Nikamonan 32 - ᐅᒋᐺ ᑭᒋᒪᓯᓇᐃᑲᓐᑎᐹᒋᒥᑎᓱᐎᓐ ᔑᑾ ᑭᔐᒪᓂᑑ ᐅᐴᓀᑕᒫᑫᐎᓐ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᔕᐌᑖᑯᓯᐗᒃ ᐃᑭᐌᓂᐗᒃ ᐅᒪᒋᒋᑫᐎᓂᐙᓐ ᑳᐴᓀᑕᒪᐎᑣ, ᐅᒪᒋᑑᑕᒧᐎᓂᐙᓐ ᐐᑫ ᑳᑮ ᑳᓰᓇᒪᐎᑣ! 2 ᔕᐌᑖᑯᓯ ᐊᐊ ᐃᓂᓂ ᐅᒪᒋᑑᑕᒧᐎᓐ ᐁᑳ ᐐᑳ ᐁᐐ ᐊᑭᑕᒫᑯᓯᒃ ᑳᑎᐯᒋᑫᓂᒡ, ᑲᔦ ᑳᐗᔦᔑᑖᑯᓯᓯᒃ! 3 ᐊᐲ ᑮᓅᑖᑎᓯᐙᐹᓐ ᐁᑮ ᑕᔑᑕᓯᐙᓐ ᓂᒪᒋᑑᑕᒧᐎᓇᓐ, ᒦ ᓴ ᐃ ᓂᐐᔭᐤ ᑳᑮ ᒑᑮᒪᑲᒃ ᐁᑮ ᒨᑯᓀᔮᓐ ᑲᐯᑮᔑᒃ᙮ 4 ᑫᑲᐯᑎᐱᒃ ᓴ, ᑫᑲᐯᑮᔑᒃ ᑲᔦ ᑭᑮ ᓇᓇᐊᔑᔥ; ᐐᑫ ᐁᑮ ᒑᑮᐃᔭᓐ ᑖᐱᔥᑰ ᑳᔑ ᐹᑯᑌᒃ ᑳᔕᑭᐊᔮᒃ ᑮᑭᔖᑌᒃ ᐁᓃᐱᕽ᙮ 5 ᒦᑕᔥ ᑳᑮ ᐐᑕᒪᐎᓈᓐ ᓂᒪᒋᑑᑕᒧᐎᓇᓐ ᐁᑮ ᑳᑕᒪᐎᓯᓄᐎᓈᓐ ᓂᒪᒋᐃᔑᒋᑫᐎᓇᓐ᙮ ᒦ ᓴ ᑳᐃᑭᑐᔮᓐ, ᓂᑲ ᐐᑕᒪᐙ ᓴ ᑳᑎᐯᒋᑫᒡ ᓂᒪᒋᑑᑕᒧᐎᓇᓐ᙮ ᒦᔥ ᑳᑮ ᐴᓀᑕᒪᐎᔭᓐ ᐁᔑ ᒥᑯᔥᑳᑌᑕᒧᐃᑯᔮᓐ ᓂᒪᒋᑑᑕᒧᐎᓐ᙮ 6 ᑕᑲ ᓴ ᑕᔥ ᐁᑕᔑᐙᒡ ᐊᐎᔭᒃ ᑫᒋᐌᓂᒥᒀ ᑭᑲ ᐊᓇᒥᐁᑖᑰᒃ ᒣᒀ ᐁᐃᔑᓭᒃ ᒋᑮ ᒥᑳᑰᔭᐸᓐ; ᐊᐲ ᓴ ᑕᔥ ᑭᒋ ᒨᔥᑲᐊᓂᓂᒃ, ᑳᐐᓐ ᑕᐅᒋᒋᐲᓰᐗᒃ᙮ 7 ᑮᓐ ᓴ ᑭᑎᓄᐤ ᑳᔑ ᑳᓱᔮᓐ; ᑭᑲᓇᐌᓂᒥᔥ ᓴ ᒋᒫᔑᓭᓯᐙᓐ, ᐁᐙᑳᔥᑲᐎᔭᓐ ᓴ ᒦ ᐃ ᐁᓇᐊᒫᓐ ᐁᐱᒫᒋᐃᔭᓐ᙮ 8 ᑳᑎᐯᒋᑫᒡ ᐃᑕᔥ ᐃᑭᑐ, ᓃᓐ ᓴ ᑭᑲ ᐙᐐᑕᒪᐎᓐ, ᑭᑲ ᑭᑭᓄᐊᒪᐎᓐ ᑲᔦ ᐋᑎ ᓇᑫ ᑫᐃᔖᔭᓐ; ᑭᑲ ᒫᒦᓄᒥᓐ, ᑭᑲ ᑲᓇᐙᐸᒥᓐ ᑲᔦ ᒋᓈᓈᑲᒋᐃᓈᓐ᙮ 9 ᑫᑯ ᑕᔥ ᐐᓐ ᐃᓀᑖᑯᓯᑫᓐ ᑖᐱᔥᑰ ᒥᑕᑎᒻ, ᔔᔔᒥᑕᑎᒻ ᑲᔦ ᐌᓂᓯᑐᑕᒧᐎᓂᓯᒀ, ᑳᐅᒋ ᑲᔥᑭᐃᑣ ᐁᑕ ᐲᐙᐱᑰᓐ ᐁᑕᑾᑕᒧᐙᒡ ᑫᐅᒋ ᐱᓯᑕᐎᒀ᙮ 10 ᐹᑏᓇᑎᓂᓂᐗᓐ ᓴ ᐁᔑ ᒫᔑᓭᐙᒡ ᒣᒋᐃᔑᐌᐱᓯᐙᒡ; ᐊᐊ ᑕᔥ ᐐᓐ ᑳᑌᐺᔦᓂᒫᒡ ᑳᑎᐯᒋᑫᓂᒡ ᐅᐙᑳᔥᑳᑯᓐ ᐅᒥᓄᑑᑖᑫᐎᓂᓂ᙮ 11 ᑮᓇᐙ ᓴ ᑴᔭᒀᑎᓯᔦᒃ ᒥᓉᑕᒧᒃ, ᒌᑫᑕᒧᒃ ᑲᔦ ᐋᓃᔥ ᑳᑎᐯᒋᑫᒡ ᑳᐐᑑᑲᐎᓀᒃ; ᓂᑲᒧᒃ ᑲᑭᓇ ᑴᔭᒀᑎᓯᔦᒃ ᑭᑌᐃᐙᕽ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society