Nikamonan 85 - ᐅᒋᐺ ᑭᒋᒪᓯᓇᐃᑲᓐᐁᔑᐊᓇᒥᐁᑕᒪᐎᑣ ᒋᒥᓄᓭᐙᒡ ᐯᒫᑎᓯᐙᒡ ᐃᔅᕒᐃᔭᓬᐊᒃ 1 ᐆ ᑌᐯᒋᑫᔭᓐ, ᑮᓐ ᓴ ᑭᓈᑯᑑᓐ ᐁᒥᓍᐸᑕᒪᓐ ᑭᑕᑮᒻ, ᐁᑮ ᑮᐌ ᒥᓄᓭᐊᑣ ᐃᔅᕒᐃᔭᓬᐊᒃ Israel᙮ 2 ᑭᐴᓀᑕᒪᐙᒃ ᓴ ᐁᔑ ᒪᒋᑑᑕᒧᐙᒡ ᑭᐱᒫᑎᓰᒪᒃ, ᑭᑕᑾᓇᐊᒧᐙᓇᓐ ᑲᔦ ᑲᑭᓇ ᐁᔑ ᒪᒫᔒᐙᒡ᙮ 3 ᑭᑮ ᐊᑌᑭᑖᔅ ᑲᔦ ᑳᑮ ᐃᔑ ᓂᔥᑭᐃᒀᐸᓐ, ᐁᑮ ᐃᔑᒋᑫᔭᓐ ᒋᓈᑾᓯᓄᒃ ᑭᑭᒋ ᓂᔥᑳᑎᓯᐎᓐ᙮ 4 ᐆ ᑭᔐᒪᓂᑑ ᐯᒫᒋᐃᔮᕽ, ᑮᐌᓄᑕᐎᔑᓈᒻ, ᑕᑲ ᒦ ᐃ ᑫᔑ ᐴᓂᓭᒃ ᐃᐃ ᑳᔑ ᒫᓈᐸᒥᔮᕽ᙮ 5 ᒦᓇ ᑯᐃ ᓀᐱᒡ ᐙᐃᔑ ᓂᔥᑳᑎᓰᑲᑕᐎᔮᕽ? ᑭᑲᓂ ᓂᔥᑳᑎᓰᑲᑕᐙᒃ ᐃᓇ ᑲᔦ ᑲᑭᓇ ᑫᓂ ᐊᔮᐙᒡ᙮ 6 ᑳᐐᓐ ᐃᓇ ᒦᓇᐙ ᑭᑲ ᑮᐌ ᓈᓯᑲᐎᓰᓈᒻ, ᓃᓇᐎᓐᑦ ᐌᐱᒫᑎᓰᒥᔭᓐ ᒋᑮ ᒌᑫᓂᒥᑰᔭᐸᓐ? 7 ᐆ ᑌᐯᒋᑫᔭᓐ ᓈᑯᑕᒪᐎᔑᓈᒻ ᑭᒥᓄᑑᑖᑫᐎᓐ, ᐱᒫᒋᐃᔑᓈᒻ᙮ 8 ᓂᑲ ᓅᑕᐙ ᓴ ᓃᓐ ᑭᔐᒪᓂᑑ ᑳᑎᐯᒋᑫᒡ ᑫᐃᑭᑐᒡ; ᐌᐌᓂ ᓴ ᐅᑲᓅᓈᐞ ᐅᐱᒫᑎᓰᒪᐞ ᐁᐊᔓᑕᒪᐙᒡ ᐱᓵᓂᓯᐎᓐ, ᑌᐱᓇᐌᐎᓯᒡ᙮ ᑫᑯ ᑕᔥ ᑕᐃᔑᒋᑫᓰᐗᐞ ᒋᑮᐌᓄᑕᒥᓂᒡ ᐅᑲᑮᐹᑎᓯᐎᓂᓂ᙮ 9 ᐃᑭ ᓴ ᑳᑯᑖᓀᓂᒫᐙᒡ ᑌᐺ ᐅᐯᔗᑖᓈᐙ ᐅᐱᒫᒋᐃᐌᐎᓂᓂ, ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ ᒋᐃᔑᑖᒪᑲᓂᓂᒃ ᐃᐃᒫ ᑭᑕᑮᒥᓈᓂᕽ᙮ 10 ᓵᑭᐃᐌᐎᓐ ᓴ ᑌᐺᔦᑖᑯᓯᐎᓐ ᐃᑕᔥ ᓇᑭᔥᑯᑖᑏᒪᑲᓅᓐ, ᑾᔭᒀᑎᓯᐎᓐ, ᐱᓵᓀᑕᒧᐎᓐ ᑲᔦ ᓴ ᓇᑭᔥᑯᑖᑏᒪᑲᓅᓐ᙮ 11 ᑌᐺᔦᑖᑯᓯᐎᓐ ᐃᓴ ᐊᑮᕽ ᐅᒋ ᐃᔥᐱᔥᑳ, ᑭᔐᒪᓂᑑ ᑕᔥ ᐐᓐ ᐅᑾᔭᒀᑎᓯᐎᓐ ᑭᒋᑮᔑᑯᕽ ᐅᒋ ᓈᔒᒪᑲᓂᓂ᙮ 12 ᑳᑎᐯᒋᑫᒡ ᓴ ᑌᐺ ᑭᑲ ᒦᓂᑯᓈᓐ ᐌᓂᔑᔑᓂᓂᒃ, ᑭᑕᑮᒥᓈᓂᕽ ᐃᑕᔥ ᑕᐹᑏᓇᑦ ᑫᒪᓂᔑᑳᑌᒃ᙮ 13 ᑾᔭᒀᑎᓯᐎᓐ ᓴ ᐅᓃᑳᓃᑕᒫᑰᓐ ᑳᑎᐯᒋᑫᒡ ᐁᑾᔮᒋᑕᒫᑯᒡ ᐗᐊᓂ ᐃᔖᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society