Nikamonan 14 - ᐅᒋᐺ ᑭᒋᒪᓯᓇᐃᑲᓐᐃᓂᓂ ᐅᒪᒋᐃᔑᐌᐱᓯᐎᓐ ᐁᑕᔑᑌᓂᒃ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᑳᑲᑮᐹᑎᓯᒡ ᓴ ᐃᑭᑐ ᐅᑌᐃᕽ, ᑳᐐᓐ ᐅᔕ ᐊᔮᓰ ᑭᔐᒪᓂᑑ! ᑲᑭᓇ ᓴ ᑯ ᓅᒋᑯ ᓂᑖ ᐃᔑᒋᑫᐗᒃ, ᐐᑫ ᑲᔦ ᓂᑖ ᒪᒫᔒᐗᒃ; ᑳᐐᓐ ᓴ ᐊᐙᒡ ᐃᑯ ᐯᔑᒃ ᐊᔮᓰ ᑳᐅᓂᔑᔑᓂᓂᒃ ᑳᑑᑕᕽ᙮ 2 ᑳᑎᐯᒋᑫᒡ ᓴ ᓈᔕᔭᐄ ᐃᓈᐱ, ᑭᒋᑮᔑᑯᕽ ᐁᐅᓵᐸᒫᒡ ᐯᒫᑎᓯᓂᒡ, ᐁᓇᓈᑕᐙᐸᒫᒡ ᐊᐎᔭᓐ ᒋᑲᑮᑖᐌᑕᒥᓂᑴᓐ, ᐊᐎᔭᓐ ᑲᔦ ᑫᐊᑐᓀᐅᑯᒡ᙮ 3 ᑲᑭᓇ ᓴ ᑮᐸᑫᔥᑳᐗᒃ, ᑲᑭᓇ ᑲᔦ ᑳᑕᔑᐙᒡ ᒫᒪᐎ ᐊᓂ ᓅᒋᑯ ᐃᔑᐊᔮᐗᒃ᙮ ᑳᐐᓐ ᓴ ᐊᐙᒡ ᐃᑯ ᐯᔑᒃ ᐊᔮᓰ ᑳᐅᓂᔑᔑᓂᓂᒃ ᑫᑑᑕᑭᐸᓐ, ᑳᐐᓐ ᓴ ᑯ ᐋᐲᓐᒡ ᐯᔑᒃ ᐊᔮᓰ᙮ 4 ᑳᑎᐯᒋᑫᒡ ᑕᔥ ᐃᔑ ᑲᑴᑗ, ᐃᑭ ᓴ ᑲᑭᓇ ᑳᒪᒋᐃᔑᐌᐱᓯᐙᒡ, ᑳᐐᓐ ᐃᓇ ᐅᑭᑫᑕᒫᐎᓂᓰᐗᒃ? ᒦᐗᒃ ᐄᑐᒃ ᐃᑭ ᑳᓂᔑᐗᓈᒋᐋᐙᒡ ᓂᐱᒫᑎᓰᒪᐞ ᑖᐱᔥᑰ ᐃᓂᓂᐗᒃ ᑳᔑ ᑭᑕᒸᐙᒡ ᐸᑴᔑᑲᓇᓐ, ᑳᐐᓐ ᑲᔦ ᐐᑳ ᓂᑲᓅᓂᑯᓰᒃ᙮ 5 ᐗᐐᑫ ᓴ ᑕᔥ ᑕᑲᒀᑕᑳᓂᒥᓯᐗᒃ, ᐋᓃᔥ ᑭᔐᒪᓂᑑᓐ ᐅᐐᒌᐙᓂᐞ ᐃᐃ ᑴᔭᒀᑎᓯᓂᒡ᙮ 6 ᑳᒪᒋᐃᔑᐌᐱᓯᐙᒡ ᓴ ᐅᐗᓇᔥᑴᑕᒪᐙᓂ ᐋᓃᓐ ᐗᐊᓂ ᐃᔑᒋᑫᓂᒡ ᑳᑭᑎᒫᑭᓯᓂᒡ, ᔖᑰᒡ ᐃᑕᔥ ᑳᑎᐯᒋᑫᓂᒡ ᐅᓈᑕᒫᑯᓂ᙮ 7 ᐊᐯᔥ ᐃᑕᔥ ᔖᑰᒋᑣᐎᓐ ᐅᑎᓯᑯᐙᒡ ᐃᔅᕒᐃᔭᓬᐊᒃ Israel ᒋᐅᒌᓂᒃ ᓵᔭᓂᕽ Zion᙮ ᐐᑫ ᐄᑐᒃ ᑕᑭᒋ ᒥᓉᑕᒨᒃ ᐃᔅᕒᐃᔭᓬᐊᒃ ᐯᒫᑎᓯᐙᒡ, ᐊᐲ ᒦᓇᐙ ᑮᐌ ᒥᓄᓭᐃᑯᐙᒡ ᑳᑎᐯᒋᑫᓂᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society