Nikamonan 95 - ᐅᒋᐺ ᑭᒋᒪᓯᓇᐃᑲᓐᒦᑴᒋᐎᓂᑲᒧᓐ 1 ᐊᐯᔪᒃ, ᑕᑲ ᓂᑲᒨᑕᐙᑖ ᑳᑎᐯᒋᑫᒡ ᐁᒌᑫᑕᒪᕽ, ᑕᑲ ᔖᑯᐌᑖ ᒋᒌᑭᑕᐎᓇᕽ ᑭᔐᒪᓂᑑ, ᐊᓯᓃᕽ ᑳᐃᓀᑖᑯᓯᒡ ᑭᐱᒫᒋᐃᐌᒥᓈᓐ᙮ 2 ᐊᐯᔪᒃ, ᑕᑲ ᓈᓯᑲᐙᑖ ᐁᔑᐊᔮᒡ ᒋᒦᑴᒋᐌᓂᒪᕽ, ᑕᑲ ᑲᔦ ᑭᔒᐌᐙᑖ ᒋᒌᑭᑖᑯᓯᐗᑭᒡ ᒋᐃᓇᐊᒧᐗᑭᒡ ᐁᒦᑴᒋᐌᓂᒪᕽ! 3 ᐐᓐ ᐄᑐᒃ ᑳᑎᐯᒋᑫᒡ ᑳᑭᒋ ᑭᔐᒪᓂᑑᐎᒡ, ᐐᓐ ᑲᔦ ᑳᑭᒋᐅᑭᒫᑲᑕᐙᒡ ᑲᑭᓇ ᑯᑕᒃ ᒪᓂᑑᐞ᙮ 4 ᐐᓐ ᓴ ᑳᒥᓯᐌ ᑎᐯᑕᕽ ᐊᑮᓂ, ᐁᐅᒋ ᑎᐯᑕᕽ ᒫᐗᒡ ᐙᓴ ᐊᓈᒪᑲᒥᒃ ᐲᓂᔥ ᐃᑕᔥ ᐌᑎ ᑳᔑ ᐗᑭᑕᑎᓈᓂᑭᓐ ᐃᓂ ᑭᒋ ᐗᒌᓐ᙮ 5 ᑭᒋᑲᒦᓂ ᓴ ᐐᓐ ᐅᑎᐯᑖᓐ ᐋᓃᔥ ᐐᓐ ᐅᑮ ᐅᔑᑑᓐ; ᐅᓂᒌᕽ ᑲᔦ ᐅᑮ ᐅᒋ ᐅᔑᑑᓐ ᑳᐹᑾᑲᒥᑳᓂᒃ᙮ 6 ᐊᐯᔪᒃ, ᑕᑲ ᐊᓂᒥᑯᑖᑖ ᒋᐊᓇᒥᐁᑕᐗᕽ; ᑕᑲ ᑲᔦ ᐅᒋᒌᑾᓇᐲᑕᐙᑖ ᐁᓈᓴᒦᒡ ᑳᑎᐯᒋᑫᒡ ᑳᑮ ᐅᔑᐃᓇᕽ! 7 ᐐᓐ ᐅᔕ ᑳᐅᑭᔐᒪᓂᑑᒥᔭᕽ; ᑮᓇᐎᓐᑦ ᐄᑐᒃ ᐅᐱᒫᑎᓰᒪᐞ ᑳᓈᓈᑲᒋᐋᒡ, ᑖᐱᔥᑰ ᐅᒫᓇᒑᓂᔑᒪᐞ ᑳᑑᑕᐙᒡ ᐁᐊᔕᒫᒡ ᑳᔑ ᒪᔥᑯᓰᑳᓂᒃ᙮ ᐱᓯᑕᒧᐙᒃ ᐋᓃᓐ ᐁᑭᑐᒡ ᓅᑯᒻ ᑳᑮᔑᑲᓂᓂᒃ, 8 ᑫᑯ ᔕᔒᐱᑕᐙᑫᒃ ᑖᐱᔥᑰ ᑭᑫᑌᔭᐋᒥᐙᒃ ᑳᑮ ᐃᔑ ᔕᔒᐱᑕᐙᐙᒡ ᑭᔐᒪᓂᑑᓐ ᐌᑎ ᒣᕒᐃᐸ Meribah, ᑳᑮ ᐊᔨᑎᐙᒡ ᐁᑮᔑᑲᓂᓂᒃ ᐌᑎ ᒫᓴ Massah ᐱᑾᑕᑲᒥᒃ᙮ 9 ᒦ ᓴ ᐌᑎ ᑳᑮ ᐃᔑ ᑲᑴᑌᓂᒥᐙᒡ ᐁᑮ ᐊᑕ ᑭᑫᓂᒥᐙᒡ ᑲᔦ, ᐋᓇᐐᓐ ᐁᑮ ᐙᐸᑕᒧᐙᒡ ᐋᓃᓐ ᑳᑮ ᐱ ᐃᔑᒋᑫᐗᒃ᙮ 10 ᓃᒥᑕᓇ ᑕᓱᐱᐴᓐ ᑕᔥ ᓂᑮ ᒫᓈᐸᒫᒃ ᐃᑭ ᐯᒫᑎᓯᐙᒡ ᐁᑮ ᐃᑭᑐᔮᓐ, ᒨᔕᒃ ᓴ ᐅᑎᓀᑕᒧᐎᓂᐙᓐ ᐅᐗᓂᐎᓂᑯᓈᐙᓐ, ᑳᐐᓐ ᑲᔦ ᐅᑑᑖᐱᓇᓰᓈᐙ ᑳᐃᔑᒋᑫᐗᒃ᙮ 11 ᐁᑮ ᒫᓈᐸᒪᒀ ᑕᔥ ᒦ ᓴ ᑳᐃᔑ ᐊᔓᑕᒫᓐ, ᑳᐐᓐ ᓴ ᐐᑳ ᑕᐲᑎᑫᓰᐗᒃ ᐃᐃᐌᓂ ᐊᑮᓂ ᑫᑮ ᐃᔑ ᐊᓉᐱᐙᐸᓐ ᑳᐐ ᒦᓇᒀᐸᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society