Nikamonan 62 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᐅᓈᑕᒫᑫᐎᓐ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᑳᐐᓐ ᓴ ᓂᓅᑖᑎᓰ ᓂᑕᒑᑯᕽ ᐁᐲᐊᒃ ᑭᔐᒪᓂᑑ ᐁᑕ, ᐐᓐ ᐄᑐᒃ ᑳᒦᔑᒡ ᐱᒫᒋᐃᑰᐎᓐ᙮ 2 ᐐᓐ ᐃᓴ ᐁᑕ ᑳᑎᓄᐎᒡ ᐊᓯᓃᕽ ᐁᓈᑕᒪᐎᒡ, ᓂᐱᒫᒋᐃᐌᒻ ᑲᔦ᙮ ᐐᓐ ᓴ ᑲᔦ ᑳᓈᒋᐸᐃᐙᓇᒃ, ᑳᐐᓐ ᓴ ᐐᑳ ᓂᑲ ᐗᑲᐎ ᐌᐱᓂᑰᓰ᙮ 3 ᐋᓃᓐ ᐃᑕᔥ ᒥᓂᒃ ᐙᒦᑳᓀᒃ ᐃᓂᓂ, ᑲᑭᓇ ᐁᐐ ᓂᓭᒃ, ᒦ ᐄᑐᒃ ᐁᓀᑖᑯᓯᒡ ᒣᓂᑲᓐ ᑳᐋᔂᑯᓯᕽ, ᑳᐲᑯᔥᑳᒃ᙮ 4 ᒦ ᓴ ᐁᑕ ᐁᓀᑕᒣᒃ ᐁᐐ ᐊᓂ ᓃᓯᐱᓀᒃ ᐁᔑ ᑭᑌᑖᑯᓯᒡ; ᐁᒥᓉᑕᒣᒃ ᐁᑮᐗᓂᒧᔦᒃ᙮ ᑭᑎᓈᐙ ᓴ ᐊᐎᔭ ᒋᒥᓄᓭᒡ, ᑭᑌᐃᐙᕽ ᐃᑕᔥ ᐐᓐ ᑭᑎᔑ ᒪᒋᐃᓈᐱᓀᒫᐙ᙮ 5 ᑳᐐᓐ ᓴ ᓂᓅᑖᑎᓰ ᓂᑕᒑᑯᕽ ᐁᐲᐊᒃ ᑭᔐᒪᓂᑑ ᐁᑕ, ᐐᓐ ᐅᔕ ᐁᑕ ᑳᐊᐯᓂᒧᓄᑕᐗᒃ᙮ 6 ᐐᓐ ᐃᓴ ᐁᑕ ᑳᑎᓄᐎᒡ ᐊᓯᓃᕽ ᐁᓈᑕᒪᐎᒡ, ᓂᐱᒫᒋᐃᐌᒻ ᑲᔦ᙮ ᐐᓐ ᓴ ᑲᔦ ᑳᓈᒋᐸᐃᐙᓇᒃ, ᑳᐐᓐ ᓴ ᐐᑳ ᓂᑲ ᐗᑲᐎ ᐌᐱᓂᑰᓰ᙮ 7 ᓂᐱᒫᒋᐃᑰᐎᓐ ᓴ, ᓂᑭᑌᑖᑯᓯᐎᓐ ᑲᔦ ᓂᑑᑎᓈᓐ ᑭᔐᒪᓂᑑᕽ, ᐐᓐ ᐄᑐᒃ ᓂᑕᓯᓃᒻ ᑳᓈᑕᒪᐎᒡ, ᐐᓐ ᑲᔦ ᑳᓈᒋᐸᐃᐙᓇᒃ᙮ 8 ᓃᒋᐱᒫᑎᓰᒃ, ᒨᔕᒃ ᓴ ᑯ ᑌᐺᔦᓂᒥᒃ ᑭᔐᒪᓂᑑ; ᐐᑕᒪᐎᒃ ᑲᑭᓇ ᐁᔑ ᒫᔑᓭᔦᒃ ᑭᑌᐃᐙᕽ, ᐐᓐ ᐄᑐᒃ ᑳᓈᒋᐸᐃᐙᓇᕽ᙮ 9 ᐃᓂᓂᐗᒃ ᑌᐸᓭᑖᑯᓯᐙᒡ ᐃᓴ ᐃᓀᑖᑯᓯᐗᒃ ᓵᑭᑕᓈᒧᐎᓂᕽ, ᐁᔥᐯᑖᑯᓯᐙᒡ ᐃᑕᔥ ᑲᔦ ᐗᓀᑖᑯᓯᐗᒃ, ᑮᔥᐱᓐ ᐃᑕᔥ ᒥᒋᓃᔥ ᑎᐹᐲᔥᑰᓱᐙᒡ, ᓇᐗᒡ ᓴ ᑕᓈᑭᓯᐗᒃ ᐁᐲᑎᓂᑾᒃ ᐃᐃ ᓵᑭᑕᓈᒧᐎᓐ᙮ 10 ᑫᑯ ᑌᐺᔦᑕᑫᓐ ᑭᒋ ᐃᓇᑲᒥᑭᓯᐎᓐ ᒋᐐᒋᐃᑯᔭᓐ, ᑫᑯ ᑭᒨᑎᐎᓂᕽ ᐃᓇᑫ ᐃᔑ ᐊᐯᓂᒧᑫᓐ ᒋᐅᒋ ᐌᓅᑎᓯᔭᓐ᙮ ᒥᓴᐙ ᑯ ᐊᓂ ᑳᒋ ᐌᓅᑎᓯᔭᓐ, ᑫᑯ ᐃᐃᒫ ᐃᔑ ᐊᐯᓂᒧᑫᓐ᙮ 11 ᑳᐐᓐ ᓴ ᐁᑕ ᐋᐱᑎᕽ ᓂᑮ ᓅᑕᐙᓰ ᑭᔐᒪᓂᑑ ᐁᐃᑭᑐᒡ, ᐐᓐ ᐁᑎᐯᑕᕽ ᒪᔥᑲᐎᓰᐎᓐ, 12 ᐐᑫ ᑲᔦ ᑳᑎᐯᒋᑫᒡ ᑳᓵᑭᐃᐌᒡ᙮ ᑫᒋᓈᒡ ᓴ ᑯ ᐁᑕᓱᐯᔑᑯᒡ ᐊᐎᔭ ᑭᑲ ᐃᔑ ᑎᐸᐊᒪᐙ ᐋᓃᓐ ᑳᐱ ᐃᔑᒋᑫᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society