Biblia Todo Logo
Bìoball air-loidhne

- Sanasan -

ᑲᑮᑖᐎᑮᔗᐎᓇᓐ 15 - ᐅᒋᐺ ᑭᒋᒪᓯᓇᐃᑲᓐ


ᐃᔑᑮᔗᐎᓇᓐ ᐁᑕᔑᑌᑭᓐ

1 ᐌᐌᓂ ᐊᐎᔭ ᑮᓇᑴᑕᐎᓐᒡ ᒦ ᐃ ᐁᔑ ᐴᓂᑭᑖᓱᒡ, ᐊᐎᔭ ᑕᔥ ᐐᓐ ᑮᒪᓈᓱᒫᓯᐎᓐᒡ ᒦ ᐃ ᐁᔑ ᐅᒻᐺᓂᑳᑌᒃ ᓂᔥᑳᑎᓯᐎᓐ᙮

2 ᑳᑲᑮᑖᐌᑕᒧᐙᒡ ᓴ ᑮᑮᑭᑐᐙᒡ ᐐᑫ ᐅᒥᓄᓯᑑᓈᐙ ᑭᑫᑕᒫᐎᓐ, ᐃᑭ ᑕᔥ ᑳᑲᑮᐹᑎᓯᐙᒡ ᓃᐱᐗᐞ ᐊᓅᒋᑯ ᐃᔑᑮᔗᐗᒃ᙮

3 ᑳᑎᐯᒋᑫᒡ ᐅᔕ ᒥᓯᐌ ᐊᔩᓈᐱ, ᐁᑲᓇᐙᐸᑕᕽ ᒪᒋ ᑫᑰᓐ, ᒥᓄ ᑫᑰᓐ ᑲᔦ᙮

4 ᒪᒥᓄᑮᔗᐎᓇᓐ ᓴ ᒦ ᐃ ᐁᓀᑖᑾᑭᓐ ᑖᐱᔥᑰ ᒥᑎᒃ ᑳᐱᒫᑎᓯᐎᓂᐎᒡ, ᐃᓂ ᑕᔥ ᐐᓐ ᒪᒫᔑᑮᔗᐎᓐ ᒦ ᐃᒫ ᐌᒋ ᐐᓴᑳᐱᓇᓂᓐᒡ ᐊᒑᒃ᙮

5 ᐋᐱᒋ ᐅᔕ ᑲᑮᐹᓯᓈᑾᓐ ᒋᐋᓇᐌᑕᒧᐗᒡ ᑭᑌᑌ ᑳᐃᔑ ᑭᑭᓄᐊᒪᐎᒃ; ᐋᐱᒋ ᑕᔥ ᐐᓐ ᑲᑮᑖᐎᓈᑾᓂᓂ ᐊᐎᔭ ᑳᓇᐃᑕᕽ ᐅᑌᑌᓐ ᑳᔑ ᒫᒦᓄᒥᑯᒡ᙮

6 ᑭᒋ ᐌᓅᑎᓯᐎᓇᓐ ᓴ ᒨᔥᑭᓀᓂᐗᓐ ᐅᐙᑳᐃᑲᓂᕽ ᐊᐊ ᑳᑾᔭᒀᑎᓯᒡ, ᐊᐊ ᑕᔥ ᐐᓐ ᑳᒪᒋᐃᔑᐌᐱᓯᒡ ᒫᔑᓭᐎᓐ ᐁᑕ ᑲᔥᑭᑕᒫᓱ᙮

7 ᑳᐃᑭᑐᐙᒡ ᓴ ᐅᑲᑮᑖᐌᑕᒨᒃ ᒦ ᐃᒫ ᐌᒋ ᒥᓯᑌᔥᑳᓂᒃ ᑭᑫᑕᒫᐎᓐ, ᑳᐐᓐ ᑕᔥ ᐃᐃ ᐃᔑᒋᑫᓰᐗᒃ ᑳᑲᑮᐹᑎᓯᐙᒡ᙮

8 ᑳᑎᐯᒋᑫᒡ ᓴ ᐅᒥᓍᐸᑖᓐ ᑮᐊᓇᒥᐁᑖᑯᒡ ᑳᑾᔭᒀᑎᓯᓂᒡ, ᐐᑫ ᑕᔥ ᐅᔒᑫᑖᓇᓐ ᐸᑭᑎᓈᓱᐎᓇᓐ ᑳᐲᑕᒫᑯᒡ ᐃᐃ ᑳᒪᒋᐃᔑᐌᐱᓯᓂᒡ᙮

9 ᑳᑎᐯᒋᑫᒡ ᑲᔦ ᐅᔒᑫᑖᓐ ᑳᐃᔑᑣᓂᒡ ᑳᒪᒋᐃᔑᐌᐱᓯᓂᒡ; ᐅᓵᑭᐋᐞ ᐃᑕᔥ ᐐᓐ ᐃᐃ ᑳᐱᒥᓂᔕᐊᒥᓂᒡ ᑾᔭᒀᑎᓯᐎᓐ᙮

Ojibwe Shorter Bible (Syllabic Script) © 2008 Canadian Bible Society

Canadian Bible Society
Lean sinn:



Sanasan