᕽ, ᑲᓇᐌᑕᒪᓐ ᑲᔦ ᑳᐃᔑ ᐊᑕᐌᓂᒥᓈᓐ, ᒦᑕᔥ ᐱᓵᓐ ᒋᓈᓈᑲᒋᑑᔭᓐ ᓂᐙᑳᐃᑲᓐ, ᐃᐃ ᑲᔦ ᑳᔑ ᐐᐱᒋᑳᑌᒃ ᐃᐃᒫ ᓵᑭᒐᔭᐄ ᑭᒋ ᐊᓇᒥᐁᐎᑲᒥᑯᕽ᙮ ᒦᑕᔥ ᑫᑮᓐ ᒋᓅᑕᐎᓈᓐ ᐊᓇᒥᐁᑕᐎᔭᓐ ᑖᐱᔥᑰ ᑳᔑ ᓅᑕᐗᒀ ᐅᑯ ᐅᐅᒫ ᐁᔮᐙᒡ ᐁᔑᐊᔮᐗᒃ᙮ 8 ᒑᔓᐙ, ᑕᑲ ᑕᔥ ᐱᓯᑕᓐ, ᑳᑭᒋ ᐊᓇᒥᐁᐎᑭᒫᐎᔭᓐ, ᐃᑭᐌᓂᐗᒃ ᑲᔦ ᑳᐐᒌᐎᒀ ᑳᓇᒪᑕᐱᐙᒡ ᐁᓈᓴᒥᑳᐸᐎᔭᓐ᙮ ᑮᓇᐙ ᐄᑐᒃ ᑭᑎᓍᓂᑰᒻ ᐃᓂᓂᐗᒃ ᑳᓈᐱᓈᑯᑑᔦᒃ ᑫᑰᓐ ᐗᐊᓂ ᐃᔑᓭᒃ᙮ ᓂᐐ ᓈᑯᐋ ᓴ ᓂᑕᓄᑮᐋᑲᓐ ᐊᐊ ᐗᑎᑾᓐ ᑳᐃᔑᓂᑳᓂᓐᒡ᙮ 9 ᐃᓇᔥᑫ ᐙᐸᒥᒃ ᐊᐊ ᐊᓯᓐ ᑳᐸᑭᑎᓇᒃ ᐁᓈᓴᒦᒡ ᒑᔓᐙ᙮ ᐊᐊ ᓴ ᐊᓯᓐ ᓃᔣᒋᕽ 7 ᐃᔑ ᑕᑕᒀᐱᑭᓯ᙮ ᒦᑕᔥ ᐃᐃᒫ ᑫᐃᔑ ᒪᓯᓈᐱᑲᐊᒫᓐ ᓂᑐᔑᐲᐃᑲᓇᓐ᙮ ᐯᔑᑯ ᑮᔑᒃ ᑕᔥ ᐁᑕ ᓂᑲ ᑕᓇᑲᒥᑭᔅ ᓂᑯᒋ ᐃᔑ ᐌᐱᓇᒫᓐ ᐃᐃ ᒪᒋᑑᑕᒧᐎᓐ ᐃᐃᒫ ᐊᑮᕽ, ᐃᑭᑐ ᑳᒫᐗᒋ ᒪᔥᑲᐎᓰᒡ᙮ 10 ᒦᔥ ᐃᐃ ᐊᐲ ᑮᔑᑲᒃ, ᐁᑕᔑᔦᒃ ᓴ ᑭᑲ ᐊᑐᒫᐙᒃ ᑭᐐᒋᑖᒫᑲᓂᐙᒃ ᒋᐗᐐᑕᐱᒣᒀ ᔔᒥᓈᑎᑰᒃ, ᐱᒃ fig ᑎᓄᐙᑎᑰᒃ ᑲᔦ ᐁᔑ ᐊᑲᐙᑌᑭᓱᐙᒡ, ᐃᑭᑐ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ, ᐅᑮᐃᑰᓐ ᑳᑎᐯᒋᑫᓂᒡ ᐅᑌᒐᓬᐃᒪᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society