Nikamonan 91 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᑳᓈᑕᒪᐎᓇᕽ 1 ᐊᐌᓀᓐ ᓴ ᐁᔑᑖᒡ ᑳᔑ ᑕᐱᓇᐎᔥᑭᑫᓂᒡ ᒫᐗᒡ ᐁᔥᐯᑖᑯᓯᓂᒡ, ᒦ ᓴ ᐊᐌ ᑫᐊᔮᒡ ᑳᔑ ᓈᑕᒫᑫᓂᒡ ᑳᒫᐗᒋ ᒪᔥᑲᐎᓰᓂᒡ! 2 ᒦ ᓴ ᐊ ᑫᐃᓈᒡ ᑳᑎᐯᒋᑫᓂᒡ, ᐐᓐ ᐅᔕ ᑳᓈᒋᐸᐃᐙᓇᒃ, ᐐᓐ ᑲᔦ ᑳᐊᐸᐃᐙᓇᒃ ᒋᓈᑕᒪᐎᒡ, ᒦ ᓴ ᐊᐌ ᓂᑭᔐᒪᓂᑑᒻ ᑳᑌᐺᔦᓂᒪᒃ! 3 ᑫᒋᓈᒡ ᓴ ᑯ ᑭᑲ ᓈᑕᒫᒃ ᒋᓇᒀᓱᐙᓯᐗᒡ ᐁᔑ ᓇᒀᔑᐌᓂᒡ ᐅᑳᒋᑎᓂᐌᐞ, ᑭᑲ ᑲᓇᐌᓂᒥᒃ ᑲᔦ ᒋᐸᐹᒣᓂᒥᑯᓯᐗᒡ ᐃᓂ ᑳᓂᔑᐗᓈᒋᐃᐌᒪᑲᓂᓂᑭᓐ᙮ 4 ᐅᒦᑾᓂᕽ ᓴ ᐐᑫ ᑭᑲ ᐃᔑ ᐋᑰᔥᑳᒃ, ᑳᔑ ᐐᐱ ᓂᑸᑲᓀᓂᒡ ᓴ ᑭᑲ ᐃᔑ ᓈᑕᒪᒃ, ᐅᑌᐺᔦᑖᑯᓯᐎᓐ ᒦ ᐃ ᑫᐃᓍᑕᒧᐗᒡ ᑖᐱᔥᑰ ᑫᐅᓇᑳᐃᑲᓂᔭᓐ, ᑲᔦ ᑫᔑ ᐋᑲᐎᔑᓇᓐ᙮ 5 ᑳᐐᓐ ᑲᔦ ᑭᑲ ᑯᑕᓰᓇᓐ ᑳᓇᓃᓵᓀᑖᑾᑭᓐ ᑳᐊᔮᑭᓐ ᐁᑎᐱᑲᒃ, ᑮᑮᔑᑲᒃ ᑲᔦ ᑳᐊᔮᑭᓐ ᑳᓇᓃᓵᓀᑖᑾᑭᓐ ᐱᑾᑯᕽ ᑳᐃᓀᑖᑾᑭᓐ᙮ 6 ᑳᐐᓐ ᑲᔦ ᑭᑲ ᑯᑕᓰᓐ ᑳᓂᔑᐗᓈᒋᐃᐌᒪᑲᒃ ᑳᐸᐹᒥ ᐊᔮᒃ ᑮᑎᐱᑲᒃ, ᒪᒋᑫᑰᓐ ᑲᔦ ᑳᓂᔑᐌᒪᑲᒃ ᑮᑮᔑᑲᒃ᙮ 7 ᒥᓴᐙ ᑯ ᒦᑖᔂᒃ 1,000 ᑲᐎᓭᐙᒡ ᐁᓂᐳᐙᒡ ᐅᐱᒣ ᑳᔑ ᐊᔮᔭᓐ, ᒥᑖᒌᕽ ᒥᑖᔂᒃ 10,000 ᑳᐙᑳᔥᑲᐎᒀ, ᑫᐐᓇᐙ ᑕᑲᐎᓭᐗᒃ ᑳᐐᓐ ᓴ ᑮᓐ ᐊᐙᒡ ᐃᑯ ᑭᑲ ᐐᓴᑳᐱᓀᓰ᙮ 8 ᐊᔨᓈᐱᔭᓐ ᐃᑕᔥ ᑭᑲ ᐙᐸᒫᒃ ᐋᓃᓐ ᐅᒪᒋᑑᑕᒨᒃ ᐁᔑ ᓇᓇᐊᓯᑣ᙮ 9 ᑳᑎᐯᒋᑫᒡ ᐃᑕᔥ ᐁᑮ ᐅᓀᓂᒪᒡ ᒋᓂᑖ ᓈᑕᒪᐎᒃ, ᐁᐐ ᐃᔑᑖᐗᒡ ᑲᔦ ᐁᔑᐊᔮᒡ ᒫᐗᒡ ᑳᐃᔥᐯᑖᑯᓯᒡ; 10 ᑳᐐᓐ ᑕᔥ ᒪᒋᑫᑰᓐ ᑭᑲ ᐅᑎᓯᑯᓰᓐ, ᑳᐐᓐ ᑲᔦ ᑭᒋ ᐃᓇᑲᒥᑭᓯᐎᓐ ᐯᔓ ᑕᐲᔖᒪᑲᓯᓅᓐ ᑭᑖᐎᓂᕽ᙮ 11 ᑭᔐᒪᓂᑑ ᓴ ᐅᑲ ᐊᓅᓈᐞ ᐅᑌᒐᓬᐃᒪᐞ ᒋᓈᓈᑲᒋᐃᒥᒃ, ᒋᑲᓇᐌᓂᒥᒥᒃ ᐋᓃᓐ ᐱᑯ ᑫᓂ ᐃᔑᒋᑫᐗᒡ᙮ 12 ᒦᐗᒃ ᐃᑕᔥ ᐃᑭ ᑫᒥᒋᒥᓂᒀ ᒋᐐᓴᑭᓯᑌᔑᓄᐙᓯᐗᒡ ᐃᐃᒫ ᑳᔑ ᐊᓯᓃᑳᓂᒃ᙮ 13 ᒋᑕᑕᑯᑲᓂᒪᒡ ᒥᔑᐱᔑᐗᓐ, ᐅᒌᓱᐌ ᑭᓀᐱᑰᓐ ᑲᔦ, ᐅᔥᑭ ᒥᔑᐱᔑᐌᓴᓐ ᑲᔦ, ᒪᒋᑭᓀᐱᑰᓐ ᐃᑕᔥ ᑲᔦ᙮ 14 ᑭᔐᒪᓂᑑ ᑕᔥ ᐅᐅ ᐃᑭᑐ, ᐋᓃᔥ ᐁᓵᑭᐃᒡ ᒦ ᐃ ᑫᐅᒋ ᔖᐾᐊᒃ, ᓂᑲ ᓈᑕᒪᐙ ᑲᔦ ᐁᑭᑫᑕᕽ ᓂᐐᓱᐎᓂᓂ᙮ 15 ᑲᓅᔑᒡ ᓴ, ᓂᑲ ᓇᑴᑕᐙ; ᓂᑲ ᐐᒌᐙ ᑲᔦ ᐊᐲ ᐗᓯᑖᐎᓭᒡ, ᓂᑲ ᔖᐾᐋ ᓂᑲ ᑭᑌᓂᒫ ᓴ ᑲᔦ᙮ 16 ᓂᑲ ᐃᔑᐋ ᓴ ᑭᓉᔥ ᒋᐱᒫᑎᓯᒡ ᑫᐅᒋ ᒥᓉᑕᕽ, ᓂᑲ ᐃᔑᐋ ᑲᔦ ᒋᐙᐸᑕᕽ ᑳᔑ ᐱᒫᒋᐃᐌᐗᒃ! |
Ojibwe Shorter Bible (Syllabic Script) © 2008 Canadian Bible Society
Canadian Bible Society