Nikamonan 2 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᑳᑮᐅᓈᐸᒫᒡ ᑭᒋᐅᑭᒫᓐ 1 ᐌᑯᓀᓂᓂ ᑕᔥ ᑯᑕᒃ ᐯᒫᑎᓯᐙᒡ ᐌᒋ ᐐ ᐲᑾᑲᒥᑭᓯᐙᒡ? ᐌᑯᓀᓐ ᓴ ᑲᔦ ᐯᒫᑎᓯᐙᒡ ᐃᔑ ᐊᓂᔖ ᐌᒋ ᐃᓀᑕᒧᐙᒡ ᐃᐃ ᐁᐐ ᐃᔑᒋᑫᐙᒡ? 2 ᐅᑑᑭᒫᒥᐙᐞ ᓴ, ᑌᐯᓂᒥᑯᐙᒡ ᑲᔦ ᐅᐅᒫ ᐊᑮᕽ ᐁᔮᓂᒡ ᐅᑯ ᐃᓀᑕᒨᐞ ᐁᐐ ᓇᑳᔥᑲᐙᓂᒡ ᑳᑎᐯᒋᑫᓂᒡ, ᐃᓂ ᑲᔦ ᑳᑮ ᐅᓀᓂᒫᓂᒡ᙮ 3 ᒦ ᓴ ᐅᐌᓂ ᐁᑭᑐᐙᒡ, ᑕᑲ ᓴ ᐲᑯᐱᑑᐙᑖᓂᓐ ᐅᐲᐙᐱᑴᔮᐲᐙᓐ, ᓂᑯᒋ ᒋᐊᐸᑭᑖᐗᕽ, ᐊᐗᔑᒣ ᒋᑎᐯᓂᒥᓯᓅᐗᑭᑣ᙮ 4 ᐊᐊ ᓴ ᑕᔥ ᑳᑎᐯᒋᑫᒡ ᓀᒪᑕᐱᒡ ᐅᑑᑭᒫᐗᐱᐎᓂᕽ ᑭᒋᑮᔑᑯᕽ ᒥᒋ ᐹᐱ, ᐁᐹᐱᑑᒡ ᐗᐃᔑᒋᑫᓂᒡ᙮ 5 ᒦᑕᔥ ᐁᓂᔥᑭᐃᑯᒡ ᐁᔑ ᑭᔒ ᑲᓅᓈᒡ ᐐᑫ ᐁᓭᑭᒫᒡ ᐁᑯᑖᓂᑖᑯᓯᒡ ᐁᐃᓈᒡ, 6 ᓃᓐ ᐅᔕ ᐱᑯ ᓂᑮ ᐅᓇᓵ ᑳᑭᒋᐅᑭᒫᐎᐊᒃ ᐃᐃᒫ ᑳᑭᑌᑖᑾᒃ ᐗᒌᕽ ᑳᑕᓀᑖᑯᓯᐗᒃ ᓵᔭᓐ Zion ᐁᒋᑳᑌᒃ! 7 ᐅᐅ ᑕᔥ ᐃᑭᑐ ᑭᒋᐅᑭᒫ, ᑫᒋᓈᒡ ᓴ ᑯ ᓂᑲ ᐐᑕᒫᑫᐙᓐ ᐁᑭᑐᒡ ᑳᑎᐯᒋᑫᒡ, ᐅᐅ ᐁᑮᐃᔑᒡ, ᑮᓐ ᓴ ᓂᑯᓯᔅ, ᓅᑯᒻ ᑳᑮᔑᑲᒃ ᓴ ᑭᒫᒌ ᐅᑌᑌᒥᔥ᙮ 8 ᑲᑴᒋᒥᔑᓐ, ᑭᑲ ᒦᓂᓐ ᐃᑕᔥ ᑲᑭᓇ ᐯᒫᑎᓯᐙᒡ ᒋᑎᐱᓇᐌᐎᓯᔭᓐ, ᒥᓯᐌ ᐱᑯ ᐊᑭ ᒋᑎᐯᑕᒪᓐ᙮ 9 ᑭᑲ ᐋᑯ ᑎᐯᓂᒫᒃ ᓴ ᒋᐋᐸᒋᑑᔭᓐ ᒋᐲᐙᐱᑯᐗᕽ ᑎᓄ ᑭᒋᐅᑭᒫᒃ ᑳᑕᑯᓇᒧᐙᒡ, ᒋᐱᑭᔥᑭᑲᓈᒪᑣ ᑖᐱᔥᑰ ᐙᐱᑲᓇᑭᑾᒃ ᑳᐃᔑᓭᐙᒡ᙮ 10 ᑮᓇᐙ ᑕᔥ ᑫᒋᐅᑭᒫᐎᔦᒃ ᑲᑮᑖᐌᑕᒧᒃ ᑌᐯᑕᒣᒃ ᐅᐅ ᐊᑭ ᒋᐊᔮᒀᒥᓯᔦᒃ᙮ 11 ᐊᓇᒥᐁᑕᐎᒃ ᑳᑎᐯᒋᑫᒡ ᒋᑭᑌᓂᒣᒃ, ᒋᑭᑫᑕᒣᒃ ᐁᑯᑖᓀᓂᒣᒃ᙮ 12 ᑭᑌᓂᒥᒃ ᐅᑯᓯᓯᒫ, ᒋᓂᔥᑳᑎᓰᑲᑕᐎᓯᓄᐌᒃ, ᒋᓂᔑᐗᓈᒋᐃᓯᓄᐌᒃ ᑲᔦ ᐊᓂ ᐱᒥ ᐊᔮᔦᒃ ᐋᓃᔥ ᐗᑫᐎᑭᑖᓱ᙮ ᔕᐌᑖᑯᓯᐗᒃ ᓴ ᐃᑭ ᑳᓈᒋᐸᐃᐙᓈᐙᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society