Nikamonan 34 - ᐅᒋᐺ ᑭᒋᒪᓯᓇᐃᑲᓐᐁᒦᑴᒋᐌᓂᒥᓐᒡ ᑭᔐᒪᓂᑑ ᑳᔑᒥᓄᑑᑖᑫᒡ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᒨᔕᒃ ᓴ ᓂᑲ ᒦᑴᒋᐌᓂᒫ ᑳᑎᐯᒋᑫᒡ; ᑳᐐᓐ ᓂᑲ ᐸᑭᒌᓰ ᒦᑴᒡ ᒋᐃᓇᒃ᙮ 2 ᓂᑕᒑᑯᕽ ᓴ ᓂᑲ ᐅᒋ ᒦᑴᒋᐌᓂᒫ ᑳᑎᐯᒋᑫᒡ; ᑕᑲ ᐃᑭ ᑫᒀᑕᑭᓭᐙᒡ ᑕᓅᑕᒨᒃ ᒋᐅᒋ ᒥᓉᑕᒧᐙᒡ ᑲᔦ! 3 ᐐᑕᒫᑎᑖ ᐁᑭᒋ ᐃᓀᑖᑯᓯᒡ ᑳᑎᐯᒋᑫᒡ; ᑕᑲ ᒫᒪᐤ ᑭᒋ ᐃᓀᑕᒧᐙᑖ ᐅᐐᓱᐎᓐ᙮ 4 ᓂᑮ ᐊᑐᓀᐙ ᓴ ᑳᑎᐯᒋᑫᒡ, ᓂᑮ ᓇᑴᑖᒃ ᐃᑕᔥ, ᐁᑮ ᓈᑕᒪᐎᒡ ᑲᔦ ᑲᑭᓇ ᐁᔑ ᑯᑖᒋᐗᒃ᙮ 5 ᐃᑭ ᓴ ᑫᓇᐙᐸᒫᐙᒡ ᑳᑎᐯᒋᑫᓂᒡ ᒌᑫᑕᒧᐎᓈᑯᓯᐗᒃ; ᑳᐐᓐ ᓴ ᐐᑳ ᑕᐊᑲᓯᓈᑯᓯᓰᐗᒃ᙮ 6 ᐗᐊ ᓴ ᐃᓂᓂ ᑫᑎᒫᑭᓯᒡ ᐁᔖᑯᐌᒡ, ᑳᑎᐯᒋᑫᓂᒡ ᐅᑮ ᓅᑖᑰᓐ, ᒦᔥ ᐁᔑ ᓈᑕᒫᑯᒡ ᑲᑭᓇ ᑳᔑ ᒫᔑᓭᒡ᙮ 7 ᑳᑎᐯᒋᑫᒡ ᓴ ᐅᑌᒐᓬᐃᒪᓐ ᐅᐙᑳᔥᑲᐙᓂ ᐃᐃ ᑳᑯᑖᓀᓂᒥᑯᒡ, ᐁᔖᐾᐋᓂᒡ᙮ 8 ᐊᑕ ᑭᑫᑕᓐ ᐃᓇᔥᑫ ᐋᓃᓐ ᐁᐲᒋ ᐅᓂᔑᔐᑖᑯᓯᒡ ᑳᑎᐯᒋᑫᒡ; ᔕᐌᑖᑯᓯ ᓴ ᐊᐊ ᑳᓈᒋᐸᐃᐙᓈᒡ ᑳᑎᐯᒋᑫᓂᒡ᙮ 9 ᑯᑖᓀᓂᒥᒃ ᑳᑎᐯᒋᑫᒡ, ᑮᓇᐙ ᑳᑎᐱᓇᐌᐎᓰᒥᓀᒃ, ᑳᐐᓐ ᓴ ᑫᑰᓐ ᓅᑌᓭᓰᐗᒃ ᐃᑭ ᑳᑯᑖᓀᓂᒫᐙᒡ᙮ 10 ᐃᓇᔥᑫ ᒥᔑᐱᔑᓴᒃ ᓅᑌᔅᑲᑌᐗᒃ ᐁᓅᑌᓭᐙᒡ ᒦᒋᒻ, ᐃᑭ ᑕᔥ ᐐᓐ ᑳᐊᑐᓀᐙᐙᒡ ᑳᑎᐯᒋᑫᓂᒡ ᑳᐐᓐ ᑕᓅᑌᓭᓰᐗᒃ ᑫᑰᓐ ᐌᓂᔑᔑᓂᓂᒃ᙮ 11 ᐊᐯᔪᒃ ᑳᓵᑭ ᐐᒌᐎᓇᑰᒃ ᐊᐱᓅᒌᔕᒃ, ᐱᓯᑕᐎᔑᒃ; ᑭᑲ ᑭᑭᓄᐊᒪᐎᓂᓂᒻ ᐃᑕᔥ ᐁᔑ ᑯᑖᓀᓂᒥᓐᒡ ᑳᑎᐯᒋᑫᒡ᙮ 12 ᐊᐌᓀᓐ ᓴ ᑯ ᑮᓇᐙ ᑳᓵᑭᑑᒡ ᐅᐅ ᐱᒫᑎᓯᐎᓐ, ᒣᓴᐌᑕᕽ ᑲᔦ ᑭᓉᔥ ᒋᒪᒥᓄ ᐱᒫᑎᓯᒡ, 13 ᑫᑯ ᓴ ᑕᔥ ᓅᒋᑯ ᐃᔑᑮᔗᑫᓐ, ᑫᑯ ᑲᔦ ᑮᐗᓂᒧᑫᓐ᙮ 14 ᓇᑲᑕᓐ ᒪᒋᑫᑰᓐ, ᐌᓂᔑᔑᒃ ᓅᒋᑑᓐ; ᒥᓂᒃ ᐃᑯ ᐁᑯ ᑲᔥᑭᑑᔭᓐ ᐱᓵᓐ ᑲᑴ ᐱᒫᑎᓯᓐ᙮ 15 ᑳᑎᐯᒋᑫᒡ ᓴ ᐅᓈᓈᑲᓵᐸᒫᐞ ᑴᔭᒀᑎᓯᓂᒡ, ᐅᑕᔓ ᓅᑕᐙᐞ ᑲᔦ ᐁᔑ ᔖᑯᐙᓂᑯᒡ; 16 ᑳᐐᓐ ᐃᑕᔥ ᐐᓐ ᐅᒥᓍᐸᒫᓰᐞ ᑳᒪᒋᑑᑕᒥᓂᒡ, ᐁᐐ ᓂᔑᐗᓈᒋᐋᒡ ᒋᓀᐱᒋ ᐗᓃᑫᓄᑕᐎᒥᓐᒡ ᐅᐅᒫ ᐊᑮᕽ᙮ 17 ᑳᑎᐯᒋᑫᒡ ᓴ ᐅᓅᑕᐙᐞ ᑳᑾᔭᒀᑎᓯᓂᒡ ᑮᔖᑯᐙᓂᑯᒡ; ᐁᓈᑕᒪᐙᒡ ᑲᑭᓇ ᐁᔑ ᒫᔑᓭᓂᒡ᙮ 18 ᑳᑎᐯᒋᑫᒡ ᓴ ᐅᐯᔣᐸᒫᐞ ᑳᐲᑯᑌᐁ ᐁᑕᒥᓂᒡ, ᐅᐱᒫᒋᐋᐞ ᑲᔦ ᐁᔮᓯᓂᒃ ᐊᐯᓂᒧᐎᓐ᙮ 19 ᐹᑏᓇᑎᓂᓂᐗᓐ ᑴᔭᒀᑎᓯᒡ ᐁᔑ ᑲᒀᑕᑭᓭᒡ, ᑳᑎᐯᒋᑫᓂᒡ ᐃᑕᔥ ᒥᓯᐌ ᐅᑎᔑ ᓈᑕᒫᑰᓐ; 20 ᐅᑲᓇᐌᑕᒥᓂ ᑲᔦ ᑲᑭᓇ ᐅᑲᓇᓐ, ᑳᐐᓐ ᑲᓇᑫ ᐯᔑᒃ ᑕᐴᑾᐃᑳᑌᓯᓂᓂ᙮ 21 ᒪᒋᑫᑰᓐ ᓴ ᐅᓂᓯᑯᓈᐙ ᒣᒋᐃᔑᐌᐱᓯᐙᒡ; ᑳᔒᑫᓂᒥᑯᒡ ᓴ ᑴᔭᒀᑎᓯᒡ ᑕᓂᔑᐗᓈᒋᐃᒫᐗᐞ᙮ 22 ᑳᑎᐯᒋᑫᒡ ᓴ ᐅᐱᒫᒋᐋᐞ ᐅᑕᓄᑮᐋᑲᓇᐞ; ᑳᐐᓐ ᐊᐎᔭ ᑳᓈᒋᐸᐃᐙᓂᑯᒡ ᑕᓂᔑᐗᓈᑎᓯᓰᐗᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society