ᑲᑮᑖᐎᑮᔗᐎᓇᓐ 23 - ᐅᒋᐺ ᑭᒋᒪᓯᓇᐃᑲᓐ4 ᑫᑯ ᒑᑮᐃᑎᓱᑫᓐ ᒋᑲᑴ ᐌᓅᑎᓯᔭᓐ; ᓰᔮᑫᓐ ᐃᑯ ᑲᑮᑖᐌᑕᓐ ᒋᒪᓈ ᐅᓱᓵᒣᑕᒪᓐ᙮ 5 ᐊᐲ ᓴ ᑳᒋᑖᐸᑕᒪᓐ ᐌᓅᑎᓯᐎᓐ, ᒦ ᐃ ᑳᐐᓐ ᑕᑭᑫᑖᑾᓯᓅᓐ, ᒦ ᓴ ᐁᔑᓈᑾᒃ ᐌᓅᑎᓯᐎᓐ ᐁᐅᓂᑸᑲᓃᒪᑲᒃ, ᑖᐱᔥᑰ ᒥᑭᓯ ᐃᔥᐱᒥᕽ ᐃᓇᑫ ᑳᔑ ᒫᒋᓭᒡ᙮ 10 ᑫᑯ ᐐᓐ ᐋᑕᑭᑑᑫᓐ ᑫᑌ ᑭᑭᓇᐙᒋᒋᑲᓐ ᐁᔑ ᑎᐸᐊᑳᑌᒃ ᐊᑭ, ᑫᑯ ᑲᔦ ᐅᑖᐱᓇᑫᓐ ᑸᐗᔑᔖᓇᒃ ᐅᑕᑮᒥᐙᓐ; 11 ᒪᔥᑲᐎᓰᐗᓐ ᐄᑐᒃ ᑳᓈᑕᒫᑯᐙᒡ; ᒦᐗᓐ ᓴ ᐃᓂ ᑫᓇᓇᑭᓇᒫᑯᐙᒡ᙮ 19 ᓂᑯᓯᔅ, ᐱᓯᑕᓐ, ᑲᑮᑖᐌᑕᓐ ᑭᑌᐃᕽ ᐃᔑ ᑲᓇᐌᓂᑎᓱᓐ ᑾᔭᒃ ᐃᓇᑫ ᒋᐃᔖᔭᓐ᙮ 20 ᑫᑯ ᐐᒌᐙᑫᓐ ᐃᑭ ᓃᐱᐗᐞ ᓀᑖ ᒥᓂᑴᐙᒡ ᔔᒥᓈᐴᓂ, ᑯᒫ ᓃᐱᐗᐞ ᑳᓂᑖ ᐐᓯᓂᐙᒡ᙮ 21 ᑳᑮᐗᔥᑴᐲᔥᑭᐙᒡ ᓴ, ᐅᑳᔕᑫᒃ ᑲᔦ ᑕᓂ ᑭᑎᒫᑭᓭᐗᒃ, ᓅᑌᑾᔑᐎᓂᕽ ᐃᑕᔥ ᑕᐅᒋ ᑰᐹᒋᑯᓇᔦᐗᒃ᙮ 22 ᓇᐃᑕᐤ ᑭᑌᑌ ᑳᑮ ᓂᑖᐎᑭᐃᒃ, ᑫᑯ ᑕᔥ ᑲᔦ ᐋᓇᐌᓂᒫᑫᓐ ᑭᒫᒫ ᐊᐲ ᑭᒋ ᐊᔭᐋᐎᒡ᙮ 23 ᑌᐊᐲᑌᑖᑾᓐ ᓴ ᑌᐺᐎᓐ, ᑲᑮᑖᐌᑕᒧᐎᓐ, ᑭᑭᓄᐊᒫᑰᐎᓐ, ᓂᓯᑐᑕᒧᐎᓐ ᑲᔦ ᒋᑮ ᐊᑖᐌᓈᓂᐗᑭᐸᓐ, ᑫᑯ ᑕᔥ ᐊᑖᐙᑫᑫᓐ᙮ 24 ᑴᔭᒀᑎᓯᒡ ᓴ ᐅᑌᑌᓐ ᑕᒥᓉᑕᒨᓐ, ᐊᐊ ᓴ ᑲᔦ ᐁᔮᐙᒡ ᑫᑮᑖᐌᑕᒥᓂᒡ ᐅᑯᓯᓴᓐ ᐅᑲ ᒌᑭᐃᑰᓐ᙮ 25 ᑕᑲ ᑭᑌᑌ, ᑭᒫᒫ ᑲᔦ ᑕᒥᓉᑕᒨᒃ, ᑕᑲ ᑲᔦ ᑭᒫᒫ ᑕᐅᒋ ᒥᓉᑕᒻ ᑫᑮ ᓂᑖᐎᑭᐃᒃ᙮ 29 ᐊᐌᓀᓐ ᓴ ᑳᑰᐹᓯᓈᑯᓯᒡ? ᐊᐌᓀᓐ ᑲᔦ ᑳᒫᓀᑕᕽ? ᐊᐌᓀᓐ ᑲᔦ ᑳᒫᒦᑳᓱᒡ? ᐊᐌᓀᓐ ᑲᔦ ᑳᓂᑖ ᑭᒋ ᑳᑮᑭᑐᒡ? ᐊᐌᓀᓐ ᓴ ᐃᔑ ᐊᓂᔖ ᑳᐱᒋᔑᒨᓄᒡ? ᐊᐌᓀᓐ ᑲᔦ ᒣᒥᔅᑯᒑᐱᒡ? 30 ᒦᐗᒃ ᓴ ᐃᑭ ᑳᓅᒋᑑᐙᒡ ᔔᒥᓈᐳ, ᐃᑭ ᑳᐊᑕ ᑯᒋᐱᑕᒧᐙᒡ ᑮᑕᒀᑲᒥᓂᑳᑌᓂᒃ ᔔᒥᓈᐳ᙮ 31 ᑫᑯ ᓴ ᑲᓇᐙᐸᑕᑫᓐ ᔔᒥᓈᐳ ᑮᒥᔅᒀᑲᒥᕽ, ᑮᓵᓵᑳᑌᔮᑲᒥᓭᒃ ᑲᔦ ᒥᓂᒀᑲᓂᕽ, ᐊᐲ ᑲᔦ ᑮᐌᑕᒃ ᐁᑾᒋᑳᑌᒃ᙮ 32 ᐌᑎ ᑕᔥ ᐃᔥᒀᒡ ᒦ ᐃ ᐁᓀᑖᑾᒃ ᐁᒫᑾᒥᐌᒪᑲᒃ ᑖᐱᔥᑰ ᑭᓀᐱᒃ ᑳᔑ ᒫᑾᒥᐌᒡ, ᐁᐐᓴᑫᑖᑾᒃ ᑖᐱᔥᑰ ᑳᔑ ᒌᓱᐌᒡ ᑳᐱᒋᐴᔑᐌᒡ ᑭᓀᐱᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society