Nikamonan 130 - ᐅᒋᐺ ᑭᒋᒪᓯᓇᐃᑲᓐᑫᔑᐊᓇᒥᐋᑭᐸᓐ ᐊᐎᔭ ᒋᐴᓀᑕᒪᐎᓐᒡ 1 ᑌᐯᒋᑫᔭᓐ, ᑖᐱᔥᑰ ᐊᐎᔭ ᐌᑎ ᐙᓴ ᐊᓈᒦᑎᒻ ᑳᑲᒀᑕᑫᑕᕽ ᒦ ᐃ ᐁᔑᐊᔮᔮᓐ ᐁᐅᒋ ᔖᑯᐌᔮᓐ᙮ 2 ᐆ ᑌᐯᒋᑫᔭᓐ, ᓅᑕᐎᔑᓐ ᐅᐅ ᑳᑲᓅᓂᓈᓐ! ᐱᓯᑕᐎᔑᓐ ᑮᔖᑯᐙᓂᓈᓐ ᒋᐐᒋᐃᔭᓐ! 3 ᑮᓐ ᑭᑭᓇᐙᒋᐲᐊᒪᐸᓐ ᒪᒋᑑᑕᒧᐎᓇᓐ, ᐊᐌᓀᓐ ᑕᔥ ᑫᑲᔥᑭᑑᐸᓐ ᒋᓃᐸᐎᐸᓐ ᐁᓈᓴᒦᐗᒡ᙮ 4 ᔖᑰᒡ ᑕᔥ ᑮᓐ ᑳᐴᓀᑕᒫᑫᔭᓐ ᒪᒋᑑᑕᒧᐎᓇᓐ ᒦᑕᔥ ᑳᐅᒋ ᑯᑖᓀᓂᒥᑰᔭᓐ᙮ 5 ᓂᐲᐋ ᓴ ᑳᑎᐯᒋᑫᒡ ᒥᓯᐌ ᐱᑯ ᓂᐱᒫᑎᓯᐎᓂᕽ, ᓂᑌᐺᑕᒧᐙᓇᓐ ᓴ ᐅᑎᑭᑐᐎᓇᓐ᙮ 6 ᒥᓯᐌ ᓴ ᑯ ᓂᑎᔑ ᐲᐋ ᑳᑎᐯᒋᑫᒡ ᐊᐲᒡ ᐐᓐ ᐊᐊ ᐅᑲᓇᐌᒋᑫ ᑳᔑ ᐲᑑᒡ ᒋᑭᔐᐹᐗᑲᓂᓂᒃ, ᐊᐲᒡ ᐐᓐ ᐊᐊ ᐅᑲᓇᐌᒋᑫ ᑳᔑ ᐲᑑᒡ ᒋᑭᔐᐹᐗᑲᓂᓂᒃ᙮ 7 ᑮᓇᐙ ᐃᔅᕒᐃᔭᓬᐊᒃ Israel ᐊᐯᓂᒧᓄᑕᐎᒃ ᑳᑎᐯᒋᑫᒡ, ᐋᓃᔥ ᐅᓵᑭᐃᐌᐎᓐ ᑳᐐᓐ ᐐᑳ ᐴᓂᓭᓯᓂᓂ, ᐌᓅᑕᓂᓂ ᑲᔦ ᐅᐱᒫᒋᐃᐌᐎᓐ᙮ 8 ᐐᓐ ᓴ ᐱᑯ ᐅᑲ ᐱᒫᒋᐋᐞ ᐅᐱᒫᑎᓰᒪᐞ ᐃᔅᕒᐃᔭᓬᐊᐞ ᑲᑭᓇ ᐱᑯ ᑳᑮ ᐃᔑ ᒪᒋᑑᑕᒥᓂᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society