Nikamonan 146 - ᐅᒋᐺ ᑭᒋᒪᓯᓇᐃᑲᓐᐁᒦᑴᒋᐌᓂᒥᓐᒡ ᑭᔐᒪᓂᑑ ᐯᒫᒋᐃᐌᒡ 1 ᓇᓈᑯᒥᒃ ᑳᑎᐯᒋᑫᒡ! ᓂᑕᒑᑯᕽ ᓂᑲᔑ ᓇᓈᑯᒫ ᑳᑎᐯᒋᑫᒡ! 2 ᓂᑲ ᓇᓈᑯᒫ ᓴ ᑳᑎᐯᒋᑫᒡ ᒥᓂᒃ ᑫᐱᒫᑎᓯᔮᓐ, ᓂᑲ ᓂᑲᒨᑕᐙ ᑲᔦ ᒋᒦᑴᒋᐌᓂᒪᒃ ᒥᓂᒃ ᐃᑯ ᑫᐱᒫᑎᓯᔮᓐ᙮ 3 ᑫᑯ ᐐᓐ ᐊᐯᓂᒧᑫᓐ ᐃᓂᓂᐗᒃ ᐌᑭᒫᐌᑖᑯᓯᐙᒡ ᑫᓂᐳᐙᒡ ᑫᔥᑭᑑᓯᒀ ᒋᐱᒫᒋᐃᐌᐙᒡ᙮ 4 ᐊᐲ ᓴ ᑕᔥ ᓂᐳᐙᒡ, ᒥᑕᑲᒥᑯᕽ ᓴ ᑕᑮᐌ ᐃᓀᑖᑯᓯᐗᒃ; ᒦᔥ ᐃᐃ ᐊᐲ ᑮᔑᑲᓂᓂᒃ ᐗᐃᔑᒋᑫᐙᐸᓐ ᑳᐐᓐ ᑕᑭᑫᑖᑾᓯᓂᓂ᙮ 5 ᑕᔕᐌᑖᑯᓯ ᓴ ᐊᐎᔭ ᑳᐐᒋᐃᑯᒡ ᐅᑭᔐᒪᓂᑑᒥᓂ ᒉᑲᐴᓐ Jacob, ᑳᐊᐯᓂᒧᓄᑕᐙᒡ ᑳᑎᐯᒋᑫᓂᒡ ᐅᑭᔐᒪᓂᑑᒪᓐ, 6 ᑳᑮ ᐅᔑᑑᓂᒡ ᑮᔑᒃ, ᐊᑭ, ᑭᒋᑲᒻ ᑲᔦ, ᑲᑭᓇ ᑲᔦ ᑫᑰᓐ ᐃᐃᒫ ᐊᔮᓂᑭᓐ᙮ ᐐᓐ ᐄᑐᒃ ᒨᔕᒃ ᑳᑌᐺᔦᑖᑯᓯᒡ᙮ 7 ᑳᑎᐯᒋᑫᒡ ᓴ ᐅᓈᑕᒪᐙᐞ ᑳᐌᓵᓂᐃᒥᓐᒡ, ᐅᑕᔕᒫᐞ ᑲᔦ ᑳᓅᑌᔅᑲᑌᓂᒡ᙮ ᐅᐸᑭᑎᓈᐞ ᑲᔦ ᐃᐃ ᑳᑕᑯᓂᒥᓐᒡ, 8 ᐅᐙᐱᐋᐞ ᑲᔦ ᑳᐙᐱᓯᓂᒃ, ᐅᒪᔮᐎᑳᐸᐎᐋᐞ ᑲᔦ ᑳᒫᑭᓯᓂᒡ; ᐅᓵᑭᐋᐞ ᑲᔦ ᐃᐃ ᑴᔭᒀᑎᓯᓂᒡ᙮ 9 ᐅᓈᑕᒪᐙᐞ ᐃᓴ ᑲᔦ ᑳᒪᔭᑭᓯᓂᒡ, ᐅᓈᓈᑲᒋᐋᐞ ᑲᔦ ᑸᐗᔑᔖᓇᐞ, ᑮᐙᒋᑴᐞ ᑲᔦ᙮ ᐅᐗᓇᔥᑴᐋᐞ ᐃᑕᔥ ᑲᔦ ᐗᐃᔑᒋᑫᓂᐸᓐ ᒣᒑᑎᓯᓂᒡ᙮ 10 ᑳᑎᐯᒋᑫᒡ ᓴ ᑕᓀᐱᒋ ᑎᐯᒋᑫ᙮ ᓇᓈᑯᒥᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑲᑭᓇ ᑫᓂ ᑕᓶᐙᓇᑭᓯᔦᒃ ᐁᔮᔦᒃ ᓵᔭᓐ Zion ᐁᒋᑳᑌᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society