Nikamonan 16 - ᐅᒋᐺ ᑭᒋᒪᓯᓇᐃᑲᓐᑫᔑᐋᓇᒥᐋᒡ ᐊᐎᔭ ᒋᑫᒋᓈᐅᐌᓂᒧᒡ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᐆ ᑭᔐᒪᓂᑑ, ᑲᓇᐌᓂᒥᔑᓐ, ᑮᓐ ᐄᑐᒃ ᑳᓈᒋᐸᐃᐙᓂᓈᓐ᙮ 2 ᐅᐅ ᓴ ᓂᑮ ᐃᓈ ᑳᑎᐯᒋᑫᒡ, ᑮᓐ ᓴ ᓂᑎᐯᒋᑫᒻ; ᑳᐐᓐ ᓴ ᐌᓂᔑᔑᒃ ᓂᑖ ᐊᔮᓰᓐ ᓂᔑᑫ ᐊᔮᔮᐹᓐ᙮ 3 ᑳᑎᐯᒋᑫᒡ ᐅᐱᒫᑎᓰᒪᐞ ᐅᐅᒫ ᐊᑮᕽ ᐁᔮᓂᒡ ᓴ ᐁᑕᑕᐌ ᐅᓂᔑᔐᑖᑯᓯᐗᐞ᙮ ᒦᐗᒃ ᐃᓴ ᐃᑭ ᑫᒋ ᐃᓀᓂᒪᒀ ᐐᑫ ᑲᔦ ᐁᓵᑭᐊᒀ᙮ 4 ᐃᑭᐌᓂᐗᒃ ᓴ ᑳᐱᒥᓂᔕᐙᐙᒡ ᑯᑕᒃ ᒪᓂᑑᐞ ᐋᒌᑫ ᑕᓂ ᒫᓀᑕᒨᒃ᙮ ᑳᐐᓐ ᐃᑕᔥ ᓂᐐ ᐐᒋᑣᐙᓰᓐ ᒥᔅᑸᐎ ᐸᑭᑎᓈᓱᐙᒡ, ᑳᐐᓐ ᑲᔦ ᓂᑲ ᐐᓂᒫᓰᐞ ᐅᒪᓂᑑᒥᐙᐞ᙮ 5 ᑌᐯᒋᑫᔭᓐ, ᑮᓐ ᓴ ᑳᑮ ᐅᓇᐆᔑᔭᓐ ᑫᔑ ᑎᐱᓇᐌᐎᓯᔮᓐ, ᑫᔑ ᐅᑕᑮᒥᔮᓐ ᑲᔦ; ᑮᓐ ᓴ ᑫᒋᓈᒡ ᑭᑲᓂ ᑲᓇᐌᓂᒥᔥ ᐌᑎ ᓃᑳᓇᔭᐄ᙮ 6 ᐃᐃ ᓴ ᐁᔑ ᑎᐸᐊᑮᑕᒪᐎᔭᓐ ᐁᔑ ᐊᔪᓂᔑᔑᒃ ᒪᔮ ᐊᔨᔑᓭ; ᑌᐺ ᓴ ᑳᔑ ᑎᐱᓇᐌᐎᓯᔮᓐ ᐁᑕᑕᐌ ᐅᓂᔑᔑᓐ! 7 ᓂᑲ ᒦᑴᒋᐌᓂᒫ ᓴ ᑳᑎᐯᒋᑫᒡ ᑳᓂ ᐐᑕᒪᐎᒡ ᑫᐃᔑᒋᑫᐗᒃ; ᒥᓴᐙ ᑯ ᐁᑎᐱᑲᒃ ᓂᑌᐃᕽ ᓂᑐᒋ ᑭᑭᓄᐊᒫᑰᐎᔅ᙮ 8 ᒨᔕᒃ ᓴ ᑯ ᓂᑕᓀᓂᒫ ᑳᑎᐯᒋᑫᒡ ᐁᔑᐊᔮᐗᒃ᙮ ᐯᔓ ᓴ ᐁᐐᒌᐎᒡ, ᑳᐐᓐ ᓴ ᑫᑰᓐ ᓂᑲ ᐗᑲᐎᓂᑯᓰᓐ᙮ 9 ᒦᑕᔥ ᐌᒋ ᒥᓉᑕᒫᓐ ᓂᑌᐃᕽ, ᐌᒋ ᐃᑭᑐᔮᓐ ᑲᔦ ᐁᒥᓉᑕᒫᓐ; ᒦ ᓴ ᐃ ᓂᐐᔭᐤ ᑫᐅᒋ ᐋᔩᒋ ᐊᓉᐲᒪᑲᒃ᙮ 10 ᑳᐐᓐ ᐄᑐᒃ ᐊᐙᒡ ᑭᑲ ᐃᔑ ᓇᑲᔑᓰ ᐊᓈᒪᑲᒥᒃ ᐌᑎ ᐅᓂᐴᒃ ᑳᐃᔑᐊᔮᐙᒡ᙮ ᑳᐐᓐ ᑲᔦ ᑮᓐ ᑭᔐᒪᓂᑑ ᑭᑲ ᐸᑭᑎᓂᓰ ᑳᓇᐁᑕᒥᐃᓈᓐ ᒋᑕᔑ ᐗᓈᑕᒃ ᓂᐐᔭᐤ ᐃᐃᒫ ᓂᐳᐎᓂᕽ᙮ 11 ᑭᑮ ᑭᑫᑕᒨᐃᔥ ᑫᓂ ᐃᓇᐊᑑᔮᓐ ᑌᐺ ᒋᐱᒫᑎᓯᔮᓐ᙮ ᐐᑫ ᓴ ᑭᑲ ᑌᐱ ᒨᒋᑫᑕᒧᐃᔥ ᐁᐐᒌᐎᔭᓐ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society