ᐹᐃᓬᐄᒪᓐ 1 - ᐅᒋᐺ ᑭᒋᒪᓯᓇᐃᑲᓐ

¹ ᓃᓐ ᑆᓬ Paul, ᑳᐅᒋ ᑭᐸᐅᑰᔮᓐ X ᒋᓴᔅ᙮ ᓂᐐᒌᐙ ᑎᒪᑎ Timothy ᑮᒋᑭᐌᓯᓈᓐ᙮ ᑭᑑᔑᐲᐊᒫᑰ ᑮᓐ ᐹᐃᓬᐄᒪᓐ Philemon ᑳᓵᑭ ᐐᒌᐎᑰᔭᓐ ᓂᐐᑕᓄᑮᒫᑲᓂᓈᓐ᙮

² ᐃᑭ ᑲᔦ ᓂᑕᑯ ᐅᔑᐲᐊᒪᐙᓈᓂᒃ ᐅᑌᐺᑕᒨᒃ ᑳᒫᐗᒋᐃᑎᐙᒡ ᑭᐙᑳᐃᑲᓂᕽ ᐊᐊ ᑲᔦ ᓂᑕᐌᒫᓈᓐ ᐋᐱᔭ Apphia ᐅᒋ Xᐃᕽ᙮ ᐊᐊ ᑲᔦ ᓃᒋ ᔑᒫᑲᓂᔒᒥᓈᓐ ᐋᕒᑭᐸᔅ Archippus᙮

³ ᑕᑲ ᑭᔐᒪᓂᑑ ᑰᓯᓈᓐ, ᑳᑎᐯᒋᑫᒡ ᒋᓴᔅ X ᑲᔦ ᑭᑲ ᔕᐌᓂᒥᑯᐙ ᒋᒦᓂᓀᒀ ᑲᔦ ᐱᓵᓀᑕᒧᐎᓐ᙮

ᐹᐃᓬᐄᒪᓐ ᐅᓵᑭᐃᐌᐎᓐ, ᐅᑌᐺᑕᒧᐎᓐ ᑲᔦ

⁴ ᓃᒋᑭᐌ ᐹᐃᓬᐄᒪᓐ ᐁᑕᔂ ᑮᐊᓇᒥᐋᔮᓐ ᑭᑕᓇᒥᐁᑕᒪᐎᓐ ᐁᒦᑴᒋᐌᓂᒪᒃ ᑲᔦ ᓂᑭᔐᒪᓂᑑᒻ᙮

⁵ ᓂᓈᓅᑕᒻ ᐁᔕᐌᓂᒥᒪᒡ ᑲᑭᓇ ᑭᔐᒪᓂᑑ ᐅᐱᒫᑎᓰᒪᐞ, ᐁᑌᐺᔦᓂᒪᒡ ᑲᔦ ᑳᑎᐯᒋᑫᒡ ᒋᓴᔅ᙮

⁶ ᒦᑕᔥ ᐁᔑ ᐊᓇᒥᐋᔮᓐ ᐅᐅ ᑳᔑ ᐐᒌᑎᔭᕽ ᐃᐃᒫ ᑭᑌᐺᑕᒧᐎᓂᓈᓂᕽ, ᒦᔥ ᐋᒌᑫ ᒋᓂᓯᑐᑕᒪᕽ ᑲᑭᓇ ᐁᔑ ᔕᐌᓂᒥᓇᕽ ᐁᐐᒋ ᐱᒫᑎᓰᒪᕽ X᙮

⁷ ᓃᒋᑭᐌᓯ, ᐐᑫ ᓴ ᓂᑑᒋᑭᒋᒌᑫᑕᒻ, ᓂᑑᒋᒪᔥᑲᐌᑕᒻ ᑲᔦ ᐃᐃ ᑳᔑ ᓵᑭᐃᐌᔭᓐ᙮ ᑲᑭᓇ ᑭᒌᑭᐋᒃ ᐅᑌᐃᐙᕽ ᑭᔐᒪᓂᑑ ᐅᐱᒫᑎᓰᒪᐞ᙮

ᑳᐃᔑᑲᑴᑗᑕᒪᐙᒡ ᐅᓀᓯᒪᓴᓐ

⁸ ᒦᑕᔥ ᑳᐅᒋ ᑌᐸᑫᓂᒧᔮᓐ ᐁᐅᐐᒋᑭᐌᑎᔭᕽ ᐃᐃᒫ Xᐃᕽ ᒋᑮᐊᓅᓂᓈᐹᓐ ᐋᓃᓐ ᑫᑮᐃᔑᒋᑫᔭᐸᓐ᙮

⁹ ᐁᓵᑭᐃᓈᓐ ᑕᔥ, ᑭᐐᒥᒋ ᑲᑴᒋᒥᓐ᙮ ᓃᓐ ᐄᑐᒃ ᐊᐊ ᑆᓬ ᐊᑭᐌᓯ, ᑭᐸᐙᑲᓐ ᐅᒋ X ᒋᓴᔅ᙮

¹⁰ ᒦᑕᔥ ᐅᐅᐌ ᐁᔑ ᑲᑴᒋᒥᓈᓐ, ᐁᑲᑴᑗᑕᒪᐗᒃ ᐅᓀᓯᒪᔅ ᑳᐅᑯᓯᓯᔮᓐ ᐃᐃᒫ Xᐃᕽ᙮ ᐅᑌᑌᓐ ᐁᑮᐃᓇᐌᒥᒡ ᐅᑕᒑᑯᕽ ᒣᒀ ᐁᑭᐸᐅᑰᐗᒃ᙮

¹¹ ᒦ ᐗᐊ ᐅᑖᓈᕽ ᑫᑰᓐ ᑳᑮᐃᓈᐸᒋᐋᓯᐗᒡ᙮ ᓅᑯᒻ ᑕᔥ ᑭᑭᑖᐸᒋᐋ, ᑫᓃᓐ ᑕᔥ ᓂᑭᑖᐸᒋᐋ᙮

¹² ᒦᑕᔥ ᐊᐊ ᑳᑮᐌᓂᔕᐊᒪᐎᓈᓐ ᑖᐱᔥᑰ ᓂᑌᐞ ᐁᐃᔑᓂᔕᐊᒪᐎᓈᓐ᙮

¹³ ᓂᓇᑕᐌᓂᒫ ᐅᐅᒫ ᒋᑮᐊᔮᐸᓐ ᒋᐐᒋᐃᐸᓐ ᐅᐅ ᑳᑭᐸᐅᑰᔮᓐ ᒥᓍᒋᒧᐎᓐ ᐅᒋ᙮ ᐐᓐ ᒋᐐᒋᐃᐸᓐ ᒋᑮᓈᐱᔥᑲᐎᑭᐸᓐ᙮

¹⁴ ᑳᐐᓐ ᑕᔥ ᑫᑰᓐ ᓂᐐᐃᔑᒋᑫᓰ ᐁᔑ ᐊᑕᐌᑕᓯᐗᓐ᙮ ᒦᔥ ᐁᔑ ᒥᓴᐌᑕᒫᓐ ᑮᓐ ᐃᑯ ᐃᐃ ᑭᑎᓀᑕᒧᐎᓂᕽ ᒋᐅᒋ ᐃᔑᒋᑫᔭᓐ᙮ ᑳᐐᓐ ᑫᑰᓐ ᓂᐐᐃᔑᒋᑫᓰ ᐹᓂᒫ ᑮᐃᓀᑕᒪᓐ᙮

¹⁵ ᒦ ᒫᐐᓐ ᐃᐃ ᑳᑮᐅᒋ ᓇᑲᓂᒃ ᐊᒋᓇ, ᐊᐲ ᑕᔥ ᐱᑮᐌᒡ ᒨᔕᒃ ᒋᐐᒌᐎᒃ᙮

¹⁶ ᑳᐐᓐ ᐐᓐ ᐁᑕ ᐊᓄᑮᐋᑲᓂᕽ ᒋᐃᓇᑭᒪᒡ, ᑳᓵᑭᐃᓐᒡ ᑎᓄ ᐐᒋᑭᐌᒫ ᒋᐃᓀᓂᒪᒡ᙮ ᐐᑫ ᓃᓐ ᓂᑭᑖᐸᑌᓂᒫ᙮ ᓇᐗᒡ ᑕᔥ ᑮᓐ ᑭᑲ ᑭᑖᐸᑌᓂᒫ ᐁᑎᓄᐎᒡ ᐊᓄᑮᐋᑲᓐ ᑲᔦ ᑕᔥ ᐅᐐᒋᑭᐌᓰᒫ ᐁᑌᐺᔦᓂᒫᒡ Xᑕᓐ᙮

¹⁷ ᑮᔥᐱᓐ ᑕᔥ ᐃᓀᓂᒥᔭᓐ ᑭᐐᑕᓄᑮᒫᑲᓐ, ᑮᐌ ᐅᑖᐱᓐ ᑕᔥ ᑖᐱᔥᑰ ᓃᓐ ᑫᑮ ᑑᑕᐎᔭᐸᓐ᙮

¹⁸ ᑮᔥᐱᓐ ᑕᔥ ᑫᑰᓐ ᑳᐃᔑ ᐗᓂᑑᑕᐎᓄᑴᓐ, ᑮᔥᐱᓐ ᑲᔦ ᑫᑰᓐ ᒪᓯᓇᐊᒪᐎᒃ, ᓃᓐ ᐃᐃ ᒪᓯᓇᐃᑫᐃᔑᓐ᙮

¹⁹ ᓃᓐ ᓴ ᐱᑯ ᑳᐅᔑᐲᐊᒪᐎᓈᓐ: ᓃᓐ ᐃᑯ ᑭᑲ ᑎᐸᐊᒪᐎᓐ᙮ ᑳᐐᓐ ᒣᒬᒡ ᒋᒫᒥᑰᓄᑕᒪᐎᓈᓐ, ᑮᓐ ᐄᑐᒃ ᐃᑯ ᑭᒪᓯᓇᐊᒪᐎᔥ ᐃᐃᐌ ᑳᑮᐃᔑ ᐐᒋᐃᓈᐹᓐ᙮

²⁰ ᑕᑲ ᑕᔥ ᑳᓵᑭᐃᓈᓐ ᓃᒋᑭᐌᓯ, ᒥᓄᑑᑕᐎᔑᓐ ᑳᑎᐯᒋᑫᒡ ᐅᒋ᙮ ᑭᑑᐐᒋᑭᐌᓰᒥᓐ ᐄᑐᒃ ᐃᐃᒫ Xᐃᕽ᙮ ᐐᒋᐃᔑᓐ ᒋᒌᑫᑕᒫᓐ᙮

²¹ ᐅᐅ ᑕᔥ ᑳᐃᔑᐲᐊᒪᐎᓈᓐ ᐁᑲᑴᒋᒥᓈᓐ, ᓂᑭᑫᑖᓐ ᐃᐃ ᒋᐃᔑᒋᑫᔭᓐ᙮ ᓂᑭᑫᑖᓐ ᐃᑯ ᐊᐗᔑᒣ ᒋᐃᔑᒋᑫᔭᓐ᙮

²² ᑲᔦ ᑕᔥ ᑭᑲᑴᒋᒥᓐ ᒋᑾᔮᒋᑑᔭᓐ ᐸᑫᒋᑲᓐ ᑫᔑ ᓂᐹᔮᓐ᙮ ᒦᔥ ᐁᔑ ᐸᑯᓭᑕᒫᓐ ᑭᔐᒪᓂᑑ ᒋᐃᔑᒋᑫᒡ ᑲᑭᓇ ᑳᔑ ᑲᑴᒋᒣᒃ ᒦᓇᐙ ᒋᐱᑮᐌᓄᑕᐎᓇᑰᒃ᙮

ᐃᔥᒀᒡ ᑮᐴᔔᐋᒡ

²³ ᑫᐐᓐ ᐁᐸᐸᕒᐊᔅ Epaphras ᑭᐴᔔᐃᑯᐙ ᑳᐐᒋᑭᐸᐅᑰᒥᒡ ᐅᐅᒫ X ᒋᓴᓯᕽ ᐅᒋ᙮

²⁴ ᐃᑭ ᑲᔦ ᑳᐐᑕᓄᑮᒪᒀ ᑭᐴᔔᐃᑯᐙᒃ᙮ ᒦᔥ ᐁᔑᓂᑳᓱᐙᒡ ᒫᕒᒃ Mark, ᐁᕒᐃᔅᑖᕒᑲᔅ Aristarchus, ᑏᒪᔅ Demas, ᐊᐊ ᑲᔦ ᓬᐅᒃ Luke᙮

²⁵ ᑕᑲ ᑳᑎᐯᒋᑫᒡ ᒋᓴᔅ X ᑳᔑ ᑭᔐᐙᑎᓯᒡ ᑭᑲ ᐐᒌᐎᑯᐙᒻ᙮