Nikamonan 63 - ᐅᒋᐺ ᑭᒋᒪᓯᓇᐃᑲᓐᑮᐊᑕᐌᓂᒥᓐᒡ ᑭᔐᒪᓂᑑ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᐆ ᑭᔐᒪᓂᑑ, ᑮᓐ ᓴ ᓂᑭᔐᒪᓂᑑᒻ, ᐐᑫ ᓴ ᑭᓇᑕᐌᓂᒥᓐ! ᓂᑕᒑᑯᕽ, ᓂᐐᔭᐎᕽ ᑲᔦ ᓂᑎᔑ ᓅᑌᔮᐹᑴ ᐁᐊᑕᐌᓂᒥᓈᓐ ᑖᐱᔥᑰ ᑳᔑ ᓅᑌᔮᐹᑴᒪᑲᒃ ᐊᑭ ᑎᓄ ᑳᐹᑌᒃ, ᑫᑰᓐ ᐁᓀᑖᑾᓯᓄᒃ, ᓂᐱ ᑳᔑ ᐊᔮᓯᓄᒃ᙮ 2 ᒦᑕᔥ ᐃᐃ ᑳᑮ ᐙᐸᒥᓈᓐ ᐃᐃᒫ ᑳᑕᓀᑖᑯᓯᔭᓐ ᑭᒋ ᐊᓇᒥᐁᐎᑲᒥᑯᕽ; ᐁᑮ ᐙᐸᑕᒫᓐ ᑭᒪᔥᑲᐎᓰᐎᓐ, ᑭᑭᒋ ᐃᓀᑖᑯᓯᐎᓐ ᑲᔦ᙮ 3 ᓂᑑᓂᕽ ᐃᑕᔥ ᒦᑴᒡ ᑭᑲ ᐅᒋᐃᓂᓐ ᐋᓃᔥ ᒨᔕᒃ ᑳᔑ ᓵᑭᐃᐌᔭᓐ ᓇᐗᒡ ᐅᓂᔑᔑᓐ ᐊᐲᒡ ᐐᓐ ᐃᐃ ᐱᒫᑎᓯᐎᓐ᙮ 4 ᒥᓂᒃ ᓴ ᑯ ᑫᐱᒫᑎᓯᔮᓐ ᑭᑲ ᒦᑴᒋᐌᓂᒥᓐ; ᑭᑎᔑᓂᑳᓱᐎᓂᕽ ᓴ ᓂᑲᔑ ᐃᔥᐱᓂᑫᓐ᙮ 5 ᓂᑕᒑᑯᕽ ᓴ ᐐᑫ ᓂᑲᔑ ᑌᐐᓯᓐ ᑳᑕᔑ ᐎᑾᑏᓈᓂᐗᕽ, ᓂᑲ ᓂᑲᒻ ᑕᔥ ᓂᑲᒧᓇᓐ ᑳᒌᑭᑖᑾᑭᓐ ᒋᒦᑴᒋᐌᓂᒥᓈᓐ᙮ 6 ᓂᐯᐎᓂᕽ ᑲᔦ ᐁᐱᒥᔑᓈᓐ ᑭᒫᒥᑳᐎᓄᑕᐎᓐ; ᒦᔥ ᑲᐯᑎᐱᒃ ᐁᔑ ᓈᓈᑲᑕᐌᓂᒥᓈᓐ, 7 ᐋᓃᔥ ᑮᓐ ᑳᐐᒋᐃᔭᓐ᙮ ᐃᐃᒫ ᑳᔑ ᐊᑲᐙᑌ ᓂᑸᑲᓀᓂᔭᓐ ᓂᑕᔑ ᓂᑲᒻ ᐁᐲᒋ ᒌᑫᑕᒫᓐ᙮ 8 ᓂᑕᒑᒃ ᓴ ᑭᑭᒌᑳᒃ, ᑭᑭᒋᓂᒃ ᑲᔦ ᑭᑎᔑ ᒥᒋᒥᓂᔥ ᐁᑲᓇᐌᓂᒥᔭᓐ᙮ 9 ᐃᑭ ᑕᔥ ᐐᓐ ᑳᓇᓈᑐᓀᐅᐙᒡ ᐁᐐ ᓂᔑᐙᒡ ᑕᐃᔑ ᓈᔑᔥᑳᐗᒃ ᐊᓈᒪᔭᐄ ᐊᑮᕽ ᑳᔑ ᐊᔮᓂᒡ ᑳᓂᐳᓂᒡ᙮ 10 ᑳᑕᔑ ᒦᑳᑎᓈᓂᐗᓂᓂᒃ ᓴ ᐸᔑᐸᐃᑫᐎᑯᒫᓂᕽ ᑕᐅᒋ ᓂᒋᑲᓂᐎᐗᒃ, ᐙᑯᔑᔕᐞ ᑕᔥ ᐅᑲ ᒦᒋᓂ ᐅᐐᔭᐎᐙᓐ᙮ 11 ᐊᐊ ᑕᔥ ᐐᓐ ᑭᒋᐅᑭᒫ ᑕᒌᑫᑕᒻ ᐁᐃᔑᐃᑯᒡ ᑭᔐᒪᓂᑑᓐ ᒋᔖᑰᒋᑣᒡ᙮ ᑲᑭᓇ ᓴ ᐊᐎᔭᒃ ᑳᐊᐱ ᐐᑕᒧᐙᒡ ᑳᔑ ᑭᒋ ᐃᓀᑖᑯᓯᓂᒡ ᐅᑲ ᒦᑴᒋᐌᓂᒫᐙᓐ, ᐃᑭᐌᓂᐗᒃ ᑕᔥ ᐐᓐ ᑳᑮᐗᓂᒧᔥᑭᐙᒡ ᑕᑭᐸᐃᑳᑌᓂᐗᓐ ᐅᑑᓂᐙᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society