Nikamonan 132 - ᐅᒋᐺ ᑭᒋᒪᓯᓇᐃᑲᓐᑳᔑᒦᑴᒋᐌᒋᑳᑌᓂᒃ ᑭᒋ ᐊᓇᒥᐁᐎᑲᒥᒃ 1 ᐆ ᑌᐯᒋᑫᔭᓐ, ᑫᑯ ᐗᓃᑫᐙᑫᓐ ᑲᑭᓇ ᑌᐱᑦ David ᑳᑮ ᐃᔑ ᑲᒀᑕᑭᓭᒡ᙮ 2 ᒦ ᓴ ᐅᐌ ᑳᐃᔑ ᐊᐱᒧᓄᑕᐙᑯᐸᓀᓐ ᑳᑎᐯᒋᑫᓂᒡ, ᐁᑮ ᐊᔩᒋ ᐊᔓᑕᒪᐙᑯᐸᓀᓐ ᑲᔦ ᒉᑲᐴᓐ Jacob ᐌᑭᔐᒪᓂᑑᒥᓂᒡ ᒣᔥᑲᐌᑖᑯᓯᓂᒡ, ᒦᔥ ᐅᐅ ᑌᐱᑦ ᑳᐃᑭᑐᑯᐸᓀᓐ, 3 ᑳᐐᓐ ᓂᑲ ᐲᑎᑫᓰ ᓂᑖᐎᓂᕽ, ᑳᐐᓐ ᑲᔦ ᓂᑲ ᑲᐎᔑᒧᓰ, 4 ᑳᐐᓐ ᑲᔦ ᓂᑲ ᐸᓴᒀᐱᓰ ᒋᓂᐹᔮᐸᓐ, 5 ᐹᓂᒫ ᓴ ᑮᒥᑲᒧᐗᒃ ᑫᔑᐊᔮᒡ ᑳᑎᐯᒋᑫᒡ, ᑮᒥᑲᒧᐗᒃ ᑫᐃᔑᑖᓂᒡ ᒉᑲᑉ ᐅᑭᔐᒪᓂᑑᒪᓐ ᒣᔥᑲᐌᑖᑯᓯᓂᒡ᙮ 6 ᐌᑎ ᓴ ᐁᐸᕒᐊᑦ Ephrath ᓂᑮ ᐅᒋ ᓅᑖᒥᓐ ᐁᑕᔑᑌᒃ ᐃᐃ ᐊᔓᑕᒫᑫᒪᑲᒃ, ᐁᑮ ᐃᔑ ᒥᑲᒫᕽ ᐃᑕᔥ ᒥᔕᐗᑲᒥᕽ ᒉᐊᕒ Jaar ᐁᒋᑳᑌᒃ᙮ 7 ᒦᔥ ᐅᐅ ᑳᐃᑭᑐᔮᕽ, ᑕᑲ ᐃᔖᐙᑖ ᑳᑎᐯᒋᑫᒡ ᐅᑕᔮᐎᓂᕽ; ᑕᑲ ᐊᑕ ᐊᓇᒥᐁᑕᐙᑖ ᐁᔑ ᐊᐱᓯᑌᐱᒡ᙮ 8 ᐆ ᑌᐯᒋᑫᔭᓐ, ᑕᑲ ᐲᔖᓐ ᐁᔑᐊᔮᒃ ᑭᑕᓉᐲᐎᑲᒥᒃ ᒋᐱ ᑭᑮᔭᓐ ᐊᔓᑕᒫᑫᒪᑲᒃ ᐌᒋ ᑭᑭᓇᐙᓯᓈᑾᒃ ᑭᒪᔥᑲᐎᓰᐎᓐ᙮ 9 ᑕᑲ ᓴ ᑭᑕᓇᒥᐁᐎᑭᒫᒪᒃ ᐅᑲ ᑭᑭᑯᓇᔮᑖᓈᐙ ᑭᑾᔭᒀᑎᓯᐎᓐ; ᑕᑲ ᑲᔦ ᐯᒫᑎᓯᐙᒡ ᑌᐱᓇᐌᐎᓯᔭᓐ ᑕᔖᑯᐌᐗᒃ ᑫᐊᐲᒋ ᒥᓉᑕᒧᐙᒡ᙮ 10 ᐊᐊ ᑕᔥ ᐅᒋ ᑭᑕᓄᑮᐋᑲᓐ ᑌᐱᑦ, ᑫᑯ ᓴ ᐋᓇᐌᓂᒫᑫᓐ ᐌᓈᐸᒪᒡ ᒋᑭᒋᐅᑭᒫᐎᒡ᙮ 11 ᑮᓐ ᑌᐯᒋᑫᔭᓐ, ᑳᑮ ᐊᔩᒋ ᐊᔓᑕᒪᐙᐗᑎᐸᓐ ᐄᑐᒃ ᑌᐱᑦ ᑭᑕᓄᑮᐋᑲᓐ, ᑳᐐᓐ ᐄᑐᒃ ᑭᑲ ᐋᑌᑕᓰ ᐃᐃ ᑳᑮ ᐃᔑ ᐊᔓᑕᒫᑫᔭᓐ, ᐅᐅ ᐁᑮ ᐃᑭᑐᐗᐸᓀᓐ, ᐯᔑᒃ ᓴ ᑮᓐ ᐃᑯ ᑭᐲᐌᓰᒻ ᑕᑭᒋᐅᑭᒫᐎ, ᒋᓈᐱᔥᑲᐎᒃ ᐃᐃ ᑳᔑ ᑭᒋᐅᑭᒫᐎᔭᓐ᙮ 12 ᑮᔥᐱᓐ ᓴ ᑭᑯᓯᓴᒃ ᑲᓇᐌᑕᒧᐙᒡ ᑳᑮ ᐅᓇᑖᐗᒃ ᐊᔓᑕᒫᑎᐎᓐ, ᓂᑎᑭᑐᐎᓇᓐ ᑲᔦ ᑫᑭᑭᓄᐊᒪᐗᒀ, ᒦᑕᔥ ᑫᓂ ᐅᑯᓯᓯᐙᒡ ᓀᐱᒡ ᐃᑯ ᒋᐊᓂ ᓈᐱᔥᑲᐎᒥᒃ ᐅᐅ ᑳᔑ ᑭᒋᐅᑭᒫᐎᐗᒡ᙮ 13 ᑳᑎᐯᒋᑫᒡ ᐅᔕ ᐅᑮ ᐅᓈᐸᑖᓐ ᓵᔭᓐ Zion; ᐁᒥᓴᐌᑕᕽ ᐃᐃᒫ ᐁᐐ ᐃᔑᑖᒡ, ᐁᐃᑭᑐᒡ, 14 ᒦ ᓴ ᐃᐌ ᐁᔑᐊᔮᒃ ᑫᔑ ᐊᓉᐱᔮᓐ ᓀᐱᒡ ᐃᑯ, ᒦ ᓴ ᐃᒫ ᐁᔑ ᒥᓴᐌᑕᒫᓐ ᐁᐐ ᑕᔑᑭᒫᐎᔮᓐ᙮ 15 ᓂᑲ ᒥᓄᓭᑑᓐ ᓴ ᓵᔭᓐ ᐋᓃᓐ ᐃᑯ ᑫᔑ ᓅᑌᓭᒃ, ᐃᑭ ᑲᔦ ᑫᑎᒫᑭᓯᐙᒡ ᐃᐃᒫ ᐁᔮᐙᒡ ᓂᑲ ᑌᐸᔕᒫᒃ᙮ 16 ᐊᓇᒥᐁᐎᑭᒫᒃ ᑲᔦ ᐃᐃᒫ ᐊᔮᐙᒡ ᓂᑲ ᐃᔑᐋᒃ ᒋᑭᑭᑯᓇᔮᑕᒧᐙᒡ ᐱᒫᒋᐃᑰᐎᓯᐎᓐ, ᐯᒫᑎᓯᐙᒡ ᑲᔦ ᐃᐃᒫ ᐌᒋ ᑎᐯᑖᑯᓯᐙᒡ ᑕᓀᐱᒋ ᓇᑲᒧᐗᒃ ᑫᐊᐲᒋ ᒥᓉᑕᒧᐙᒡ᙮ 17 ᒦᑕᔥ ᒋᐃᔑᒋᑫᐗᒃ ᐯᔑᒃ ᑌᐱᑦ ᐅᐲᐌᓰᒪᓐ ᒋᐊᓂ ᑭᒋᐅᑭᒫᐎᓂᒡ ᑫᑭᒋ ᐃᓀᑖᑯᓯᓂᒡ; ᒋᑲᓇᐌᑕᒧᐗᒃ ᐁᔑ ᑎᐯᒋᑫᒡ ᑫᐅᓈᐸᒪᒃ ᓂᑭᒋᐅᑭᒫᒻ᙮ 18 ᑫᔒᑫᓂᒥᑯᒡ ᓴ ᓂᑲ ᐃᔑᐃᒫᐞ ᒋᑭᑭᔥᑲᒥᓂᒡ ᐊᑲᑌᑕᒧᐎᓐ, ᐅᑑᑭᒫᐎᐎᓐ ᐃᑕᔥ ᐐᓐ ᑕᓂ ᒥᓄᓭᓂ ᒋᐊᓂ ᑮᔑᓈᑾᓂᓂᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society