Nikamonan 25 - ᐅᒋᐺ ᑭᒋᒪᓯᓇᐃᑲᓐᑮᐊᓇᒥᐋ ᒋᑭᑭᓄᐎᓂᑯᒡ ᑲᔦ ᒋᑲᓇᐌᓂᒥᑯᒡ ᑳᑎᐯᒋᑫᓂᒡ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᑌᐯᒋᑫᔭᓐ, ᑮᓐ ᓴ ᓂᑕᒑᑯᕽ ᑭᑎᔑ ᐊᓇᒥᐁᑕᐎᓐ᙮ 2 ᑮᓐ ᓴ ᓂᑭᔐᒪᓂᑑᒻ ᑳᑌᐺᔦᓂᒥᓈᓐ᙮ ᑫᑯ ᐸᑭᑎᓂᔑᑫᓐ ᒋᐊᑲᒋᐃᑰᔮᓐ; ᑫᑯ ᐸᑭᑎᓈᑫᓐ ᑳᔒᑫᓂᒥᐙᒡ ᒋᔖᑰᒋᐃᐙᒡ᙮ 3 ᑫᒋᓈᒡ ᓴ ᐊᐎᔭ ᐁᐯᓂᒧᓄᑕᐎᒃ ᑳᐐᓐ ᐐᑳ ᑭᑲ ᐸᑭᑎᓈᓰ ᒋᐊᑲᒋ ᔖᑰᒋᐃᓐᒡ, ᐃᑭ ᓴ ᐐᓐ ᐁᔥᒀᑦ ᑳᔕᔒᐱᑕᒧᐙᒡ ᑕᐊᑲᒋ ᔖᑰᒋᐋᐗᒃ᙮ 4 ᐆ ᑌᐯᒋᑫᔭᓐ, ᐙᐸᑕᐃᔑᓐ ᐃᓇᑫ ᐁᔑᑣᔭᓐ, ᑭᑭᓄᐊᒪᐎᔑᓐ ᒋᑭᑫᑕᒫᓐ ᑭᑎᔖᐐᓐ᙮ 5 ᑭᑭᓄᐎᓂᔑᓐ, ᑭᑭᓄᐊᒪᐎᔑᓐ ᑲᔦ ᑭᑌᐺᐎᓂᕽ ᐃᓇᑫ ᒋᔑ ᐱᒫᑎᓯᔮᓐ, ᑮᓐ ᐄᑐᒃ ᓂᑭᔐᒪᓂᑑᒻ ᑳᐱᒫᒋᐃᔭᓐ; ᑮᓐ ᐅᔕ ᑳᐊᐯᓂᒧᓄᑕᐎᓈᓐ ᑲᐯᑮᔑᒃ᙮ 6 ᐆ ᑌᐯᒋᑫᔭᓐ, ᒫᒥᑲᐎᓄᑕᓐ ᑭᑭᒋ ᑰᐹᓯᓈᑫᐎᓐ, ᑭᓵᑭᐃᐌᐎᓐ ᑲᔦ ᒣᐎᔕ ᑳᑮ ᓂᑖ ᓈᑯᑑᔭᓐ᙮ 7 ᑫᑯ ᑕᔥ ᒫᒥᑲᐎᓄᑕᑫᓐ ᑳᑮ ᐃᔑ ᒪᒋᐃᔑᒋᑫᔮᓐ ᑮᐅᔥᑳᑎᓯᔮᓐ, ᑳᑮ ᐃᔑ ᔕᔒᐱᑕᒫᓐ ᑲᔦ᙮ ᐆ ᑌᐯᒋᑫᔭᓐ ᓭᓭᑳᐎᔭᓐ, ᑭᒥᓄᑑᑖᑫᐎᓂᕽ ᓴ ᐃᓇᑫ ᐃᔑ ᒫᒥᑲᐎᓄᑕᐎᔑᓐ᙮ 8 ᑳᑎᐯᒋᑫᒡ ᐃᑕᔥ ᐁᓴᓭᑳᐎᒡ, ᐁᑾᔭᒀᑎᓯᒡ ᑳᐅᒋ ᑭᑭᓄᐊᒪᐙᒡ ᐅᒪᒋᒋᑫᐞ ᐃᓇᑫ ᑫᐃᔖᓂᒡ᙮ 9 ᑌᐸᓭᓂᒧᓂᒡ ᓴ ᐅᑎᔑᑭᑭᓄᐎᓈᐞ ᑾᔭᒀᑎᓯᐎᓂᕽ ᐃᓇᑫ, ᐅᑭᑭᓄᐊᒪᐙᐞ ᑲᔦ ᐅᑎᔑᑣᐎᓐ᙮ 10 ᒥᓄᑑᑖᑫᐎᓂᕽ ᓴ, ᑌᐺᔦᑖᑯᓯᐎᓂᕽ ᑲᔦ ᐃᓇᑫ ᑳᑎᐯᒋᑫᒡ ᐅᑎᔑ ᑭᑭᓄᐎᓈᐞ ᑲᑭᓇ ᑫᓇᐌᑕᒥᓂᒡ ᐅᑕᔓᑕᒫᑫᐎᓐ, ᐅᑎᓈᑯᓂᑫᐎᓐ ᑲᔦ᙮ 11 ᐆ ᑌᐯᒋᑫᔭᓐ, ᑭᐐᓱᐎᓂᕽ ᓴ ᐅᒋ ᐴᓀᑕᓐ ᓂᒪᒋᐃᔑᒋᑫᐎᓇᓐ ᐋᓇᐐᓐ ᐁᐹᑏᓇᑎᑭᓐ᙮ 12 ᐊᐌᓀᓇᓐ ᓴ ᑯ ᐃᓂᓂᐗᓐ ᑫᑯᑖᓀᓂᒥᑯᒡ ᑳᑎᐯᒋᑫᒡ? ᒦᐗᓐ ᓴ ᐃᓂ ᑫᑭᑭᓄᐊᒪᐙᒡ ᐃᓇᑫ ᑫᐃᔖᓂᒡ ᑳᑮ ᐃᔑ ᐅᓀᑕᒪᐙᒡ᙮ 13 ᒦᐗᓐ ᓴ ᐃᓂ ᑫᒥᓄᓭᓂᒡ, ᐅᐲᐌᓰᒥᓂ ᑲᔦ ᑕᓂ ᑎᐱᓇᐌᐎᓯᐗᐞ ᐊᑮᓂ᙮ 14 ᑳᑎᐯᒋᑫᒡ ᓴ ᐅᓵᑭ ᐐᒌᐙᐞ ᑳᑯᑖᓀᓂᒥᑯᒡ, ᐅᑲ ᑭᑫᑕᒧᐋᐞ ᑳᑮ ᐅᔑᑑᒡ ᐊᔓᑕᒫᑎᐎᓐ᙮ 15 ᑳᑎᐯᒋᑫᒡ ᓴ ᒨᔕᒃ ᓂᑲᓇᐙᐸᒫ, ᐐᓐ ᓴ ᑳᐱᒫᒋᐃᒡ ᑮᐱᑕᐌᐗᒃ᙮ 16 ᑌᐯᒋᑫᔭᓐ, ᐱᓈᓯᑲᐎᔑᓐ ᒋᑰᐹᓯᓇᐎᔭᓐ, ᐐᑫ ᐄᑐᒃ ᓂᔑᑲᑌᑕᒻ, ᐐᑫ ᓂᓃᓇᒥᐊᔮ ᑲᔦ᙮ 17 ᑳᔑ ᐗᓯᑖᐎᓭᔮᓐ ᓴ ᓂᑌᐃᕽ ᐁᑕᑕᐌ ᐊᓂ ᐹᑏᓇᑎᓅᓐ; ᑕᑲ ᑮᓐ ᐋᐸᐅᔑᓐ ᓵᑭᓯᐃᔑᓐ ᐁᔑ ᐗᓯᑖᐎᓭᔮᓐ᙮ 18 ᐃᓇᔥᑫ ᐙᐸᑕᓐ ᐁᔑ ᑲᒀᑕᑭᓭᔮᓐ, ᐁᔑ ᐗᓯᑖᐎᓭᔮᓐ ᑲᔦ, ᐴᓀᑕᓐ ᑲᑭᓇ ᓂᒪᒋᑑᑕᒧᐎᓇᓐ᙮ 19 ᐃᓇᔥᑫ ᑲᔦ ᐙᐸᒻ ᑳᔒᑫᓂᒥᐙᒡ ᐁᐲᒋ ᐹᑏᓄᐙᒡ; ᐐᑫ ᓴ ᓂᑲᒀᓂᓴᑭ ᓂᔥᑫᓂᒥᑰᒃ᙮ 20 ᑲᓇᐌᓂᒥᔑᓐ ᒋᓈᑕᒪᐎᔭᓐ; ᑫᑯ ᐸᑭᑎᓂᔑᑫᓐ ᒋᐊᑲᒋ ᔖᑰᒋᐃᑰᔮᓐ, ᑮᓐ ᐄᑐᒃ ᑳᓈᒋᐸᐃᐙᓂᓈᓐ᙮ 21 ᑕᑲ ᐌᓂᔑᔑᒃ, ᑾᔭᒀᑎᓯᐎᓐ ᑲᔦ ᓂᑲ ᑲᓇᐌᓂᒥᑰᓐ, ᑮᓐ ᐄᑐᒃ ᑳᐊᐯᓂᒧᓄᑕᐎᓈᓐ᙮ 22 ᐆ ᑭᔐᒪᓂᑑ ᐱᒫᒋᐞ ᐃᔅᕒᐃᔭᓬᐊᒃ Israel ᑲᑭᓇ ᑳᔑ ᐗᓯᑖᐎᓭᐙᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society